الموضوع: في حد راح العريش قبل كده ؟؟

كلمه حلوة في كلمتين
حلوة يا بلدي
:)

المشاركة الأصلية كتبت بواسطة moshaks

انتو شوقتونا يجماعه والله الواحد يزورها ويستمتع بجمالها
الغريب ان عندنا اماكن كتير فى مصر جميلة جدا وسيبنها للاجانب هما الى يروحوها ويزروها والواحد مننا الصبح فى الشغل وبالليل نايم وكل يوم على كده حتى الاقارب مش عارفين نزورهم

بس ياترى الاسعار لايجار شاليه فى حدود كام فى اليوم؟؟

والله هى سيناء بكل ما فيها حته من الجنه بجد ولو الواحد الظروف مساعداه كنت لفيتها كلها وللأسف الناس بشكل عام كلها مركزه على اماكن معينه ومبتحبش تجرب حاجه جديده وعلشان كدا العريش مبتتزحمش برغم انها من زمان واجهه ناس كتير فى الاجازات

الاسعار فى العريش مختلفه على حسب القريه والمستوى بتاع السكن

فى قرى على طريق البلاجات وده الشريان الرئيسى بتاع البلد ودى افضل قرى من وجهه نظرى مش بعيده عن وسط البلد علشان الخروج بليل ومش بعيده عن المساعيد والكورنيش لو عايز تجيب اكل او اى حاجه بليل , شخصيا بنزل دايما فى قريه ظلال النخيل

فيه حاجات اهليه برا بينها وبين البحر حوالى 300 متر مثلا او اكثر شويه بسيطه ودى هتبقى شقق 3 غرف مستواها متوسط وتعمل حوالى 80 فى الليله , تخيل !! , بس دى طبعا نظام شباب وكدا ومتنفعش عيله

فى حاجات بقا جوا قرى زى اللى كنت بروحها عباره عن شاليهات اربع شقق والشقه غرفتين والبلكونه تنط منها فى الشاطئ على طول وفى كمان شقق تنده على الناس من البحر لو بتعرف تصفر ومستواها جيد جدا وتعمل حوالى 150 فى الليله وتنفع عيله لحد 6 افراد

فى كمان فيلات دورين 4 غرف وبتبقى صف بميل على البحر يعنى متنطش منها على الشاطئ :) ودى بتعمل حوالى 250 فى اليوم وتسع عيله كبيره 10 افراد او حتى 12

والقريه فيها ماركت كبير وساحه للعجل ومراجيح للأطفال ومشايات كبيره على الشاطئ يعنى اساسا ممكن متخرجش منها

والقريه دى مش زحمه وهتبقى على الشاطئ براحتك جدا ومفيش حد قريب منك والشاليه مفيش حد يكشفه ابدا

وفى بقا قرى تانيه برا البلد شويه ولازم يكون معاك فيها عربيه واسعارها اعلى شويه بسيطه بس الخدمه فيها سياحيه اكتر لو يهمك الخدمه تكون مميزه قوى بس دى محتاجه تكون التنقلات قليله لأنها مش قريبه من البلد علشان كدا بفضل القرى اللى فى قلب البلد

وفى كمان مكاتب عندها فيلات بشواطئ خاصه لو مثلا معاك عدد كبير ومحتاج خصوصيه جامد

بس كدا :)

في مطعم في السوق هناك بيعمل مشويات (مش فاكر اسمه) بيعمل موزة تجنن..كل وادعي لي..وبعدين ممكن تروح محمية ابوالزرانيق (اعتقد اسمها كده) وتتفرج على الترس البحرية إللي قربت تنقرض...معلومة الترس البحرية بتاكل القناديل علشان كده القناديل زادت في العريش..ده كمان غير الشاطئ التحفة إللي فيه النخيل على الرمال...العريش اجمل مكان طبيعي على ساحل مصر الشمالي مع احترامي للجميع

المشاركة الأصلية كتبت بواسطة dr zezo

في الشتاء العريش تقريبا بتنام علي 9 مساءا
بالنسبة لمحبي الخروج و الفسح .......

هذا امر قاتل ..

لا يا دكتور بقا فى ناس بتقعد للفجر دلوقتى وكافيهات نت وصالات بلياردو واخلاقهم باظت :)

شخصيا كنت بقعد انا وابن خالتى بكيسين الشيبسى العائلى على الطريق قصاد دخله المساعيد

فى لجنه بتتنصب بليل وقصادها محطه الاوتوبيس , نقعد عليها ونتفرج على الكمين طول الليل لحد ما يخلصو والظابط وهو ماشى يرمى علينا السلام :)

انا تقريبا من ساعة ما اتولدت وانا بصيف هناك و لينا شقه هناك المدينه جميله جدا و الطبيعه فيها تحفه جوها نقى ورائع تقريبا كنت سمعت قبل كده انها تانى انقى مدينه فى العالم بس مش متأكد من المعلومه ديه الحياه هناك رخيصه مش غاليه حتى الايجارات الفسح مش كتير بس لذيذه واحلى حاجه هناك السينما الصيفى بيكون فيها كل افلام الموسم وبتدخلها كلها ب 10 جنيه بتتفرج على الافلام كلها ورا بعض و منك للبحر جنبك قعده اخر جمدان اهل العريش نفسها ناس محترمه جدا جدا بس متحاولش تتكلم مع البدو علشان انت مش هتعرف تفهم لغتهم اكتر المشاكل اللى ممكن تقابلك هناك هى الميه مش مياه الشرب لأ ديه سهلة انما الميه فى العريش بتقطع كتير ولازم يكون عندك خزانات تخزن فيها الميه لأن ليها مواعيد معينه بتيجى فيها غير كده مفيش فيها مشاكل تانى بس نصيحه متروحش العريش فى نص السنه عاوز تروحها روحها فى اول شهر 8 بجد هتعشقها و مش هتعوز تروح من هناك و لو عاوز اى حاجه تانيه انا تحت امرك

المشاركة الأصلية كتبت بواسطة ahmed0nouh

لا يا دكتور بقا فى ناس بتقعد للفجر دلوقتى وكافيهات نت وصالات بلياردو واخلاقهم باظت :)

شخصيا كنت بقعد انا وابن خالتى بكيسين الشيبسى العائلى على الطريق قصاد دخله المساعيد

فى لجنه بتتنصب بليل وقصادها محطه الاوتوبيس , نقعد عليها ونتفرج على الكمين طول الليل لحد ما يخلصو والظابط وهو ماشى يرمى علينا السلام :)

ايوه فعلا بقوا يسهروا للصبح و بقى فيه كافيهات واساسا الحته اللى عند حديقة مبارك ديه بتبقى صاحيه للصبح علشان بقى فيها تأجير موتسيكلات و عجل

بس ايه ده يا جماعه انتوا بتقعدوا فى المساعيد ولا فين؟؟؟