تجربتى مع السيراتو على 180

**m_elkhishin** · 25-12-2009 02:32 PM

انا سافرت بسيارة سيراتو من جده الى الرياض صد رد ،

بعيدا عن اذا كان فيها عيوب تصنيع أو لأ لأني مقدرش احكم على كده

مجموع الطريق اللي مشيناه رايح جاي كان حوالي 2300 كيلو
فترة الراحه الوحيده كانت في مطار الرياض لعدة ساعات، غير كده كنا بنقف نعبي بنزين ونمشي.

السيارة كانت 2010 اوتوماتك بدون جنوط مستأجرة
كاوتش السيارة كان سيئ جدا
تقريبا 80% من الطريق ماشيين على 180

المميزات :
السحب حتى 180 جيد بعد كده انت وحظك حسب ظروف الطريق
الثبات ممتاز جدا (بالنسبة لفئة السيارة)

العيوب :
كان فيه حدفه شمال خفيفة جدا ، أنا توقعت انه عيب كاوتش بس للأمانه لم يكن لها أي تأثير على الثبات الرائع

العيب اللي فعلا قتلني طول الطريق هو العزل، على ما خلصت المشوار كنت حاسس ان دماغي بقت عامله زي البالونه من الزن. بس بردو للأمانه العيب ده موجود في كل الفئة دي من السيارات زي الألنترا واللانسر وغيرها.

ملحوظه: أنا سيارتي فئة أعلى بكتير من السيراتو فممكن أكون ظلمتها في التقييم شوية،

لتاني مرة بقول ان ده تقييمي لأداء السيارة بغض النظر عن اذا كان فيها عيوب تصنيع أو لأ ، لأني مقدرش احكم على النقطة دي

**Beeso** · 27-12-2009 12:57 PM

المشاركة الأصلية كتبت بواسطة m_elkhishin

انا سافرت بسيارة سيراتو من جده الى الرياض صد رد ،

بعيدا عن اذا كان فيها عيوب تصنيع أو لأ لأني مقدرش احكم على كده

مجموع الطريق اللي مشيناه رايح جاي كان حوالي 2300 كيلو
فترة الراحه الوحيده كانت في مطار الرياض لعدة ساعات، غير كده كنا بنقف نعبي بنزين ونمشي.

السيارة كانت 2010 اوتوماتك بدون جنوط مستأجرة
كاوتش السيارة كان سيئ جدا
تقريبا 80% من الطريق ماشيين على 180

العيوب :
كان فيه حدفه شمال خفيفة جدا ، أنا توقعت انه عيب كاوتش بس للأمانه لم يكن لها أي تأثير على الثبات الرائع

العيب اللي فعلا قتلني طول الطريق هو العزل، على ما خلصت المشوار كنت حاسس ان دماغي بقت عامله زي البالونه من الزن. بس بردو للأمانه العيب ده موجود في كل الفئة دي من السيارات زي الألنترا واللانسر وغيرها.

أنا بصراحة مش معاك في موضوع العزل ده خالص عشان أنا بمشي بالعربية كل يوم على الدائري وبجري ساعات 160 ومفيش أي مشكلة خالص وده كان تعليق من كل ملاك العربية بالاجماع إن عزلهـا كويس جدا ولما بتشغل الكاسيت مابسمعش أي حاجة بره

غالبا عشان ده كانت عربية متاجره كانت ياما حالة الكوتش وحشة أو نوعه وحش من الأول عشان ده بيفرق جامد في موضوع الصوت ده

شكرا

**m_elkhishin** · 27-12-2009 01:20 PM

المشاركة الأصلية كتبت بواسطة beeso

أنا بصراحة مش معاك في موضوع العزل ده خالص عشان أنا بمشي بالعربية كل يوم على الدائري وبجري ساعات 160 ومفيش أي مشكلة خالص وده كان تعليق من كل ملاك العربية بالاجماع إن عزلهـا كويس جدا ولما بتشغل الكاسيت مابسمعش أي حاجة بره

غالبا عشان ده كانت عربية متاجره كانت ياما حالة الكوتش وحشة أو نوعه وحش من الأول عشان ده بيفرق جامد في موضوع الصوت ده

شكرا

انا عشان الجزئية دي بالذات ذكرت ان ممكن أكون ظلمت العربية عشان عربيتي الشخصية فئة مختلفة تماما عنها، لأن فعلا في فرق شاسع في العزل بين العربيتين. والكلام ده لاحظته بردو في الالنترا واللانسر وغيرها بنسب متفاوته لاكن متقاربة. المشكله ان لما بتكون ماشي بسرعة عالية بيكون ال rpm عالي فوق 5 فبيكون صوت الموتور عالي جدا ومزعج.

