الصراحة سؤال غريب جدا...طبعا اتهد عشان يتبنى تاني والحسابة بتحسب..عادي يعني
الجراج متوقع إنه يكون سفلي فقط ولا أعلم ما يؤكد الخبر بأنه سيتم افتتاحه فعليا..الكلام كان كله اقتراحات
عرض للطباعة
طب دة كويس انا بدفع في عمر مكرم 500 جنيه في الشهر لا و ايه لازم الحق ادفع لان الاشتراكات الشهريه محدودة جداااااااااااااااا و لو مدفعتش شهر يتلغي الاشتراك و معرفش اشترك تاني يعني لو واخد اجازة من الشغل و مسافر مثلا بدفع برضة علشان احافظ علي الاشتراك لان ركن اليوم حوالي 8 ساعات شغل ممكن يكلفني 50 جنيه في اليوم
يا جماعة دة حرام المبالغ الكبيرة قوى دية. دية تقريبا أقساط عربية زيرو فى الشهر . لو الواحد هيضر يستخدم جراجات بالشكل دة أروح شغلى بالتاكسى أحسن وأفر فى كل حاجة .أعصاب وأستهلاك للعربية ,واستهلاك بننزين .
أنا شايف أن الواحد ممكن يركن فى جراجات وسط البلد فقط فى حالة لو مع الآسرة والآولاد والظروف الاستثنائية والطوارىء فقط لكن لو هركن باستمرار يبقى الآفضل التاكسى . وحسبنا الله ونعم الوكيل.
جراج البستان اسعارة قريبه من عمر مكرم و بتاع عبد المنعم رياض مكشوف و بيعاملوا العربيات معامله متخلفه و مفيهوش اشتراكات و اليوم بيصفي حوالي 11 جنيه غير اكراميات الناس و قدام الجامعه الامريكيه بياخد 5 جنيه في اليوم و تيجي تلاقي العربيه ملعوب عليها البخت بمفاتيح المتخلفين و جراج الفلكي مكشوف و بعيد اوي عن مكان شغلي
انا لقيت احسن حل انا و اتنين زمايلي اشتركنا في عمر مكرم و بنبدل العربيات يعني بسوق حوالي يومين بس في الاسبوع لان كمان شغلي ورا عمر مكرم علطول- الفكرة دي كانت كويسة الحمد لله و بتسيب العربيه في جراج نضيف تحت الارض
هو استغلال بس هنعمل ايه و مع ذلك عليه ضغط رهيببببببببب يعني تروح علي الساعه 12 تقف طابور علشان تلاقي مكان جوة و الساعه في حدود 7 جنيه
انت ممكن تبلطج معاه و لا هيقدر يفتح بقه بس هو بيستغل خوفك علي العربيه
كان معايا واحد صاحبي قبل كدة معاه تاكسي ركن هناك و بلطج علي الراجل و مدفعشي حاجة بس هو بصراحه قلبه كان جامد انا بخاف يعملوا حاجة في العربيه
علشان كدة انا في العادة بجيب حاجة البيت من سبينس فبركن تحت في الجراج و كدة كدة الحاجات لازم تعدي 100 جنيه فبيبقي ليا ساعه مجاني في الجراج فلو قعدت مثلا 3 ساعات بدفع 5 جنيه ركن بدل 10 جنيه لان في الجراج تحت اول ساعه ب 5 جنيه و التانيه ب 3 جنيه و بعد كدة ب 2 جنيه
انا اول مره اسمع الكلام ده.
يعني ممكن حد يدفع 500 جنيه شهريا عشان يركن عربيته.
لا حول ولا قوه الا بالله
انا بالـ 500 دول ..ممكن أأجر واحد بلطجي أخده معايا في أي حته ..وأركن في أي مكان - لو حتى في وسط الشارع- واسيبها واروح مشواري ..ويبقا البلطجي ده جراج متحرك
مطرح ماتحب تركن ..تركن
وهوا بقا يتصرف مع الناس
ده هياخد 500 جنيه.