حصريا و بالصور ....صيانة 60 ألف كم لرينو لوجان سيدان .و استكمال التقيم
السلام عليكم يا وحوش
هدية السنة الجديدة ...من اخوكم الصغير
انا عملت الصيانة بتاعت 60 الف كيلو متر ...و الحنمد لله لحقت عرض ال 20 % خصم
الصيانة معايا اتكلفت اجمالا 1749 جنيه و الحاجات الى اتغيرت هى :-
1- طقم الكتاتينة
2- طرمبة المياه
3- زيت الموتور
4- مياه الردياتير
5- سير الدنيامو و التكيف
6- البوجيهات
7- فلتر الهوا ء
8- فلتر الزيت
9- فلتر البنزين
و عشان خاطركو انت بس يا وحوش الموضوع مرفق معاه صورة من الفاتورة عشان تعرفو كل حاجة بكام و كمان صورت كل الحاجات الى رجعوهالى (بيحطو فى العربية الحتة الى غيروها فى علبة الحته الجديدة) . صورة للقطعة و صورة لاستيكر رينو الاصلى على العلية و الى عليه كود القطعة عشان نعرف شكل الحاجات الاصلية
ما سبق كان بخصوص الصيانة
اما بخصوص التقيم
انا كنت عملت لحضراتكم تقيم حتى 10 كم . الصراحة العربية زى ماهى ماشاء لله مفيش حاجة اتأثرت و مفيش مشكلة حقيقة ظهرت فى العربية نفس الملا حظات القديمة كمان مفاجأة :-
ايه هى المفاجأة ...هى ان انا معلتش صيانة حقيقة للعربية قبل كده انا بس عملت ال 10 الف كم و كام واحدة من الصيانات المجانية يعنى ولا غيرت فلتر هوا ولا بنزين ولا بوجيهات و مع ذلك العربية كويسة معايا فى كل حاجة مما يؤكد ان العربية حمولة - يارب تفضل مستحملانى- و ان حاجتها الاصلية نضيفة و بتعيش و زى ما هتشوفو فى الصور الحاجة الى اتفكت من العربية سليمة تقريبا ..يمكن الحاجة الى اتأثرت شوية لعدم اجراء الصيانة هى استهلاك البنزين ارتفع شوية بقى فى حدود 7.3 الى 7.8 لكل 100 كم
[OVERLINE]طبعا دى مش دعوة لأاهمال الصيانة الدورية انا عملت كده غصب عنى لظروف مادية – عشان محدش يعمل زى و يدعى عليا بعد كده [/OVERLINE]J
فى النهاية اتمنى اكون مفيد لكم و ربنا يديم عليكم الصحة و العفافية و كل سنه و انت بخير
اخوكم الصغير
عمرو صلاح
