الكلاكس عندي بيكون قوى وصوته عالى لما العربية بتكون شغاله,ولكن لمما بتكون مبطله وادوس كالكس لاى سبب ,بلاقى الكالكس صوته بيوطى لحد ما يكاد يكون هايختفى.مع العلم ان البطاريه جديده وجافه واللمبه بتاعتها خضرا وشكرا.
عرض للطباعة
الكلاكس عندي بيكون قوى وصوته عالى لما العربية بتكون شغاله,ولكن لمما بتكون مبطله وادوس كالكس لاى سبب ,بلاقى الكالكس صوته بيوطى لحد ما يكاد يكون هايختفى.مع العلم ان البطاريه جديده وجافه واللمبه بتاعتها خضرا وشكرا.
اكشف علي الدينامو وشحنة وكتاوته
ممكن تكون البطارية جديدة وفيها مشلكه جرب بطارية تانيه
ممكن تكون كتاوت الكلاكس
القصة دى كانت بتحصل مع البطارية القديمة؟؟
MMamdouh
شحن الدينمو له شان كبير قى قوة الكهرباء
يعنى هو ده الأحتمال الأقوىاقتباس:
جرب بطارية تانيه
و مش عارف أقولك أيه الصراحه
لو قلنا عيب بطاريه
فده كلامك
يعنى البطاريه مستبعده بنسبه كبيرهاقتباس:
مع العلم ان البطاريه جديده وجافه واللمبه بتاعتها خضرا
لو قلنا عيب توصيل كابلات البطاريه ( القواطيش مع الصوابع )
طيب ما العربيه بدور فعلا
يعنى التوصيل تمام
عموما
مش حتخسر حاجه
شيك تانى على توصيل القواطيش بصوابع البطاريه
يمكن تكون عاوزه تتربط بأحكام
ولو أنى مش مقتنع باللى بأقولهولك برضه
ههههه
حقولك على حاجه تانيهاقتباس:
مشكله غريبه فى كالكس اللانوس
وأنا أقتبست العنوان لما جاء فى دماغى فكره تانيه
أنت بتقول
الكلاكس تمام والعربيه شغاله
والمشكله بتواجهك وأنت مبطل
وغالبا مفيش عندك مشاكل
لا فى البطاريه ولا فى الدينامو
بس أيه الفرق بين الوضعين
عنصر الأهتزاز
اللى بيبقى موجود مع دوارة المكنه
فممكن يكون فيوز أو كتاوت الكلاكس مع الأهتزاز بيوصلوا كويس فى علبة الفيوزات مع وجود الأهتزاز
وبيحصل بوش وتوصيل ردىء مع السكون ( المكنه مبطله )
تقوم تعمل أيه أنت
علشان نطمن على النقطه الخبيثه دى
خللى حد جوه الصالون
وأنت أفتح العلبه بتاعة الفيوزات وحرك الفيوز والكتاوت كمان
على قواعدهم بالعلبه كويس
وخللى اللى فى الصالون يدى كلاكس
وجرب
لأن ده أحتمال وارد جدا
اشكركم جميعا على الاهتمام.بالنسبه لسؤال الاستاذ محمد ممدوح بان ده كان مع البطاريه القديمه .؟ااقول لسيادتك اه كان بيحصل واكتر من كده كمان.
اما فكره المهندس سمير فاجرب وارد على سيادتك