السلام عليكم ..
حبيت احكيلكوا القصه دي من الواقع . حصلت عندنا في دمياط . فيها معاني كتيره من شهامه ورجوله وتقدير للاخرين ..
واحد نعرفه اتقدم لخطبه واحده جارتهم ووالدها ماكانش موافق علي العريس بتاتا . وبعد سنتين من المحايله والوسايط وافق الاب علي مضد وكان بيقابله بوش خشب وما يدلوش ريق حلو وطالب منه مهر عالي برغم ان البنت معجبه به لانه مكافح وجدع . جه يوم جمعه وخرجم مع بعض يتفسحوا ويتكلموا بعيد عن جو البيت زي اي اتنين مخطوبين . قابلهم شويه عيال صيع وهددوه بالسيوف والمطاوي انه لو ماسبش خطيبته هيقتلوه .ماكان منه الا انه رمي نفسه عليها وانهالت السيوف والمطاوي في ظهره لغايه مااتشرح تماما وماانقذوش الا ناس كانت جايه من بعيد . استلزم علاجه فتره كبيره .وكان رد حماه عليه بعد اللي حصل ان مهر بنتي وصل وسبحان مغير الاحوال اصبح حماه ابا ثانيا له وتزوج وانجب بنت اموره . صادفت انا ذلك الشخص عن طريق احد اصحابي المقربين وسعدت بصداقته وقاللي ان اثار الجروح اللي في ظهري مهر زوجتي ووسام لي ودرس لاولادي . شفتوا الرجوله . فعلا الدنيا لسه بخير . مستني ردودكم .