الموضوع: تقييــم البـروتونــاويه ... لمراكز خدمه بروتون لعــام -2009-

المشاركة الأصلية كتبت بواسطة r2tarek

صراحتنا انا جرب التوكيل 3 مرات فقط والتقيم معقول حاسس بتحسن . حقيقى انا بشتغل فى دبى ونزل مصر كل 3 شهور شهر واحد اجازه المهم انا كنت حابب اكلمك عن التوكيل هنا فى دبى ويعتبر من احسن التوكيلات

رحت التوكيل وكان فى حدود الساعه 4 عصرا
انا :دخلت التوكيل كنت عايز اشترى العربيه .... وتمنها كام وممكن ادفع بالتقسيط
المهم الراجل وافق على كل حاجه وانا كان معايا دفتر الشيكات وكل الاوراق المطلوبه

الموظف : لو تعمل الشيكات حالينا ممكن تستلم دلوقتى
انا : طبعا معايا وعملت الشيكات وكنت طبعا فرحان جدا
انا : طيب عندى سؤال بخصوص تسجيل العربيه فى المرور انا همشى من غير ارقام
المؤظف :ضحك وقالى اتفضل حضرتك رحت معاه غرفه تانى ولقيت مؤظف من المرور مقيم فى التوكيل
انا : والله عشر دقائق لقيت رخصه العربيه فى يدى ومسجله بأسمى وسألت عن ارقام العربيه
المؤظف : اتفضل حضرتك العربيه امام باب التوكيل والأرقام ركبت خلاص وتقدر تتفضل

الموضوع كله لم يستغرق 30 دقيق ومشيت بالعربيه وخرجه وبعد خمس دقائق لقيت الموبيل بيرن المهم رديت قالوا معاك خدمه العملاء من التوكيل وسالوا فى اى شكوه بخصوص تسليم او تسجيل العربيه او اى عيب صنع وقلت والله انا عمرى ما شفت كده ماشاء الله

موعد صيانه 1000 كيلو رحت على التوكيل وسلمت العربيه صباحا وسألوا حضرتك هتستنى ولا تمشى قلت لا همشى ولما تخلص كلمونى قالوا حضرتك ده سائق مع حضرتك هيوصلك الى اى مكان مجانا
المهم مشيت ولما تم الصيانه اتصلو عليا ورحت استلمت العربيه وبعد شويه لقيت خدمه ما بعد البيع بيتصلوا على الموبيل وبيسالوا عن اى مشاكل فى صيانه ألف وبصراحه لما اجد شى

وعلى فكره تقريبا متوسط اسعار الصيانه هى نفس الأسعار فى مصر رغم ارتفاع اسعار العماله والاجور هنا فى دبى .

انا كتبت تجربى واتمنى ان اجد توكيل عز العرب قريبا احسن من اى توكيل فى اى بلد

وعارف انى طولت عليكم
وشكرا لمروركم على الموضوع

والله العظيم انا فكرتك بتتريق

يارب نلاقي نفسنا كده
ياااااااااااااارب اديني العمر واشوف مصر كده وخصوصا توكيل عربيتي الحاليه عز العرب

انا نفسي اعرف ليه مانبقاش كده

تحياتي ليك اخي الكريم

انا قيمت التوكيل بجيد " ( حاسس بتحسن فى مستوى الخدمه ) .

التقيم ده من الصيانه المجانيه الى عملها التوكيل الصيف الى فات ... لانى حاليا مش بعمل صيانات فى التوكيل .
و التقيم مقارنه ب بدايات التوكيل عام 2004 .. 2005 .

والله انا تعاملت مع التوكيل خلال سنة 2009 كلها
في بدايتها واخرها كل الموضوع هو يتلخص في نقاط واللي هي

