الموضوع: عمـــار يا مصر......أقصد يا غبور......!!!!

المشاركة الأصلية كتبت بواسطة Hesham A.Megid

أصل انا عندي برضه مشكله في الكاوتش و مش عارف اوصل لحاجه معاهم...الكاوتش اللي ورا عامل عالي و واطي و بيعمل صوت وره عالي، شويه يقولوا ان الجنط بايظ و شويه يقولوا ان المساعد بايظ و شويه يقولوا ان زوايا ورا مش مظبوطهّ عشان كده بوظط الكاوتش (هو في زوايا ورا اصلا؟!!!)

دي مشكلة التجميع المحلي ،،،

واحد صاحبي كان عنده كيا سبكترا تجميع محلي قاللي كان عنده نفس المشكلة و اتحلت تماما لما غير الكاوتش بكاوتش نوعية نظيفة

و احنا عندنا دايوو نوبيرا جيبنالها مرة كاوتش كوري حول العربية ل 128 و استحمالنا عذابه لحد ماغيرناه بنوعية نظيفة

هما علي فكرة قاللولي نفس الكلام ،، الكاوتش طبع علي زوايا مش مضبوطة ، ،،،،،،،،،،،،، الخ

جنوط الفيرنا ال 13 صناعة مصرية و فيها مشكلة بتوع الترصيص اصلآ مبيردوش يرصصوا الفيرنا و بيقولولك بصراحة هتدفع فلوس علي الفاضي ،، اشرفكوا بتاع الجنوط اللي في الحي السابع بيقولي الناس بتستلم الفيرنا من ابو رواش تنزل عليا تغير الجنوط

ال 14 السوداء بتاعت الأتوماتيك كوري ،،

انا حليت المشكلة بميل لهيونداي ،، مدير مركز صيانة أبو رواش كلمني شخصيا بعدها اربع ايام و جرب بجنوط و كاوتش تاني العربية اتضبطت

قام غير الجنوط و الكاوتش من غير ما ادفع و لا مليم و الحمد لله و المشكلة اتحلت تماما بس انا عندي العربية اتوماتيك فجنوطها 14

حاجة من اتنين يا تضحي بجنوط اسبور و كاوتش جديد ،، ،، و هيفرق معاك جامد جدا يا تستحمل لحد ما تغير الكاوتش لما عمره يخلص

يأما تبعت ميل بس هتضيع وقت كتير عشان الزحمة

بخصوص هيحصل ايه بعد سنة متقلقلش إطلاقا انا شفت ناس في التوكيل بيعملوا صيانة الستين الف و بيقولولي مفيش مشاكل إطلاقا

و في عضو في المنتدي عنده مكتب ايجار عربيته عملت 250 الف ،،

أصلها مش اكتشاف دي نازلة من 2004 ،، وقف أي فيرنا قديمة و اسأل صاحبها اخبارها ايه معاك