الموضوع: بقايا اشارات المرور النازية في مصر

ياااه جيت علي الجرح يا باشمهندش
الاشارة دي من اسوء ما يمكن تخيلة فعلا تعذيب
انا بقيت بخش من شوارع جانبية عشان الزفتة الاشارة دي

فيه اشارة روكسي في شارع جسر السويس واليوترن بتاع قسم عين شمس على جسر السويس حجات كتيره جدا غلط في البلد دى لو هنحكي عليها عايزة مجلدات من الحجم الكبير وده ناتج من مبداء الرجل الغير مناسب

فعلا اشارة سخيفة جدا وتحس ان الصنية اللي في النص واكلة من الشارع


بس الخبر الحلو بأه...............



بالرغم انهم ازالوا الاسفلت بالونش والشارع الان غير مستوي بالمرة الا انهم هايسفلتوه وامس باليل قبل الفجر كان العمال شغالين في الاشارات اللي هيا بالعرض واللي غالبا هاتكون ديجيتال والله اعلم اتذا كان هايكون فيه كاميرا ولا لا.... بس بقالهم بتاع اسبوع او اكتر الطريق مش مسفلت

يا رب ينجزوه في اسرع وقت لانها فعلا اشارة خنيقة ومحدش بيطيقها

طيب انتوا بتعانوا من العذاب ده احيانا امال انا بقى اللى بيتى هناك اعمل مضطر اعدى منها كل يوم بس ظهرت بارقه امل انها شكلها كده هتتقلب كاميرات و حضرة الصول هيمشى عامة مبنصحش اى حد يمشى من عند كوبرى وافيه الايام ديه لأنهم بعد ما قفلوا اليوتيرن الدنيا بقت زحمة جدا جدا جدا ز لسه لما يتفتح الكوبرى اللى هما عملوا علشانوا التعديلات ديه الدنيا هتتعك اكتر بس بقى الناحيه الايجابيه اللى عادت علينا احنا كسكان الشارع من الموضوع ده ان فى كمية تعديلات بتحصل فى الشارع دلوقتى رهيبه الزرع بيتظبط العواميد بتتوضب الشارع هيتسفلت و سمعت ان الكلام ده كله علشان رئيس الوزراء هيجى علشان يفتتح الكوبرى الجديد اللى هو فى الزاويه الحمرا وبيعدى من فوق شارع بورسعيد

المشاركة الأصلية كتبت بواسطة مصراوي جدا

المحصلة النهائية :

كل طريق من الأربعة فيه صف انتظار طوبل جدا يصل الى ابعد ما يتخيل النازي المتلذذ بتعذيبنا

شكلك مقهور منه قوي باين عليك اتلدعت 20 دقيقة

المشاركة الأصلية كتبت بواسطة مصراوي جدا

وتوزيع الزحام على الجميع بالتساوي وبفترات قصيرة

طب ما الراجل ماشي بمدأ اهو ( المساواه في الظلم عدل )
عايزين ايه تاني بس يا عالم


والله اانا شايف لما تقف 20 دقيقة في اشارة عارف انها اشارة وهتخلص وتمشي بعد 20 دقيقة احسن 150 مرة ما تيجي تتحشر عندي في شارع العشرين بالساعتين وتبقي وااقف ولا انت عارف هتمشي امتي وبأنهي طريقة

على فكره الاشاره الجديده والاسفلت مش علشان خاطر عيون الشعب

كل ما هنالك ان احمد نظيف هيجى يفتح الكوبرى الجديد بتاع سكه الوايلى وهيبقى جاى من الكورنيش وهيدخل اشاره الخلفاوى ويكمل يطلع كوبرى ابو وافيه وبعدين لاول مره فى تاريخ مصر هيمشى فى قلب الزاويه ( منشيه الجمل ) ويطلع الكوبرى الجديد ويكمل على الحدائق ثم الفنجرى واخيرا الى الاوتوستراد

طبعا الاسفلت جديد والعواميد اتظبطت والشجر اتزرع والمساكن كلها اتدهنت والحياه بقت وردى

يارب بس يسيبو الاسفلت بعد ما يعدى

تيجى تموت على الكوميديا بقا , اللى ماسك عمليه التجميل دى علشان خاطر يبين قد ايه الدنيا منظمه رسم خطوط سير فى شارع بورسعيد من يمين الكوبرى الجديد علشان نظيف وهو فوق لو بص من فوق الكوبرى يلاقى شارع بورسعيد شكله حضارى ومرسمش نفس الخطوط الناحيه الشمال علشان طبعا محدش هيشوف الجنب الشمال

شوفت سرقه اكتر من كدا !!!