الجراجات

**M.Mosaad** · 26-12-2009 08:19 PM

المشاركة الأصلية كتبت بواسطة a7med_pharma

انا اول مره اسمع الكلام ده.
يعني ممكن حد يدفع 500 جنيه شهريا عشان يركن عربيته.
لا حول ولا قوه الا بالله
انا بالـ 500 دول ..ممكن أأجر واحد بلطجي أخده معايا في أي حته ..وأركن في أي مكان - لو حتى في وسط الشارع- واسيبها واروح مشواري ..ويبقا البلطجي ده جراج متحرك
مطرح ماتحب تركن ..تركن
وهوا بقا يتصرف مع الناس
ده هياخد 500 جنيه.

هههههههه حلوة دي فكرة برضة بس نتكلم جد بقي

لما يكون شغلك في وسط البلد ورا عمر مكرم يعني مش بتروح تقضي مصلحه و لا حاجة دانت يوميا هناك من 8 الصبح لحد 4.30
و تجرب كل مكان هناك تركن فيه و العربيه بتاعتك موديل السنه دي تتبهدل معاك و كل يوم تروح تلاقيها واحد خادشهالك بمفتاح او سايس بتاع جراج خابطها من الجنب علشان عربيه متسابه من غير فرامل اليد علشان يزقها و تروح تعملها في التوكيل تدفع اضعاف ال 500 جنيه دول

و تأجر تاكسي انت و زمايلك يجيبك و يوديك و كل كام يوم يعتذر و ميجيش و تروح متاخر علي شغلك و تتبهدل في المواصلات
و تكون في وظيفه مطلوب منك انك تبقي لابس كويس و محافظ علي شكلك طول النهار يبقي احسن حل انك و زمايلك تدفعوا الاشتراك و تقسموة بينكم و كل يوم واحد يجي بعربيته يعني بتريح عربيتك و بتركنها في مكان مأمون و نضيف و بتبعد عن قرف المواصلات و التاكسيات

انا معاك ان المبلغ مستفز جداااااااااا لانه السنه اللي فاتت كان 300 جنيه و بعدين 450 و بعدين 500 و مفيش اشتراكات بس لو عندك حل تاني بس يكون جد ياريت تقولي عليه و ابقي شاكر جداااااا

**solycar** · 27-12-2009 02:07 AM

طب حد يعرف اسعار سيتى ستارز كام؟؟

**M.Mosaad** · 27-12-2009 08:49 AM

المشاركة الأصلية كتبت بواسطة solycar

طب حد يعرف اسعار سيتى ستارز كام؟؟

اشتراكات معرفشي بس العادي اول ساعه ب 5 جنيه و تاني باعه ب 3 جنيه و بعد كدة ب 2 جنيه و لو جبت حاجات من سبينيس بتاخد ساعه مجاني علي اي مشتريات ب 100 جنيه و ساعتين لو اشتريت ب 200 جنيه و 3 ساعات لو اكتر من 700 جنيه

**kh_talaat** · 27-12-2009 09:29 AM

المشاركة الأصلية كتبت بواسطة ba7ary

جراج رمسيس كان إحدى أكبر السبوبات العلنية اللي اتسرقت فيها فلوس الناس وكله بالقانون

تمام كدة يا بحري انت مذاكر كويس

طيب سؤال الحلقة للمشاهدين كم كانت تكلفة الجراج اللي اتهد واللي انا وانت دافعين فلوسه للحكومة من الضرايب

المشاركة الأصلية كتبت بواسطة sherif_84

اتهد عشان الشكل الجمالى للميدان مايروحش وكذلك هيغطى على محطة مصر ومش هتبان وعموما الجراج اتبنى واتهد وحسبى الله ونعم الوكيل فى البلد وسياستها

ههههههههههههههه .... للأسف يا فندم مش هي دي اسباب الهد خالص

**إبراهيم.صادق** · 27-12-2009 02:16 PM

المشاركة الأصلية كتبت بواسطة kh_talaat

طيب سؤال الحلقة للمشاهدين كم كانت تكلفة الجراج اللي اتهد واللي انا وانت دافعين فلوسه للحكومة من الضرايب

تقريباً كانت 35 مليون لحلوح، صح؟
هي الجايزة أيه بقى :)

المشاركة الأصلية كتبت بواسطة kh_talaat

ههههههههههههههه .... للأسف يا فندم مش هي دي اسباب الهد خالص

نفسي اعرف اتهد ليه؟ هه اتهد ليه؟؟

**kh_talaat** · 27-12-2009 02:29 PM

المشاركة الأصلية كتبت بواسطة EMSadeck

تقريباً كانت 35 مليون لحلوح، صح؟
هي الجايزة أيه بقى :)

للأسف الأجابه غلط هما 25 مليون جنية بس ..... مبلغ بسيط خالص

يعني يبنيله بتاع 3 مدارس حكومية كلام فاضي يعني

حظ أوفر في المره الجاية يا EMSadeck ، بس متنساش تحاول تتصل بينا تاني على 0900 عشان تكسب الجنية الخشب

المشاركة الأصلية كتبت بواسطة EMSadeck

نفسي اعرف اتهد ليه؟ هه اتهد ليه؟؟

اتهد سعادتك عشان جهات امنية رفضته لأنه هيبقى قريب جدا من كوبري 6 اكتوبر وهيصعب تأمين كبراء البلد اللي بيعدوا على الكوبري .... تخيييييييييييييييل !!!!!

