جنبنا مغسلة وسالت العامل هناك لو انا هلمع العربية عندهم بالواكس وانا اللى هاشتريه
يتكلف كام مصنعية
قاللى 35 جنيه بالصاروخ
50 جنيه يدوى
مين الاحسن اليدوى ولا الصاروخ
والمصنعية كدة كويسة ولا ايه
عرض للطباعة
جنبنا مغسلة وسالت العامل هناك لو انا هلمع العربية عندهم بالواكس وانا اللى هاشتريه
يتكلف كام مصنعية
قاللى 35 جنيه بالصاروخ
50 جنيه يدوى
مين الاحسن اليدوى ولا الصاروخ
والمصنعية كدة كويسة ولا ايه
اعتقد والله اعلم اليدوي احسن
حسب دهان عربيتك ياعنى ماينفعش الدهان يكون مر عليه سنتين وتعمله بالصاروخ والا هاتلاقى الدهان بيختفى بعد فتره قصيره
انما اليدوى بيكون تاثيره مش قوى على الدهان
والله يا باشا بصراحة انا شفت كام واحد صاحبي عامل التلميع يدوي بس كان وحش اوي اوي بصراحة و كلهم راحو عادو التلميع من الأول بالصاروخ فمتهيألي الصاروخ احسن و انا شخصيا حالمع العربية بالصاروخ قريب ان شاء الله
هو ايه التلميع بالواكس دة ؟؟؟
يعني زي البولش كدة ولا زي الورنيش
انا بعمله بنفسى والنتايج بتكون كويسة جدا
هو التلميع بالواكس صعب قوي كده
محمود موتوريزر كان عامله بنفسه وكان حلو
وكنت بفكر اعمله بنفسي
:B4_039::10D5C8~1107::10D5C8~1107::vctry:بالو كس يعني طبقة شمعية بتغسل العربية كويس قوي وازالة اي شحوم او زيوت من علي جسم العربية وبعدين تجففها وتقف في حتة مفيهش عفرة من مرور عربيات بتجيب جوانتي تلبسة وتشتري علبة الواكس دي ومعاها شووية قطن طبي من عند نفس البائع او صيدلية وتاخد شوية بشوية من العلبة كأنك بتعمل ماسك لجسم العربية علي الاماكن المدهونة دوكو بس وتفرد بالقطن طبقة رقيقة وتسيبها علي جسم العربية ساعة وبعدها تمسك القطن تحول ل تزيل بيه اللي عملته اللي خلي شكل العربية مجيرة شبه زجاج فترينة المحلات واتفرج علي النتيجة الحكاية كلها مجهود دعك وشوية صبر
تعليقا على كلامك يا استاذ وائل فريد كلامك مظبوط 100*100
فى حاجة بقى حلوة اوى اوى بعد ما تدهن العربية بالواكس وتيجى لمرحلة الدعك بشكل دائرى
فى فوطة انا جبتها من كارفور (فوطة ميكرو فيبر) رهيبة فى تلميع العربية بجد فرقت معايا اوى
يعنى تفرش الواكس بالقطن وتدعك العربية بالفوطة الميكرو فيبر بشكل دائرى جربها وادعيلى
..
استاذ احمد سعد معلش خرجنا عن الموضوع شوية .. بس بينى وبينك انت مثلا راجل جامد وارائك
كلها محترمة فى ما يخص السيارات جرب كدة تعمل الموضوع بنفسك
بعد لما حتخلص تلميع العربية بنفسك حتترسم على وجهك ابتسامة عريضة للنتيجة والموضوع
مش بياخد وقت كبير هى ساعة زمن كل يوم جمعة فى الاجازة خلى البواب يغسل العربية وانت كمل تلميع
تقبل مرورى يا باشا