الموضوع: تجربه شد مع السيراتو الجديده

المشاركة الأصلية كتبت بواسطة ghazy12

احنا ما جريناش لأكتر من 170كم بصراحه, بس لحد 170 السيراتو فارقه و طاله منه تمام, مش مستريح قوي بس فارق, و فعلا النيوسيراتو الموتور بتاعها مختلف عن الالنترا... انا ما عنديش خلفيه الالنترا بتقفل عداد ولا لأ او بعد 180 -190 بتعمل ايه بصراحه, بس فعلا بتقفل عداد؟؟؟

و من المفترض فيه ان الالنترا اثبت على السرعات من السيراتو, و ده بسبب نظام التعليق الخلفي في الالنترا, بس اللي بيخللي العربيه تحس انها خفيفه هو الباور الكهرباء علشان مش بيتقل كل ما تزيد السرعه,و دي كانت شكوة ناس كتيير...

النيوسيراتو موتورها الجاما 2 و هو الجيل الجديد من الجاما 1 اللي في الالنترا و السيراتو القديمه, و أعتقد (و العلم عند الله) انه هينزل في الالنترا الجديده اللي نازله قريب...

بص يابشمهندس انا هقولك حاجه
هما العربيتين مع اتنين اصحابي النترا كامله اتوماتيك 2008 وسيراتو كامله اتوماتيك 2008
تمام كده بالنسبه للسحب الانترا بصراحه احسن وانعم من السيراتو مش عارف ليه
بالنسبه للثبات تحس ان السيراتو اثبت او بمعنى اصح عفشه السيراتو انشف واخشن من الالنترا وعشان كده تحس انها اثبت من الالنترا مش عارف دهاحسحس ولا حقييقه
انا عن نفسي مقتنع جدااا بالالنترا عن السيراتو القديمه عشان دي اللي انا مجربها لكن الصراحه مجربتش النيو سيراتو يعني كلامي كله يا جماعه على السيراتو القديمه

بالنسبه لانك طلعت منه دي حاجه ليها اسباب كتير على فكره اهمها اللي سايق نفسه ليه في الشد والكلام ده ولا مش في دماغه(انا بشد بالسيريون ال1300 دي مع عربيات ادها مرتين عادي وبتعمل اللي عليها بصراحه)
بالنسبه للالنترا انها بتقفل العداد فعايز اقولك ان معظم عربيات الهيونداي بتقفل العداد (فيرنا والنترا )
وممكن تسأل اي حد هيقولك الطكلام ده صح
السيراتو القديمه برده صحبي بيقولي اخره 180 بس معرفش تجيب اكتر ولا ايه بس اعتقد تجيب اكتر من كده بس مش عارف تقفل العداد ولا لاءه
بالنسبه ان الباور الكهربه مش بيتقل دي افتكاسه من الشعب المصري او كانت عيوب في بعض العربيات واتعالجت زي الانترا او مانزلت والنيو اكسنت كانت فيهم عيوب فعلا في الباور الكهربه لكن الباور الكهربه طبعا بيتقل مع السرعه وبيخف مع كل ما العربيت تبطئ اتوماتيك وفيه بعض العربيات بتبقي بمزاجك انت زي الفيات البونتو فيها زرار اسمه (city) لما تكون جوه البلد وحتاج مرونه وحركه
لكن طبعا الباور الكهرهبو عن تجربه احسن مليووووووووون مره من الباور الزيت وبالعكس بقه بيحسسك بلاثبات اككتر من الباور العادي وانا معايا الننوعين(صني باور زيت وسيريون باور كهربه) وعلى فكره عمره ما يتهز او يروح ييمن ولا شمال وبيظبط نفسه تلقائي يعني انا مره حصلي موقف على الطريق وكنت ماشي بسرعه والعربيه عامت مني وكده كل اللي عملته سيبت الدركسيون وسيبت فرامل والباور ظبط نفسه وظبط العربيه
فعايز اقولك اني دي مسأله افتاءات مصريه خالصه 100%