مقارنة بحياد تام بين اللوجان وبروتون ساجا

**أبومعاذ** · 25-12-2009 05:43 PM

المشاركة الأصلية كتبت بواسطة menocomp

ان مش حتكلم غير عن اللوجان باعتباها سيارتى مع العلم انى عامل بيها 1300 كيلو متر:

المميزات:
1-العفشة جيدة. :b4_033:
2-الثبات جيد.(انا جربت لحد 140 الصراحة بس بصراحة احسن ميت مرة من الفيرنا واللانوس)
3-استحالة تحك منك حتى لو 5 ركاب وشنط.
4-شنطة بحر 510 لتر.(مستفدش منها لحد انهاردة)
5-استهلاك بنزين جيد.
6-الفتيس سلس على التانى والتالت والرابع والخامس.
7-الفرامل جيدة جدا كانت فى الاول مضايقانى ولكن مع الوقت بقت ميزة فى العربية مش عيب.
8-الكنبة اللى ورا مريحة جدا وواسعة.
9-جنط 15

العيوب:
1-الباور تقيل.
2-اهتزاز فى دواسة البنزين(بس بيقل كتير عن الاول).
3-معنديش عضة فى المارشدير ولكن عندى عضة فى الغيار الاول.
4-التسارع والسحب عادى يعنى الكورى وبالذات الفيرنا حيعدى من جنبك ويقولك باى باى.
5-بنزل الكرسى للاخر وبقدمة لقدام ولما بدوس دبرياج على الاخر رجلى بتبقى متعلقة فى الهوا مع ان طولى 166.
6-لازم تتدوس على اخر الدبرياج علشان تجيب الاول.
7-الشكل مقبول(أذواق).
8-العيب دة محدش قالة قبل كدة:دواسة البنزين قريبة من دواسة الفرامل وبصراحة دة شى مضايقنى اوى.

اتمنى اشوف مقارنة اكبر بين العربيتين دول بالذات.

هو دا الكلام الحيادي اللي بجد

مش صاحب الموضوع قعد في الساجا 5 دقايق وبيتكلم على عفشتها ويقول ضعيفة وهتحك في المطبات

طب حد يقولي عرف منين ان العفشة ضعيفة وهتحك في المطبات والعربية واقفة في المعرض؟؟

**alexman007** · 25-12-2009 11:01 PM

المشاركة الأصلية كتبت بواسطة أبومريم

:s_thum1[1]::s_thum1[1]::s_thum1[1]: هو دا الكلام الحيادي اللي بجد :s_thum1[1]::s_thum1[1]::s_thum1[1]:
مش صاحب الموضوع قعد في الساجا 5 دقايق وبيتكلم على عفشتها ويقول ضعيفة وهتحك في المطبات:h_angry[1]: طب حد يقولي عرف منين ان العفشة ضعيفة وهتحك في المطبات والعربية واقفة في المعرض؟؟ :o_stupid[1]:

ياباشا واحد زميلي جابها في الشغل وجربناها ولو عايز اديلك رقمه واتأكد منه بنفسك

أصل أنا جبت مطب استعمال خارج وحطيته في المعرض وجربتها وهي واقفه فلقيتها بتحك

**khpopo** · 25-12-2009 11:30 PM

المشاركة الأصلية كتبت بواسطة أبومريم

:مش صاحب الموضوع قعد في الساجا 5 دقايق وبيتكلم على عفشتها ويقول ضعيفة وهتحك في المطبات:h_angry[1]: طب حد يقولي عرف منين ان العفشة ضعيفة وهتحك في المطبات والعربية واقفة في المعرض؟؟ :o_stupid[1]:

+111

ربنا يوفق

**khpopo** · 25-12-2009 11:38 PM

المشاركة الأصلية كتبت بواسطة newman

المفروض فعلا نستنى شوية على الساجا زى ماحصل مع اللوجان وبعد كدة نقارن بينهم

+111

ربنا يوفق

**memo_p910** · 26-12-2009 01:31 AM

الساجا افضل بكثير من اللوجان صاج ايه الي ضعيف العربيه وزنها 1075 كجم ياريت تتاكد من الكلام قبل ما تقوله

**tutankhamoun** · 26-12-2009 03:25 AM

نفس الكلام ده كان بيتقال على الجين 2 سنة 2006 و سنة 2007 ........................
زراير لعب اطفال و خامات سيئة و الكلام ده ....

طبعا الزمن أولا هو اول الحاكمين ....................... و الملاك للسيارة .
انا شوفت العربية و فحصتها فحص دقيق ............. العربية على السعر ده ..................... ممتازة

**tutankhamoun** · 26-12-2009 03:28 AM

بالمناسبة

فيه اختلاف بين قطع غيار الجين 2 و الساجا في كل حاجة .
عفشة الجين 2 مختلفة عن عفشة الساجا ............................ الموتور مختلف برضه ....................

