ما هي الكماليات الموجودة في نيو اكسنت2008. هل صحيح لا يوجد بها مرايات كهرباء؟ هل ممكن تتركب لها؟
عرض للطباعة
ما هي الكماليات الموجودة في نيو اكسنت2008. هل صحيح لا يوجد بها مرايات كهرباء؟ هل ممكن تتركب لها؟
يا ريت حد يقولنا على الكماليات الموجودة فى مصر, أو لو فيه صور للعربية الفول أوبشن اللى بتتباع فى مصر مش برة
و يا ترى فيه فرق كبير فى الأداء أو الكماليات بين ال 1600 و ال 1400 مانيوال فول أوبشن ؟؟
ماحدش عنده العربية دى ؟؟؟
انا روحت اتفرجت عليها في2 معرض للمصرية بس كانت 2007 مش 2008 بس في المعرضين اكدو ان 2008 زيها بالظبط بدون تغير
الكماليات الي شوفتها و اتأكد كمان بعد مكلمت غبور على 16661 كالاتي
المانيول : 80 الف جنيه
1600 سي سي
تكيف - باور سترينج كربائي -4 زجاج كهرباء - سنتر - ريموت - فتح التنك من الداخل - نور صالون امامي غير الي في منتصف الصالون - جراب نضارة - كاسيت + اربع سماعات (2 امامي في الباب+ 2 في ضهر السيارة وراء الكنبة)
الاتوماتيك : 86 الف جنيه
كل الي فات بالضافة الي
فتح الشنطة من الداخل + فوانيس شبورة + مرايات كهرباء
ارجو اكون قدمت حاجة مفيدة و عمومان انا ناوي اروح اتفرج على 2008 في معارض غبور الي في الصحراوي لو في حاجة جديدة هبلغكو
و الله يا عمرو باشا من الحاجات اللى تحير, إنى امبارح اتفرجت عليها عند مصرية و لقيت الآتى
1- مافيش أمبير حرارة (إيه الغباء ده؟ )
2- فتح الشنطة من الداخل (عربية مانيوال).
طبعا السبب الأولانى خلانى أصرف نظر عنها
لو حضرتك اتفرجت عليها في المصرية فرع كليه البنات او ميدان الاسماعلية
الي هناك موديل 2007 و دي فيها فتح الشنطة من الداخل لكل الموديلات
و كل 2007 مفهوش عداد حرارة ..فيها لمبة تنور لما الحرارة تعلى عن الحد الامن . مش عارف بقى 2008 فيها ولا لأ
بص بصراحة انا بعد مافكرت كويس لقيت ان الماتريكس تكسب يعني لو الفرق بينهم 3 الاف بس يبقى الماتريكس احسن لأن مش ناقصها حاجة و اوسع من جوه كمان
لو في جديد هقولك اكيد...
بصراحة كانت فعلا فرع كلية البنات
بس البياع قال إنها 2008 !!!
استاذ عمرو، ياريت تتاكد بنفسك من الكلام اللي بتوع التوكيل بيقولوه لأن انا لما كنت بجيب الجيتز كانوا بيقولولي كلام و لما اشوف العربيه بنفسي الاقي كلام تاني خالص!
الاكسنت ال 2008 مفيهاش فتح الشنطه من الداخل (في المانيوال، معنديش فكره عن الاوتوماتيك)، موديلات 2008 ممكن حضرتك تتعرف عليها عن طريق الجريده اللي بتبقي في الباب، في 2008 بيبقي لونها اسود، في الموديلات الاقدم بتبقي لون العربيه.
حاجه كمان، الاوتوماتيك مافيهاش ولا مرايات كهربا و لا فوانيس شبوره. الكلام ده في الفرنا مش الاكسنت!
مره تانيه، ياريت تروح تشوف العربيه بنفسك، و سيبك من كلام بتوع التوكيل و بتوع المعارض.
Guys..
From all you've been saying, it's clear that the new Accent 2008 is tailored for the INDIAN market like the rumers said b4
What's your feeb back