طبعا مشكلة الكاوتش كان لها تأثير ملحوظ. للعلم السيارة كانت 2010 وماشية تقريبا 11 او 12 الف كيلو.

**TOOLA** · 27-12-2009 03:45 PM

مش موضوع الثبات ده قصة لوحده و أنا مسقتش السيراتو و بالتالى مش هتكلم, بس الكورسا مع صديق ليا و هى فى العادى مكانتش بتعدى 160 أو 165, لكن انا سقتها و احنا راجعين من السخنة و تقريبا الطريق ده منزل لأن العربية كسرت ال 180 و ده نفس الطريق السبكترا جابت معايا فيه 210 (و طبعا ده مش الطبيعى بتاعها)
لكن ملقتش موضوع الثبات العظيم فى الكورسا هى صحيح متخوفكش و انتا جايب سرعات لكن القلق كله فى الملفات كنت بحس انها ممكن تعوم و أضطر اهدى و لهذا فمعتقدش انه ثبات يضرب بيه المثل.
(أنا لا أنقض سيارتك, لكن أنا عندى شكاوى متكررة فى الثبات بدأت فى السبكترا و كملت معايا فى البورا الفيها شوية مشاكل فى العفشة المسببة عدم الثبات و كل ما حل مشكلة بيحصل طبعا تحسن ملحوظ فى الثبات) فلو عاوز تحكم على ثباتها متهيألى مفروض مقارنتها بعربيات مشهود لها بالثبات و تديها نسبة زى السيفيك أو جيتا أو أوكتافيا و طبيعى ده من هنا نقرر مدى ثبات سيارة معينة)

**ghazy12** · 27-12-2009 07:09 PM

المشاركة الأصلية كتبت بواسطة toola

مش موضوع الثبات ده قصة لوحده و أنا مسقتش السيراتو و بالتالى مش هتكلم, بس الكورسا مع صديق ليا و هى فى العادى مكانتش بتعدى 160 أو 165, لكن انا سقتها و احنا راجعين من السخنة و تقريبا الطريق ده منزل لأن العربية كسرت ال 180 و ده نفس الطريق السبكترا جابت معايا فيه 210 (و طبعا ده مش الطبيعى بتاعها)
لكن ملقتش موضوع الثبات العظيم فى الكورسا هى صحيح متخوفكش و انتا جايب سرعات لكن القلق كله فى الملفات كنت بحس انها ممكن تعوم و أضطر اهدى و لهذا فمعتقدش انه ثبات يضرب بيه المثل.
(أنا لا أنقض سيارتك, لكن أنا عندى شكاوى متكررة فى الثبات بدأت فى السبكترا و كملت معايا فى البورا الفيها شوية مشاكل فى العفشة المسببة عدم الثبات و كل ما حل مشكلة بيحصل طبعا تحسن ملحوظ فى الثبات) فلو عاوز تحكم على ثباتها متهيألى مفروض مقارنتها بعربيات مشهود لها بالثبات و تديها نسبة زى السيفيك أو جيتا أو أوكتافيا و طبيعى ده من هنا نقرر مدى ثبات سيارة معينة)

ليا تعليق بسيط بس...

ماينفعش نقارن ثبات السيفيك و الأوكتافيا بالسيراتو نظرا لأن العربيات دي فيها esp, و كده هتكون المقارنه غير عادله ابدا, ده غير ان السيفيك اوطى على الأرض و ده هيديها ثبات, و نظام التعليق الخلفي مالتي لينك بيفرش على السرعات و بيدي ثبات......

كل ده غير منصف للسيراتو ابدا, هتتظلم جداااا

ممكن تشوف عربيات تانيه بنفس التجهيزات و تقارنهم ببعض, علشان النتيجه تكون منصفه...