1- عدم وجود رقم مركزي للحجز واللي بيه ممكن اتصل الاقي موبايل مقفول او مشغول وحصلت معايا مرتين
2- كتير بتمنى اشوف عربيتي وهي بتتصلح واتابعها بعيني احسن ماكل شويه اقف قدام باب الورشه واشوف ايه اللي تم فيها
3-احيانا ببقى عاوز اشرح للي هيشتغل في العربيه فعلا العيب اللي بحسه ومش هينفع اني انقله من شخص لاخر لانه مع كتر استلام السياره مش هيفتكر انا وصفتله العطل باي طريقه
4-لاحظت كتير عدم وجود قطع الغيار واللي ااحيانا بتكون حاجات اساسيه وماينفعش ماتتغيرش زي مساعد مثلا او مفتاح زجاج لاني عمري ماهسيب العربيه مفتوحه والازاز مش راضي يقفل لحد مايجي مفتاح الازاز من ماليزيا اللي التوكيل بيقوللي احجزه
5-احيانا بعد مااحجز الصيانه واشرح فيها العيوب للي بيكلمني وانا مثلا رايح التوكيل يظهر عيب معايا اقوللهم عليه يقوللي لأ ماينفعش ومافيش وقت واحجز يوم تاني
طب ازاي !!!
6- الاهتمام بوقت العميل وده احيانا بيبقى معدوم عند التوكيل اللي ممكن انا اروح الصبح 9 صباحا واستلم 5 مساءا وكمان احيانا يظهر عيب تاني وتضطر تيجي يوم تاني من اوله ودي بردو حصلت معايا شخصيا 3 مرات ومعايا الجوبات بتواريخها
7-قطع الغيار غاليه جدااا لان اللي بعمله في التوكيل وليكن مثلا صيانة 60000 كم والله ممكن اعمله بره اقل 1000 جنيه فعلا وبنفس الكفاءه
8- موضوع زي موضوع التيل ليه مايكونش في تيل اصلي وازاي توكيل مافهوش قطعة غيار اصليه
9- كتير شفت تهريج وهزار بين الفنيين والمهندسين داخل الورشه وتنابذ بالالقاب والله حصلت كتير وده كان بيخليني اقول في نفسي مافيش اي اهتمام
10-احيانا بروح بالعربيه بعطل بيظهر عيب تاني بعد معالجة المشكله الاولى وحصلت معايا شخصيا بردو ومعايا الجوبات اللي تدل على ده
باختصار للنقطه دي ( عدم كفاءة الفنيين داخل الورشه وعدم وجود ضمير لدى البعض وليس كلهم واللامبالاه واقسم على ذلك )
11-لازم يكون في عقاب رادع جدا للاهمال او السرقه من قبل اي احد من الفنيين داخل الورشه
12- ليه مايكونش في خدمة طواريء لاعطال الطريق ؟
13-عدم الاهتمام بالسيارات اللتي خارج موديل السنه الحاليه في العروض واللي منها موقف قريب لسيارات 2008 الفلتر العادي
لما لقيتوا 2009 فلترها مش كويس عملتوا تعديل واللي اصلا 2008 فلترها تعبان على سرعات بطيئه لدرجة انه مع التكييف بيبقى ممل ولا سأل التوكيل في ملاكها لانهم اغلبهم بره الضمان
13- المصداقيه فيييين ؟ انتوا كنتوا قلتوا في البروشور بتاع 2008 ومعانا منه نسخ ان ضمان العربيه 60000 كم ولكن الفتيس والموتور 100000 كم ولكن الكلام ده اتغير ! فين المصداقيه
14-مثلا صيانة كاسيت السياره ليه مش بتبقى في الوقت نفسه او مثلا كاسيت بديل لحد اللي فيها مايجي ويتصلح وكمان موضوع اني استلمه من ادريان في احمد عرابي واحاسب واجيب الفاتوره
اعتقد انه مش متجانس مع بعضه الموضوع ككل
15 ليه فيه عربيات 2008 فيها كاسيت mp3 وعربيات بردو 2008 اوديو
ازاي كده يبقى في بي دي اي قبل البيع
اخيرا والله انا مش متحامل وربنا يعلم انا بحب العربيه دي وتوكيلها والاستاذ امر قد ايه ! ولكن انا بتمنى بجد اننا نتطور ونتقدم ويبقى كل واحد مننا يضع نفسه مكان صاحب السياره اللي هو العميل ويعمل معاه اللي هو هيعمله مع نفسه حتى من باب التدين وقدوة برسولنا الكريم صلى الله عليه وسلم

تقبلوا مني فائق الاحترام واسف للاطاله

احمد عبد الرحمن
جن2 اوتوماتيك هاي لاين 2008
70000 كم
تاريخ الشراء 20/8/2008

تحياتي

تقيمى للتوكيل حتى الان مقبول لانى عملت مرتين بس صيانه
اول مره كانت الخدمه ممتازه والصيانه لم تستغرق اكتر من ساعه ونص
تانى مره وكانت صيانه الخمسه اعدت فى التوكيل من الساعه10.30 حتى الساعه5 وكان المهندس بيعاملنى وحش جدا لما باقوم اطمن على العربيه فكان يوم صعب اتمن انه مايتقررش تانى وخصوصا انى رايح قريب فى صيانه 10 الاف كيلو ربنا يسطر

أنا بالنسبة لي مش اكتر من مقبول , المعامله مش دائما كويسه من كل الناس و مش مهتمين اوي بالكلام و الشكوي اللى بنروح بيها و غالبا ما بنمشى بنفس العيب عشان بنبقى زهقنا من الانتظار و كلمة العيب اتصلح و بيرجع بمجرد ما نمشى

اتمني تكون الخدمة في مصر زي دبي ولكن اعتقد انه مستحيل

بصراحة المعاملة كويسة جدا انا روحت مرتين و خلصت صيانة ال1000 و ال 5000 ل gen2 في ساعتين فقط لانى كنت واخد معاد مسبق