هي الأفيو فعلا سيارة سيئة فعلا ؟؟؟؟

**polabx** · 26-12-2009 06:47 PM

المشاركة الأصلية كتبت بواسطة mmtronic

و ميين الى سمعتة راحت ؟؟؟؟؟ gm و لا منصور

لو مش فارقة معاة سمعتة يبقى يعمل زى ما انت بتقول و سمعتة تبقى فى الارض و هوة دا الواقع دلوقتى - اصل الحجة ما gm هية الى بتصنع يا جماعة مش انا

الوكيل القوى الى بيخاف على سمعتة هوة الى بيفرض على الشركة توصياتة و ملاحظاتة

هوة ميين الى نزل العربية بـ 2 زجاج كهربا بس - gm من نفسها و لا بتوصيات من عمنا منصور علشان الجشع و يقولك - امااااااان للاطفال - طب فى السعودية او اى دولة تانية مفيش اطفال ؟؟؟؟؟؟؟؟؟

و ميين الى شال الموتور بتاع العربية الاصلى و نزلها بالموتور القديم بتاع الانوس - gm من نفسها و لا بتوصيات و طلبات من عمنا منصور - علشان الجشع

و ميين الى شال جهاز الانزار و كمبيوتر الرحلات من العربية - gm من نفسها و لا بتوصيات و طلبات من عمنا منصور - علشان الجشع

و ميين و ميين و ميين

و لا منصور يجى فى الحساب و يقولك gm

بالظبط زى " أبو أسر " ما قال قبل كدة

منصور بيحلق للعربية زلبطة قبل ما ينزلها

**CryptonX** · 27-12-2009 12:04 AM

المشاركة الأصلية كتبت بواسطة egyptianmafia

جملة ضحك آخر حاجة.....

ظلوم بالاوبترا الي سعرها اغلى من سيارات ياباني مع ذلك مفيهاش اي ريحة مواصفات امان واحنا في 2010 و موديل واحد بس محدش بيشتريه .

والنبي يا عم الحج تقولنا أنهي عربية ياباني ارخص من الاوبترا....والنبي يا عم الحاج.....

بذمة دى جملة؟؟؟؟؟!!!! اوعى تقول الياريس.....دي مش ياباني أصيل....

وعلى فكرة في اوبترا سبورت فيها ايرباجس و فرامل abs

ماشي يا كابتن....مش لازم تجيب الاوبترا المفيهاش الحاجات دي....

ولا علشان حبيبتك الصيني فيها كل حاجة و بـ70.000 يبقى كل حاجة تانية كخة!!!!!

و بعدين هو بيجيب الgm مصر بتقول عليه...هو مش تاجر عربيات بيجيب خليجي.....

لو gm مصر وافقت على أوبل زافيرا مثلا بكرة هتكون في مصر بس هي مش بسهولة دي....في حاجة اسمها جمرك يا معلم....و زافيرا لو نزلت هتبقى مش اقل من 280.000 بندق.....

كام واحد بقى هيجيبها؟؟؟!!!

مش أي حاجة تتجاب يا حج....مش عشان إنت عاوز تبقى هتيجي....

طب مافي كذا موديل من renault مش موجود في مصر علشان السوق هنا ليه معاملة خاصة.....

قول كلام عاقل...مش أي حاجة كده على الماشي

احترم نفسك مش حقولك اكتر من كدة يا محترم .

**egyptianmafia** · 27-12-2009 12:49 AM

المشاركة الأصلية كتبت بواسطة CryptonX

احترم نفسك مش حقولك اكتر من كدة يا محترم .

you show respect to gain respect

:POINTI~2[2]:

الساده الأعضاء الأفاضل

ممنوع تماما التهجم أو التهكم أو شخصنة الحوار فى المنتدى سواء بالإهانة او السخرية او ايه اساليب مشابهة طبقا لقواعد المنتدى
ومن يخالف هذه القاعده سيتعرض لعقوبه الايقاف
لذا نرجو من الجميع الالتزام والهدوء و عدم مخالفة قوانين المنتدى

مشرف شيفروليه

**refoo** · 27-12-2009 02:45 AM

أولا: أيه رأيكو نصلي عالنبي

ثانيا: ياريت مابعدش عن الموضوع الأساسي
ولا أحنا نسينا هدفنا أننا نفيد بعض

ثالثا: أنا رأيي أبعد عن الشر وغنيلو يعني لو ناس كتير قالت الأفيو وحشه يبقي ليه تجازف
وأنت عندك بدل العربيه الواحده ألف عربيه
وماتنساش الأستخاره

رابعا: صلو عالنبي تاني

**mmtronic** · 27-12-2009 08:52 AM

[QUOTE=zidaneelwaly;3872226663]

المشاركة الأصلية كتبت بواسطة osama_ruan

كلامك مظبوط 100% بس انا معايا العربيه و تعتبر معقوله و مريحاني
مع ان فيها مشاكل الفرامل و المساعدين و البنزين
بس الواحد في مصر خد علي المشاكل في كا حاجه

مع احترامى لحضرتك - جملة ما انت فى مصر دى هية الى بتخلى واحد زى منصور يسوء فيها و يلعب بينا

يعنى اية فى مصر

يا سيدى ادينى عربية سليمة و اقطع رقبتى لما اقول للتوكيل غيرلى حاجة

يا سيدى الفاضل دا انا بلالى معاهم علشان اغير الحجات البايظة على حسابى - على حسسسسسسسسسسسسسسسسسسسسابى

و لما اسالهم - لما اغير الجلب الى بتزييق - تضمنولى انها مش حتزييق تانى او التيل - تضمن التيل بتاعك

اول ما يسمعو اسالتى - يبصو فى السقف - او يعملولك هبل مش فاهميين

هية ببساطة - استهبال فى استطعباط و اهية ماشية بنبيع - بالظبط زى بتوع الخضار و الفاكهة

بس انا مكيف قوى من قفا السيراتو الى منصور خدو

**CryptonX** · 27-12-2009 09:28 AM

المشاركة الأصلية كتبت بواسطة egyptianmafia

you show respect to gain respect

لاسباب اخلاقية للاسف مش حقدر اني ارد عليك و حكتفي بتنبية المشرف .

**أشرف العدوي** · 27-12-2009 09:56 AM

معلش للأستاذ الي بيقول كلموا GM على المشاكل
للأسف الي حضرتك ممكن ما تعرفوش ان معظم المشاكل في المصري الي منصور بيجمعها
كل اللستة الي فوق في المصري الي منصور بيجمعها هنا و باقي المشاكل في منها مشترك مع الكوري زي tps
يبقى مين الي يشيل المشاكل gm ولا منصور

**egyptianmafia** · 27-12-2009 12:12 PM

المشاركة الأصلية كتبت بواسطة أبـو آســـــر

معلش للأستاذ الي بيقول كلموا gm على المشاكل
للأسف الي حضرتك ممكن ما تعرفوش ان معظم المشاكل في المصري الي منصور بيجمعها
كل اللستة الي فوق في المصري الي منصور بيجمعها هنا و باقي المشاكل في منها مشترك مع الكوري زي tps
يبقى مين الي يشيل المشاكل gm ولا منصور

gm مصر في 6 أكتوبر هي البتصنع الافيو و اللانوس....مش منصور.......منصور معندهوش مصنع......

كلموا gm مصر مش gm امريكا.....