السلام عليكم يا شباب , أنا عايز أشتري عربية هوندا من موديلات الثمانينات تكون كاملة أوتوماتيك سيدان و مش هاتشباك و حالة طبعا ممتازة , اللي عنده حاجة زي كدة يا ريت يقولي , و لا أنتو ايه رأيكم هل السيفيك في الموديلات القديمة أحسن ؟؟؟
عرض للطباعة
السلام عليكم يا شباب , أنا عايز أشتري عربية هوندا من موديلات الثمانينات تكون كاملة أوتوماتيك سيدان و مش هاتشباك و حالة طبعا ممتازة , اللي عنده حاجة زي كدة يا ريت يقولي , و لا أنتو ايه رأيكم هل السيفيك في الموديلات القديمة أحسن ؟؟؟
الاكورد جميلة جدا وفيها امكانيات حلوة حتى القديم منها واسال مجرب
انا عندى هوندا اكورد 83 سيدان ماشاي الله بجد عربية حلوة معايا من سنتين وحالتها حلوة لسه مكملة معايا
89000 كم من كام يوم هيا بصراحة كانت مرفوعة بقالها حوالى عشر سنين
وفيها امكانيات نادر جدا تلاقيها فى عربيات من نفس الفترة الزمنية يعنى مثلا حتى فيه عربيات كتير حديثة مفيهاش امكانيات منها:
اريال كهرباء
شاشة بتبينلك اى باب مش مقفول كويس فى العربية لكل باب على حدة مش زى كل العربيات يبينلك ان فيه باب مفتوح وخلاص.......
شاشة بتبينلك ان كانت الشنطة مفتوحة
شاشة بتبينلك ان كانت لمبة الفرامل محتاجة تغيير
مرشدات لفترة تغيير الزيت وفلتر الزيت وفترة الصيانة
لو نسيت انك تقفل الانوار بتاعت التابلوه او الانوار العادية بتنبهك بانها تعمل صوت يعرفك انك مقفلتهاش
فتح التنك والشنطة من جوة العربية
عدادتها شكلها لذيذ وظريفة ولونها اخضر كمان فيه منها اصدار امريكى بالميل فى الساعة
موتورها كويس 1600 سى سى -12 صمام وفيه منها اصدار بفتحة سقف
طبعا غير التكييف والباور ستيرنج والزجاج بالكهرباء حتلاقى كل ده موجود ان شاء الله
بجد العربية تستحق اكتر بكتير من تمنها بس بيبعوها ارخص من قيمتها عشان موديلها قديم وعشان اكترية الناس بيفضلوا السيفيك
و الله أنت حببتني فيها اكتر من الأول بردك الجميل يا أخي , مش عايز تبيع ؟؟هههههههه , و يا ريت تفيدني في سعرها في السوق كام ؟ و كمان أيه اخبار قطع الغيار معاك موجودة و لا ايه ؟؟؟
انا كمان كانت عندى العربيه دى وهى بصراحه جميلة جدا وقوية (جسم السيارة والمحرك ) بس انا كانت عندى هاتش باك بس انا بعتها من فترة طويلة جدا من حوالى 10 سنوات فأعتقد انت محتاج تسأل على قطع الغيار لسه موجودة ومتوفرة ولا ايه
انا فعلا مستني حد من الخبراء يدينا رأيه فيها و لو أن كل الناس قالوا نفس الكلام عن العربية دي و أد ايه هي ممتعة , بس انا اللي مستنيه لسة أني أعرف قطع غيارها أخبارها ايه و موجودة و لا حاتغلبني ؟؟؟ يا ريت لو حد معاه العربية دي دلوقتي أو عنده خلفية عنها يفيدنا
قطع غيارها اغلبها موجود و اسعارها متوسطة اللي حتتعب فيه هو النواكل عشان بعضها بطلوا يصنعوه فمش حتلاقيه غير استيراد
:M_yes[1]::M_yes[1]::M_yes[1]::M_yes[1]:
الله يخليك يامان بص انا من سنتين لما رحت اشتريها اشتريتها كانت بتاعت ناس اجانب من ارمنيا عايشين فى مصر بس متخافش هتلاقى منها كتير بس اهم حاجة الحالة كانوا عايزين فيها 35000 بس وصلنا لسعر 33500 حاليا ممكن تلاقيها ارخص من كده كمان
وبالنسبة لقطع الغيارسعرها متوسط الى حد ما بس حلوة
يعنى مثلا فانوس الاشارة ب 35 جنيه-تيل الفرامل تقريبا ب 80 جنيه ممكن تلاقى اسعارها غالية شوية وان شاء الله لو عرفت اسعار قطع غيار تانية هقولك لانى مغيرتش فيها غير حاجات بسيطة بس بتعيش ان شاء الله هنا فى القاهرة وفيه محل بتاع قطع غيار هوندا فى شارع دمشق وتلاقى اكيد قطع غيارها فى بورسعيد ارخص وفيه موقع انا لاقيته على النت فيه مجموعة عربيات هوندا كتير للبيع ولاقيت كمان كذا عربية هوندا اكورد موديلات التمانينات للبيع واسعارها كويسة
ادخل هنا
http://www.carsdir.com/carsforsale.asp?ListingType=list&countryid=70&Make ID=53&p=6&order=CarID
وبجد لو مكنتش محتاجها كنت بعتهالك يامان متغلاش عليك
:M_yes[1]::M_yes[1]::M_yes[1]:
بس ان شاء الله لما ربنا يكرمك وتجيبها ان شاء الله هتتبسط قوى
بس اهم حاجة الحالة طبعا ويبقى معاك ميكانيكى ثقة وانت رايح تشتريها وبدعيلك ان شاء الله تلاقيها بحالة حلوة وتعيش معاك العمر كله
نسيت اقولك كمان ان فيها سنتر لوك وقفل للاطفال احتياطى موجود جنب ذراع فتح التانك والشنطة الخلفية
ربنا يعينك
بس عربيه هايله....