يوووووه .... كتير جدا ... بس ربنا هو اللى بيستر..
مرة و انا جايب البطة لسه جديدة ماكملتش اسبوعين ، و كان ده الشكل الجديد بعد "عيون صفية" و لسه مش منتشر ، و كنت ماشى فى شارع لطفى السيد حوالى الساعة 3 الظهر ، و المرور بطئ ، واحد سواق تاكسى معدى جنبى بص لى حتة بصة و قال لى "ايه ده ... عربية سباق دى ولا ايه ؟؟" ، مافيش دقيقتين و سمعت صوت خبطة شنيعة و انا و العربية بنتهز ، و لقيت نص نفل داخل فى العربية من ورا و موقع الأكصدام الورانى و جايب الفوانيس ....
بعد ما صلحتها بكام اسبوع و كنت لسه مرجع اختى عند البيت و قابلت واحدة صاحبتها (سرها باتع بشهادة الكل) و قالت لها : "عربية اخوك تخبل" ... قبل ما الف عند آخر الشارع كانت جولف فيها شوية شباب بيغرزوا وسط العربيات و راحوا داخلين فى البابين الشمال و جريوا بسرعة...
و للحديث بقية..