**best2010** · 26-12-2009 07:12 AM

المشاركة الأصلية كتبت بواسطة alexman007

وأوعدكم مش حبعت موضوعات تاني في قسم المقارنات لان الحق بيزعل:b4_611::h_angry[1]:

مش موافقك يا ريس .. لازم تكتب رأيك وانت حر فى ذلك وعليك واجب تجاة اعضاء المنتدى فى انك تقول رأيك .. وانا مش عارف ليه الناس بتزعل ؟ فعلاً مستغرب زى ما يكون عيوب العربية دية فى ابنه او بنته .. يا ريت يا جماعة نسيب كل واحد يتكلم بحرية ويقول اللى هو شايفه من عيوب ومميزات .. واللى عايز يختلف يتكلم هو كمان والقارىء يقتنع بالرأى الأكثر إقناعاً .. علشان نفيد بعض
وانا عن نفسى كان نايل موتورز احد الأسباب الرئيسية اللى خليتنى آخد قرار بشراء اللوجان وان اعلم عنها كل كبيرة وصغيرة ومميزاتها وعيوبها ، والناس اتكلموا عن العيوب كتير ..وكل واحد يختار اللى يناسبه فى النهاية.

**MohabSaeed** · 26-12-2009 01:35 PM

المشاركة الأصلية كتبت بواسطة alexman007

بسم الله الرحمن الرحيم
أولا احب أعرفكم بنفسي أنا محمود عزت - بشتغل في إدارة المستشارين في مكتبة الاسكندرية ومنذ نويت إني أشتري عربية (بعد اما بعت ريتمو مو82 حيث إنها طلعت عيني) وبعد طول مداولات مع أصدقائي ومع نفسي ومع نايل موتورز طبعا..... قررت إني احصر مقارنتي لعربيتين هما رينو لوجان وبروتون ساجا وفي آخر الموضوع حقولك أنا قررت إيه وليه

أولا الرينو لوجان:
عفشة ممتازة ركبتها مع واحد زميلي جايبها - احساس بالفخامة - شكلها جميل - كاسيت وتكييف ممتازين- جراية جدا وستابيليتي حلو قوي برغم ارتفاعها- كماليات حلوة بالنسبة للسعر - النور بتاعها بالليل ناااار حلو قوي ورؤية جميلة- واسعة من جوة - استهلاك بنزين حلو لو قارنتوها بالاوبترا مثلا يعني متحسش انها 1600 خالص - موتورها بتاع الميجان 99 هو الموتور الوحيد من رينو اللي اخد احسن موتور لحد دلوقت من تصنيع رينو وده كلام واحد صاحبي في فرنسا وأسرته كلها راكبة رينو.

الحاجة السلبية في اللوجان مكان الزجاج الخلفي - مكان الكلاكس غريب بس يتعود عليه (دي العيوب اللي أنا شايفها)

ثانيا البروتون ساجا
عربية شبابية جميلة قوي - كماليتها كتيرة جدا ومغرية بالنسبة للسعر - موتورها حلو جدا 1300 - كاسيت كلاريون جميل - واسعة جدا من جوه

السلبيات
الصاج بتاعها ضعيف جدا - عفشتها الخلفية ضعيفة يعني لو حد ركب ورا كتير حيبقى حالها زي اللانوس والفيرنا حتحك - تقفيل رديء - خامات التابلوه وجميع الزراير زي ما تكون لعب أطفال من الرخيصة - وانا في المعرض السنتر علق والشنطة وانا بقفلها مكانتش راضية تقفل صح - كمان الناس تاخد بالها من الجنوط خامتها فقيرة جدا مع العلم بأن والدي تخصص خراطة وفرايز وصناعات دقيقة وكان معايا وطلعلي 100 حاجة - مع انه كان متحيز ليها قبل اما يشوفها- السماعات صوتها وحشششششششششششششش - قطر لف العجل في الملفات بتلف في قطر واسع جدا وعلى مسئولية الناس بتوع بروتون مش كلامي من الهوا

أنا قررت أشتري لوجان لأنها مضمونة أولا وكسبت الساجا في كل شيء ومش معقول حغير عربية عشان كماليات كتير واما تبوظ الكماليات دي حتدفع وحتدفع وحتدفع (على فكرة قطع غيارها أسعارها معايا والمسؤول في عز العرب قاللي كموتور وميكانيكا قط الغيار زي جين تو بالظبط وفي حاجات تانية حتبقى ارخص وفي حاجات حتبقى أغلى ووعدني يديني البرايس ليست يوم الاحد الجاي وحبقى أنشرها)

فعلا اللوجان الوحش القادم على الطرق المصرية

اهلا بيك أ محمود

اسمحلى اتفق معاك فى بعض نقط و اختلف معاك فى حاجه اساسيه " عنوان الموضوع " ............ايه معنى الحياد التام ؟

الحياد التام انك تعمل تقرير مفصل عن السيارتان وعن تجربه و المواصفات الفنيه لكل سياره تسارع ,سرعه قصوى , قدره خرج المحرك , استهلاك الوقود , ابعاد , سعر , كماليات , عوامل امان , ... ديه وجهة نظرى .