وصحف مستقله ومعارضه كتبت في الموضوع ، دة غير الفضائيات وقالوا ان مجلس الوزراء وافق على المشروع سنة 2002 أو 2003 يعني قبل البدء في المشروع بفترة كبيرة وحرام نهدر الملايين دي

لكن في النهاية الحكومة هدت الطابقين وأكتفوا بدور واحد

**GMakram** · 27-12-2009 02:30 PM

المشاركة الأصلية كتبت بواسطة mohamed_momi88

انت ممكن تبلطج معاه و لا هيقدر يفتح بقه بس هو بيستغل خوفك علي العربيه
كان معايا واحد صاحبي قبل كدة معاه تاكسي ركن هناك و بلطج علي الراجل و مدفعشي حاجة بس هو بصراحه قلبه كان جامد انا بخاف يعملوا حاجة في العربيه

بتوع سيتى ستارز دول لازم تبلطج معاهم,انا ساكن جنب سيتى ستارز وبروح هناك كتير جدا وبركن قدام سيتى ستارز وانا نازل يجئ السايس يقوللى 3 جنيه لو سمحت يا باشا بقوله لما ارجع اخد العربيه زى ماسبتها اللى هتطلبه مش هقول عليه حاجه و وانا ماشى اطلعله جنيه يقولى كمان 2 جنيه يا باشا اقوله هو فيه ايصال؟يقولى احنا اصلنا مأجارين الرصيف اقوله ربنا يسهلك,انا مش بأكل عرق حد بس دول واخدنها بلطجه علشان كدا لازم الواحد يديهم على دماغهم

تقبل مرورى وتحياتى

**kemoelord** · 27-12-2009 02:36 PM

المشاركة الأصلية كتبت بواسطة gmakram

بتوع سيتى ستارز دول لازم تبلطج معاهم,انا ساكن جنب سيتى ستارز وبروح هناك كتير جدا وبركن قدام سيتى ستارز وانا نازل يجئ السايس يقوللى 3 جنيه لو سمحت يا باشا بقوله لما ارجع اخد العربيه زى ماسبتها اللى هتطلبه مش هقول عليه حاجه و وانا ماشى اطلعله جنيه يقولى كمان 2 جنيه يا باشا اقوله هو فيه ايصال؟يقولى احنا اصلنا مأجارين الرصيف اقوله ربنا يسهلك,انا مش بأكل عرق حد بس دول واخدنها بلطجه علشان كدا لازم الواحد يديهم على دماغهم

تقبل مرورى وتحياتى

+111111111 بالظبط والله انا كمان بشتغلهم في فكرة الايصال ده ويا سلام لو قالي مش معايا بقعد اتسلى عليه

**kh_talaat** · 27-12-2009 02:38 PM

المشاركة الأصلية كتبت بواسطة gmakram

بتوع سيتى ستارز دول لازم تبلطج معاهم,انا ساكن جنب سيتى ستارز وبروح هناك كتير جدا وبركن قدام سيتى ستارز وانا نازل يجئ السايس يقوللى 3 جنيه لو سمحت يا باشا بقوله لما ارجع اخد العربيه زى ماسبتها اللى هتطلبه مش هقول عليه حاجه و وانا ماشى اطلعله جنيه يقولى كمان 2 جنيه يا باشا اقوله هو فيه ايصال؟يقولى احنا اصلنا مأجارين الرصيف اقوله ربنا يسهلك,انا مش بأكل عرق حد بس دول واخدنها بلطجه علشان كدا لازم الواحد يديهم على دماغهم

تقبل مرورى وتحياتى

هو دة الصح أوعى تدفع إلا لما ترجع ، وساعتها ادفعله اللي انت عايزه وامشي

بس سؤال يا رجاله .... هي ليه الحكومة سايبه الناس دول ينهبوا في البلد كدة ؟؟؟؟؟؟؟؟ يعني ولا كأننا في زمن الحرافيش والتوت والنبوت ...... الله يرحمك يا نجيب محفوظ

**إبراهيم.صادق** · 27-12-2009 02:38 PM

المشاركة الأصلية كتبت بواسطة kh_talaat

للأسف الأجابه غلط هما 25 مليون جنية بس ..... مبلغ بسيط خالص

يعني يبنيله بتاع 3 مدارس حكومية كلام فاضي يعني

ايه ده 25 مليون بس؟ لا ياراجل دي كده تبقى حاجة بسيطة ومش مستاهلة ده انا كانت فاكرها أكبر من كده

بس صحيح الرقم ده شامل الضريبة ولا لأ؟
قصدي شامل تكلفة الهدم ولا المباني بس

الموضوع: الجراجات

LinkBack

أدوات الموضوع

عرض

-

-

-

-

-

-

-

المواضيع المتشابهه

خلوا بالكوا وانتوا فى الجراجات

عايز حد بيفهم في الجراجات؟؟

الحل الامثل لمشكلة الجراجات

قانون المرور الجديد واسعار الجراجات

الجراجات المقفوله

الكلمات الدلالية لهذا الموضوع

المفضلات

المفضلات

ضوابط المشاركة