انا بإذن الله رايح اتفرج على عربية فى المعادى يوم الجمعة.. فعايز منكم أقرب مكان أقيس فيه كبس الماتور وأشيك فيه على العربية ويكون شغال يوم الجمعة.. فى إنتظار ردودكم على أحر من الجمر
عرض للطباعة
انا بإذن الله رايح اتفرج على عربية فى المعادى يوم الجمعة.. فعايز منكم أقرب مكان أقيس فيه كبس الماتور وأشيك فيه على العربية ويكون شغال يوم الجمعة.. فى إنتظار ردودكم على أحر من الجمر
ايه يا جماعة 18 واحد دخلوا ولا واحد يعرف مكان فى المعادى
no idea... sorry
MMamdouh
شكرآ يا محمد بيه على إهتمامك... طيب ياريت تقولى ايه آخد بالى منه كويس... كل اللى أعرفه ان العربية رشت بره ودا لانه موديل 2001 وانتا عارف الشارع المصرى وآثاره على العربيات
انا شخصيا شايف ان موضوع رشة برة دة مش عيب طالما العربية عدى عليها 5 سنين مثلا... انا عربيتى 2001 و فابريكة برة... بس طبعا البوية شوارع من التجريح و الحك و كدة (معظمهم مش منى)... بس طبعا يبقى الرش معمول حلو مش يبقى كل باب عامل زى موج البحر و كدة
اللى مهم فعلا الدواخل... فرد الشاسية و الكارتيرات و القوايم... و كمان اماكن البنط زى حروف لحام الرفرف الخلفى مع جسم العربية الداخلى (اخلع الكاوتشة اللى راكبة داير ما يدور مكان ما الباب بيقفل)
كمان بص لعى الشنب و الرادياتير و صاجة الفرن... ول العربية واخدة فى الوش غالبا الحاجات دى مترجعش زى ما كانت الا لو اتغيرت بجديد نوفى
كمان قارن الكيلومترات بحالة العربية... يعنى مينفعش عربية تكون عاملة 40 او 50 الف و تلاقى الكتابة اتمسحت من على دراع المساحات و النور و الطارة شققت و كاوتش البدالات متاكل... دى كدة معدية 100 الف مستريح
طبعا اختبار المكنة و الفتيس و العفشة ضرورى بس مش ازمة... حتى لو اخدت عربية عفشتها وحشة حتغيرها و تضبط الدنيا المهم ان الحالة دى تنعكس على سعر العربية لكن متعتبرش عيب خطير يمنعك من شرائها
برضة ارفع العربية فى محطة و بص عليها من تحت و شوف اثار لحامات و خلافة عشان فيه ناس عفريت ممكن يغيروا نص و ميبانش معاك اى حاجة فى الحوض ولا فى الصدر
MMamdouh
كتر الف خير يا محمد بيه ويجعله عامر
اكيد مفيش كلام يتقال بعد كلام مايسترو الدايو
معلش أنا لسه شايف الموضوع ده دلوقتي و أسف علي التأخير ده
عموما لو كنت أستلمت العربية خلاص تقدر تروح مركز خدمة شيفورليه اللي في الرحاب بجوار "كارفان" (مركز خدمة هيونداي) و ده في مدخل السوق
هناك ممكن يكشفوا علي العربية (اللانوس) لأن عندهم الاجهزة و يحدد لك الاتي :
- حالة الموتور (كبس - حالة السنسور - حالة الرشاشات)
- كشف علي العفشة
- كشف علي التكييف و الفريون
و علي فكرة هما شغالين لحد الساعة 9 مساء بس مش متأكد يوم الجمعة فاتحين و لا لأ
ياباشا كتر الف خيرك .. وانا لغيت الموضوع لانى حصلتلى ظروف وأضريت انى اسافر... شكرآ لنايل موتورز وجمع أخوانى فى نايل موتورز