تجربتى مع السيراتو على 180
فى البداية انا كنت واحد من الناس الى ربنا وفقهم لحسن الاختيار واشتريت نيو سيراتو ولله الحمد والشكر ماندمتش لانى كل لما بمشى فى الشارع بحس انى محاط
بنظرات الاخرين من مالكى السيارات الاخرى وكأنى راكب عربية سباق ولما اشتريت العربية جدت ظروف فى الشغل عندى خلتنى اسافر لمدة 55 يوم برة مصر وكنت متابع المنتدى باستمرار والهجوم الشديد على العربية وكمية الحوادث الرهيبة يوميا لدرجة انى حسيت ان العربية دية اسرائيل مصدراها لمصر على شان تقتلهم
وقررت انى لازم اعمل اختبار حقيقى للعربية ومن الاخر كنت بتلكك على شان ابيعها
واتكلت على الله وخدت العربية على طريق العاشر من رمضان ومش عايز اقولكم انى اكاد اكون قفلت عدادها دة غير الغرز الى كانت على سرعات عالية جدا
مرورا بقياس الحدفة والسخونة والكلام الكتير دة ومدى استجابة العربية للفرامل على السرعات العالية والحمد للة العربية كانت على مستوى عالى من الثبات والاستجابة العالية
ولغيت فكرة البيع تماما علما انى نازل من اوبل كورسا 2007 يعنى عارف يعنى اية ثبات وعفشة
واخيرا بجد العربية ممتازة ورائعة وتستاهال فلوسها بس اكيد العربية ممكن تتقلب وممكن تعمل حوادث دة طبيعى فى اى عربية
وانصح اى حد متردد فى شرائها بان يتكل على اللة وينفذ لان العربية دية بجد
الافضل فى فئتها ودية من وجهة نظرى المتواضعة:vctry: