الموضوع: سيارات استعمال خارج للمعاقين

أنا شاري أنا وأخويا عربيتين بي أم من الموضوع دا

بس الموضوع مش بيمشي بسهولة كدة خالص

انا مخرج العربيات من جمرك بوسعيد يوم 24 /10 إلي فات ولحد دلوقتي الورق بتاع فك الحظر مجاش اسكندرية

والعربية مركون تحت البيت

الحوار دا لما بيتحكي غير لما تدخل فيه

بصراحة مصاريف كتير ودوشة

اسمحولى اشترك فى الحوار واشرح الموضوع بطريقتى برغم تحفظى عليه واعتقادى ان هذا شىء حرام ومن قبيل إعطاء الشىء لمن يستحقه فأذا لم اكن من ذوى الاحتياجات الخاصة فلماذا استفيد بشى خصص لهم ؟؟

حضرتك بتكشف على المعاق فى القموسيون الطبى بالقاهرة كشف مستعجل بـ 501 جنيه.
بعد ظهور النتيجة الايجابية بيكون من حق هذا المعاق شراء سيارة مجهزة طبيا.
بتنزل سيادتك المنطقة الحرة سواء بالقاهرة او ببورسعيد وبتنقى العربية الى انت عايزها ولتكن لانوس 99 وسعرها للمعاق حوالى 27 الف جنيه مصرى.
يجب ان يكون المعاق يمتلك رخصة والا ستضطر لإستخراج رخصة قيادة له لكى تتمكن من تسجيل السيارة او تدفع غرامة قدرها 2500 جنيه على ما اذكر.
تُرخص السيارة بأسم المعاق ويثبت على رخصتها حظر بيع / إعاقة طبية وترخص ملاكى .
تدفع مبلغ 9600 جنيه غرامة فورية للتصالح مع الجمارك وفك حظر البيع عن السيارة.
تسجل السيارة بأسمك .
ترفع قضية على هيئة الجمارك على ما اعتقد وتسترد مبلغ حوالى 5000 جنيه .

معلش يا اخوانى حيبقى فية فرق اد اية يعنى
يستاهل البهدلة دى ولا لا
ويستاهل المخاطرة مع قرارات الحكومة اياة الى ممكن تنزل عليك زى الصاعقة
فى اعتقادى الفرق لو 3 الى 4 تلاف ميستاهلش البهدلة
ولا هو فرق كبير يستاهل

اغلب الفارق بيكون فى حالة العربية و ده فى حد ذاته بيساوى فلوس ان لم يكن هو الأساس الى يخلى الواحد يشترى عربية مستعملة ، انا شفت عربيات تويوتا كورولا فى المنطقة الحرة موديلات التسعينات 94 :96 بحالات زيرو بمعنى الكلمة اسعارها بتتراوح بالجمارك و التنازل ماعدا التصالح ( 10000 جنيه ) من 40 الى 50 الف و على حد علمى ان سعر الموديلات دى فى السوق من 50 الى 70 الف حسب الحالة و الأوبشن

تويوتا كورولا موديل 96 ب 70 الف ؟؟؟؟؟؟؟؟؟؟؟؟؟؟؟
هى الجديدة بكام ؟؟؟؟؟؟؟؟؟؟؟

اسأل عن الموديل ده من الكورولا حيقولولك انه احسن موديل نزل حتى الأن ( ده قبل العيون مباشرتا )
واحد صاحبى كان معاه كورولا 1600 كاملة اوتوماتيك موديل 2006 ، باعها فى شهر 4 الماضى و اشترى الموديل الى بنتكلم عنه موديل 93( حالة ممتازة جدا مافيهاش خربوش للأنها كانت مرفوعة ) ب 57 الف بالعافية

المشاركة الأصلية كتبت بواسطة hesham Amin

تويوتا كورولا موديل 96 ب 70 الف ؟؟؟؟؟؟؟؟؟؟؟؟؟؟؟
هى الجديدة بكام ؟؟؟؟؟؟؟؟؟؟؟

يا جماعة محدش يتكلم عن العربية دى غير لما يركبها او يسوقها العربية دى من اول سنة 93 حتى 96 هى افضل انتاج تويتا على الاطلاق من جميع الجهات من الاخر عربية خرافيه
فى الجرى على الطريق ثايتة جدا وناعمة جدا وشكلها كمان حلو اوى ومقبول
ولا التكييف بتاعها ولوش حل
بجد تويوتا المفروض تفخر بانتاج عربية زى دى وانا واللهى لو كان معايا تمناها وانا بشترى عربيتى كنت جبتها بدون تردد بجد عربية تحفة واحسن من موديل 2007 من وجهة نظرى

,و الى يعرف العربية دى و عاوزها بيدور عليها بشمعة ، عشان النظيف فيها نادر شوية و الى معاه واحدة نضيفة مابيفرطش فيها ،
تخيل بقى لما تكون عارف كويس العربية دى و تلاقى نفسك ادام ما لا يقل عن 15 عربية شبه زيرو ، تعمل ايه ؟
اكيد ريقك حيجرى على واحدة و تدفع فيها اى ثمن