التقرير بتاعك فى الضياع الحقيقة
رغم انى ليس لى تجربة شخصية مع العربيتين بس الى متاكد منه ان الحتة بتاعت قطع الغيار دى وسعت منك شوية
عرض للطباعة
التقرير بتاعك فى الضياع الحقيقة
رغم انى ليس لى تجربة شخصية مع العربيتين بس الى متاكد منه ان الحتة بتاعت قطع الغيار دى وسعت منك شوية
1 - معرفش أيه سخونة دواسة البنزين ده هو حضرتك الى بيسوق بيسوق حافى
2- عضه الفتيس فى المرشدير ديه شكوه فرديه يعنى تظبيط ومعظم الى معاهم لوجان لسه ما راحوش عملوا اى صيانة وما كملوش تليين والمانيوال بتاع العربية بيقول أن ماتور العربية وادائها مش بيبقى طبيعى 100% الا بعد 5000 كيلو
3 - ضعف صاج العربية ده كلام مش صحيح بالمرة لان فى عريبتى عيل عنده يجى 8 سنين طلع فوق السقف واتزحلق على البرابريز تم الكبوت والسقف الحمد لله محلصش فيه حاجة وكمان السقف مساحته صغيرة وده بيديه قوة حتى لو الصاج سمكه قليل ده بالاضافة الى دعامة بالعرض وأنا رديت فى الموضوع ده بالذات فى قسم رينو
4 - رعشه الفتيس برضه موضوع فردى مش عام وعند كام واحد كلها وبرضه عند ناس لسه مارحتش صيانة ولسه ما لينتش ولا كملت 5000 كيلو
طبعا توكيل eim غنى عن التعريف فهو فى كتير من استطلاعات الرأى افضل توكيل فى مصر عشان كده كل الى جاب العربية مبسوط منها والكلام الى بتقوله ده مش فارق معاه خالص وفيه 113 لوجان فى القسم لغاية دلوقتى مجمعين على أن العربية افضل عربية فى فئتها ومنهم بيقول انه كل ما يركب العربية يحمد ربنا على انه وفقه يجيبها
وبعدين صاحب الموضوع بيتكلم عن انطباعاته ومعلوماته عن العربية هو ما قلش أنا عندى العربية
يا أستاذ alexman007
ممكن تقولنا تقصد مين بـــ(مسئولية الناس بتوع بروتون)
يعنى دول ناس معارفك اشترو الساجا وعن تجربة , ولا ناس فى توكيل عز العرب ( زى الناس اللى ادولك قائمة اسعار قطع الغيار ) , ولا مين بالظبط
انا بس عايز استفيد و اعرف , علشان انا عايز اشترى عربية ولسه بقارن بين الساجا و اللوجان والجيتز , وكلامك عن عيوب الساجا بيخلينى اعيد و اراجع حساباتى
استاذ zkralla
شكرا على الايضاح بدقة و وربنا يباركلك
انا مشكلتى الشخصية مع اللوجان انى خايف اشترى اللوجان ويطلع حظى الجميل العربية بتاعتى فيها الحاجات الفردية دى , طبعا هى مسالة نصيب
بالنسبة لـ " وبعدين صاحب الموضوع بيتكلم عن انطباعاته ومعلوماته عن العربية هو ما قلش أنا عندى العربية "
انا شايف ان عنوان الموضوع " مقارنة بحياد تام بين اللوجان وبروتون ساجا " و انا بصراحة مش شايف حياد , اناشايف تحيز
ان مش عارف يعنى الراجل هيكذب ليه
وهو الاتهام بالكذب بقى جاهز كده على طول
يا باشا ما فيش عربية فى السوق مش هتلاقى فيها مشاكل فردية
لا مرسيدس الالمانى حلم كتير من الناس
http://www.nilemotors.net/Nile/74110-230.html
وادى كمان السيراتو الى مكسره الدنيا
http://www.nilemotors.net/Nile/109619-a.html
وادى اللانوس الى مليه مصر وبقت تاكسى ابيض
http://www.facebook.com/group.php?gid=43289999558
ربنا يوفقك للخير وأنا عارف الفترة بتاعة الاختيار ديه بتبقى فترة صعبة بس نصيحة لوجه الله براحتك وما تستعجلش فى القرار الواحد مش بيشترى عربية كل يوم
يا باشا أنا ما قصدش حضرتك خالص لانك مكذبتش صاحب الموضوع
بس فيه اكتر من رد بيلمح على موضوع اسعار قطع الغيار وأنا عاوز نحسن الظن بالناس والراجل قال هينشر قائمة الاسعار يوم الاحد
أنا مش ضد الساجا خالص وباحترم شركة برتون ولو حضرتك بصيت على مشاركاتى هتلاقينى باقول شعر فى البرتون وعن اقتناع ولا اعيب عليها الا فى التقفيل الى مش قوى والتوكيل الضعيف الى أثر على انتشار العربيات برتون ولولاه لكان لبرتون شأن تانى خااااااااااااااالص فى مصر
يعنى لوتوكيل زى eim أو توكيل تويوتا تأخذ توكيل برتون برتون هتكسر الدنيا ومحدش هيعرف يحصلها
بخلاف كده أنا مش شايف لسيارات برتون بصفه عامة ( جين 2 برسونا واجا دول الى عندى معلومات عنهم ) غير مميزات