......... كون انك ميال لسلعه اكتر من سلعه ده الطبيعى و الى يسمى اختلاف الاذواق ...... الكلام الى حضرتك كاتبه سواء فى المميزات او العيوب فى اللوجان و الساجا بيعبر عن رأيك الشخصى و ذوقك .

فى ناس ممكن تشوف ان تقفيل الساجا سئ و ناس تشوف انه عادى .. و ناس بتكره شكل اللوجان بس عاجبها جدا المساحه الداخليه المهوله و فى نفس الوقت مش عاجبها ان الموتور كقدره خرج و عزم ضعيف نسبيا بالمقارنه بارقام المحركات الحديثه و عاجبها محرك الساجا الاكثر تطورا و الافضل فى قدره الخرج و استهلاك البنزين بس مش عاجبها صاج الساجا و شايفين ان اللوجان اقوى , بس برده فى نفس الوقت عاجبهم ان الساجا نازله بجنط عكس اللوجان ......... و و و حاجات كتير و اختلافات كتير و كلها اراء و كل واحد بيشوف ايه المناسب و ليه و ايه العيب الى بتغاضى عنه و " يعمل نفسه مش شايفه " ... او حتى يقول انه ميزه لان العربيه ككل عجبته . و ده الطبيعى فى اى انسان ... انه يتقبل الشى بعيوبه فى سبيل مميزاته الى هو محتاجها .

* حرد على حضرتك فى جزئيه قطر الدوران ... اولا بتقول " بتوع البروتون " بس مقولتش مين بتوع دول ؟ ناس فى التوكيل ولا مُلاك سيارات بروتون , و لو مُلاك سيارات بروتون ..." فهما معاهم اى سيارات بروتون " ؟؟؟؟

اكيد حضرتك عارف طبعا ان كل ما قاعده العجلات بتكبر قطر الدوران بيكبر - الواجا و الجين 2 قاعده العجلات بيهم 2600 مم "1 " .

و كل ما عرض الجنط و الكاوتش بيكبر قطر الدوران بيكبر - الواجا كانت بتنزل بجنط 16/205 و 15/195 .... و الجين 15/195 " 2 " .

الحاجه الاخيره حضرتك عارف ان نظام التعليق فى الجين2 و الواجا و البيرسونا ... بتصميم لوتس الانجليزيه ... الدركسيون 2.7 Lock To Lock Turns .... عكس غالبيه السيارات الى فى السوق مش بتقل عن 3.2 و ده بينعكس عن قطر دوران السياره .... وده مش عيب ده بيحسن كتير من التحكم و المناوره على السرعات العاليه " 3 " .

ولو ده عيب فى الجين و الواجا ... ف هو حتى مش موجود فى الساجا .... لان قاعده العجلات اقل من الواجا و الجين تقريبا 12 سم مش متذكر, عرض الكاوتش اقل ...

* صاج الساجا ... اقل فى السمك من الواجا و الجين ...لكن مش سئ ... و برده كل واحد بيقم تحمل الصاج """(( من وجهة نظره ))""" فى ناس معانا هنا فى المنتدى معاهم واجا 2009 و بيقولو الصاج ضعيف !!!! و ناس قالت ان واجا 2009 الصاج بتاعها اقل فى السمك من الموديل القديم 2007 و ما قبله ............. و مع كامل احترامى الكلام ده غلط و مالوش اساس من الصحه

انا معايا واجا 2005 هو هو نفس صاج 2009 , و الصاج ناشف جدا .... اقوى من كده حيبقى صاج ميكروباصات ترامكو , او صاج فيات 1100 موديل 60 !! .

ولا قدر الله فى الحوادث الكبيره لا بيفرق صاج تخين من خفيف المهم قدره تحمل الشاسيه على امتصاص الصدمه .

انا خرجت شويه بره الموضوع ..... انا بالنسبالى اللوجان عربيه ممتازه فى حدود سعرها ... و الساجا عربيه ممتازه فى حدود سعرها

و فى ناس حتشوف ان الانوس افضل من الاتنين

و فى ناس حتشوف ان الفيرنا " تحرق التلاته " و احسن منهم فى اعاده البيع و قطع الغيار و التسارع و ............

لولا اختلاف الازواق لبـــــــــــــــــــــار ت السلع ...

تحياتى ليك و الف مبروك مقدما على اللوجان . ربنا يديك خيرها و يكفيك شرها