http://www5.0zz0.com/2007/12/03/18/12595462.jpg
http://www5.0zz0.com/2007/12/03/18/81736863.jpg
http://www5.0zz0.com/2007/12/03/18/64727352.jpg
http://www5.0zz0.com/2007/12/03/18/53274502.jpg
عرض للطباعة
الست في الصورة الاولى دي حاشرة نفسها في كل حاجة على راي المثل يا داخل بين الاتوبيس والاتوبيس ما ينوبك الا تكسير الفوانيس :) دي كانت بتاخد غرزة دي ولا اية؟!!
أكرر
لا فرق كبير فيما رأيناها من هؤلاء النساء و بين السائقين المصريين عموما ... نساء و رجال
و هاتلي سواق ما بحشورش نفسه في أضيق مكان ( طبعا علشان مستعجل ووراه الديوان)
هههههههههههههههههه
شكرا يا باشا
الستات الستات . . . . . ؟؟؟؟؟ الكائنات
كل الناس فاهمة إن الستات ما بتعرفش تسوق للأ معلش بقي في رجالة بتسوق بمبدأ إن دي ست إكسر عليها و يبقي لا طريقة ولا حقة ولا أي حاجة غير إن هو راجل و خلاص .حلرام يا جماعة الظلم دة و مش معني كلامي إن الستات كلها مظاليم لأ أنا نفسي لما بألاقي حد أدامي و غلطتة فظيعة بأتوقع إنها ست و بتطلع ست و ساعات كتير بتطلع راجل يعني الموضوع مش مقتصر علي الستات كلة زي بعضة فبلاش التعميم ربنا يكرمكم .
السائق المصري الذكر = السائقة الأنثى المصرية = السائقة الأنثى مهما كانت
أنا مش عارف الناس بتهزاء من سواقة الستات ليه ؟؟؟؟؟؟؟؟؟؟؟؟؟؟
على الأقل الستات بره بتسوق تقريبا زي الرجالة برة برضه و لا غرز و لا كسر اشارة و لا ركن غبي
أما في مصر إحنا أخر شعب يتكلم و يهزأ من أي سائق
لأننا من الأخر أسوء سائقي العالم ........ ( لا أخلاق عند القيادة ..... لا علم قيادي للسيارة .... لا قوانين ..) و نظام القيادة في مصر إن أصلا مفيش نظام
يبقى النظام إن مفيش نظام و أرجو إن الناس تحترم الستات شوية علشان مفيش فرق كبير بينهم و بينا كرجالة في مصر بالذات
اشكرك علي عدم التحيز ويا ريت ستات و رجالة شوية ذوق و إحترام للسواقة و آداب المرور .الواحد خلاص زهق من قلة الذوق و البجاحة بتاعت الناس يبقي واحد جاي عكس الطريق و عايز يعدي و لما أقولة إنت جاي غلط يبقي إنت اللي تستني يقول لي يا ستي خلصينا هو إنتو بتعرفو تسوقو . شوف البجاحة بصراحة بطلت أكلم حد علشان أنا بحترم نفسي بس هيجيلي الضغط من السواقة و بالذات من اللي بيكسرو عليا أول ما لقوني ست . ( مرة كنت ماشية في صلاح سالم و واحد ريح عليا بس ماكانش خبطني بس بيريح عليا فبكلكسلة راح نازل من العربية و عندة حالة هستيرية و عمال يزعق و يقول بتكلكسي لية أعملك إية ما هو إنتي ست أعملك إية بصراحة انا ماعرفتش أرد علية بس كان فية حوالينا شباب كانو شايفين اللي حصل قعدو يقولولو لأ يا جدو إنت اللي ريحت عليها مش هي اللي غلطانة انا نزل عليا هستيرية ضحك من شكلة أول لما لقاهم نزلو من العربيات و قالولو كدة خاف و ركب عربيتة . واحد منهم قال له خد بالك بعد كدة يا جدو ) موقف لايمكن أنساه أكد لي ان أغلب الرجالة لما يلاقوها ست لازم تبقي هي اللي غلطانة مع إنة مش دايما صح .