**TOOLA** · 27-12-2009 11:58 PM

أنا أقصد نديها نسبة من ثبات هذه العربيات, ما هو بدل مايدبنى جنط 17 عشان يعزز الثبات و ده يجى على حساب العفشة مقابل ان عربيات تانية زى الأوكتافيا و السيفيك ممكن يدوا ثبات أعلى أو متساوى و بجنوط , لكن هتيجى تقارنها بأختها النترا مش معيار و نفس الموضوع على الأوبترا, غير انا كان اعتراضى مقارنتها بالكورسا (مع احترامى لها) لأنها فئة أقل و لا تمثل معيار عالى للثبات.
أنا مشكلتى ان الكلام انا عاوزه مماثل للحقيقة لا أكثر ولا أقل, لأنى زمان سألت فى المنتدى على السبكترا و الكا أجمع على قوتها و ثباتها بدون تحديد معايير و اشترتها بالفعل, لأافاجىء بمشاكل متعددة فى العفشة قلت يمكن عيب عندى لكت اتعرفت على 3 معاهم سبكترا تعددت أو قلت مشاكلهم مع السيارة و لكن واحد بس الماوجهش مشاكل و ال3 الاخرية كلهم عانوا, كمان بتعاملى مع الجندى لقطع الغيار و ورشة الاصدقاء, اتأكدت ان مشكلة هذه العربية الأساسية هى ضعف العفشة باستمرار و بالطبع مأثر على ثباتها كثيرا و ده عكس الاتواصفلى زمان.
و عموما الاختلاف فى الرأى لا يخلف للود قضية

**m_elkhishin** · 28-12-2009 12:21 AM

المشاركة الأصلية كتبت بواسطة toola

أنا أقصد نديها نسبة من ثبات هذه العربيات, ما هو بدل مايدبنى جنط 17 عشان يعزز الثبات و ده يجى على حساب العفشة مقابل ان عربيات تانية زى الأوكتافيا و السيفيك ممكن يدوا ثبات أعلى أو متساوى و بجنوط , لكن هتيجى تقارنها بأختها النترا مش معيار و نفس الموضوع على الأوبترا, غير انا كان اعتراضى مقارنتها بالكورسا (مع احترامى لها) لأنها فئة أقل و لا تمثل معيار عالى للثبات.
أنا مشكلتى ان الكلام انا عاوزه مماثل للحقيقة لا أكثر ولا أقل, لأنى زمان سألت فى المنتدى على السبكترا و الكا أجمع على قوتها و ثباتها بدون تحديد معايير و اشترتها بالفعل, لأافاجىء بمشاكل متعددة فى العفشة قلت يمكن عيب عندى لكت اتعرفت على 3 معاهم سبكترا تعددت أو قلت مشاكلهم مع السيارة و لكن واحد بس الماوجهش مشاكل و ال3 الاخرية كلهم عانوا, كمان بتعاملى مع الجندى لقطع الغيار و ورشة الاصدقاء, اتأكدت ان مشكلة هذه العربية الأساسية هى ضعف العفشة باستمرار و بالطبع مأثر على ثباتها كثيرا و ده عكس الاتواصفلى زمان.
و عموما الاختلاف فى الرأى لا يخلف للود قضية

يا باشا في فرق بين جودة التصميم، وجودة الخامات.

يعني ممكن تلاقي العربية وهي جديدة قمة الثبات(دليل على جودة التصميم)، بس للأسف خاماتها سيئة والعفشة حساسة و بتخرب بسرعة ومبتستحملش.

لما ذكرت ثبات السيراتو (بدون جنوط) قلت بعيدا عن اذا كان فيها عيوب تصنيع أو لأ
لأن ممكن تكون فعلا العربية تحفة فنيه في التصميم بشكل عام بس خاماتها رديئة، وممكن لأ

الزمن هو الوحيد اللي حيبين الحقيقة.

**TOOLA** · 28-12-2009 02:11 AM

المشاركة الأصلية كتبت بواسطة m_elkhishin

يا باشا في فرق بين جودة التصميم، وجودة الخامات.

يعني ممكن تلاقي العربية وهي جديدة قمة الثبات(دليل على جودة التصميم)، بس للأسف خاماتها سيئة والعفشة حساسة و بتخرب بسرعة ومبتستحملش.

لما ذكرت ثبات السيراتو (بدون جنوط) قلت بعيدا عن اذا كان فيها عيوب تصنيع أو لأ
لأن ممكن تكون فعلا العربية تحفة فنيه في التصميم بشكل عام بس خاماتها رديئة، وممكن لأ

الزمن هو الوحيد اللي حيبين الحقيقة.

وجهة نظر تحترم