مبدا السواقين المصريين .......... خدوهوم بالصوت
حتى لو هو غلطان ينزل يزعق و يجعجع بطريقة هستيرية علشان حضرتك متقدريش تتكلمي و تقولي حاجة
و بصراحة بقت حاجة تقرف
مش السواقة بس ........... قلة الأدب بقت شئ عادي و عدم إحترام الناس و الطوابير و حقك في الطريق
الأخلاق يا سيدتي الفاضلة بقيت زفت
و غرز و قلة ادب و سير عكسي و كسر اشارة و كسر الطريق ............ حاجة تفور الدم
مع أحترامي لحضرتك
سواقة الستات في مصر لللأسف أسوأ كمان من اللرجاله طبعا ده مش شيء عام لكن غالبية الستات سواقتهم مبتعجبنيش بتتحامى في أنوثتها والصوت العالي وخلاص وعارفه أنها عشان ست هيوقفلها 100 راجل وكمان عارفه إني مش هقدر أعملها حاجه يعني مقدرش أتخانق معاها (مثلا) وعلى كده ستات كتير قوي بتمشي براحتها في الشارع لمجرد أنها ست ده كلام بالذمه...
وأحب أضيف أن 50% على الأقل من الحوادث في مصر بتشارك فيها ستات أو بتتسبب فيها على الأقل وده أنا كنت قرأته في مجله للسيارات من حوالي 3 سنوات
الحقيقة مش كل الستات بتعرف تسوق ومش كلهم مابيعرفوش يسوقو علشان كده انا اؤيد عدم التعميم
بس اغلبية الستات اللى بتسوق بتحب تمشى على مهلها خالص خوفا من السرعة وهيا ماشية مثلا
على 50 كيلو والطريق يتمشى فيه على 100 كيلو وكمان مش بيلتزمو بأشارة المرور يعنى مرة كنت
واقف فى اشارة والاشارة فتحت والعربيات اللى جاية من الجهة اليمين توقفت فجى اعدى لقفيت واحدة
ست طالعة مرة واحدة وكانت هتخبطنى من الجنب وعسكرى المرور قعد يزعق ويقولها باقلى ساعة
بشاورلك تقفى وباردو ماشية على العموم ده مش عام على كل الستات هناك ستات بتسوق كويس وهناك
ستات مش بتعرف تسوق وبتمشى بالبركة كده وزى ما تيجى تيجى
بدون النظر لجنس السائقين فكلاهما أسوأ من بعض! و دي قاعدة السواقة في مصر أصلاً إن لا يوجد ما يسمى بإحترام القوانين...
و لكن بصراحة المشكلة اللي لاحظتها فعلا في سواقة الستات و خصوصا صغيرات السن منهم هو إتخاذهم أكثر من قرار في نفس الوقت و دا أنا لاحظته أكثر من عشر مرات في 6 شهور.
90 % من اللي خبطوني طول عمري رجالة
غير ان حوادثالرجالة غالبا بتكون حوادث موت
اما الستات فالامر لا يزيد عن حكات هنا و هناك
و للاسف لا الستات و لا الرجالة بتعرف تسوق
و لا المشاه بتعرف تمشي و لا في شوارع تنفع
و لا حد فاهم حاجة
ياراجل يا طيب حسستني ان الدنيا سودة اووووي
يا احلى ناس ياريت يبقى عندنا امل شوية الدنيا مش وحشة اوي كده وكل واحد فينا يبدأ بنفسه نعمل الصح ونرضي ضميرنا حتى لو غيرنا غلط
ما كتير نسمع حد يقول ان الناس في مصر مبتعرفش تسوق ويشتكي ما هم مين الناس دول ما همه انا وانت وانتي وحضرتك وسيادتك.
فعلا الشوارع بصفة عامة حالها يضايق بس برضه فيه ناس كتير كويسة والمناخ العام لو فيه التزام زي دول كتير بيحكم اللي عاوز يسوق غلط ويجبره انه يمشي زي ما الناس ماشية.نحاول نعمل اللي في ايدينا ونسوق عربياتنا كويس وموضوع القانون والمرور ده ربنا معانا فيه.
تصبحوا على الف خير