مواصفات النيو اكسنت + صور

**eng / AhmeD** · 04-12-2007 03:29 PM

السرعة القصوي ارقامها مظبوطة...............

**الريس** · 04-12-2007 03:59 PM

الف شكر يا فندم

**zezo13178** · 06-12-2007 04:48 AM

تقريبا مافيهاش مرايات كهرباء بس عربيه روعه بجد

**eng / AhmeD** · 06-12-2007 04:56 PM

أنا انهارده قعدت في العربية لان اخو واحد صاحبي جابها
هي عربية صوتها واطي اوي و نعمة في المشي بس الكنبة اللي ورا مكنتش مستريح فيها و رجلي كانت لزقة جامد في الكرسي الأمامي
علي فكرة انا طولي 183 سم

**AHMEDCAR** · 27-08-2008 01:41 PM

مشاء الله جميله

**Bubbles** · 27-08-2008 10:09 PM

العربيه باسم االه ماشاء الله تحفه بالنسبه للفئه دي ناعمه قوي و جرايه
بالنسبه للمواصفات كالأتي
4 قزاز كهرباء
تحكم يدوي للمرايات من الداخل و لا توجد مرايات كهرباء للأسف
فتح التانك و الشنطه من الداخل
لا يوجد بها و سائد هوائيه No Air bags
جهاز انذار خاص بالريموت بيتركبو هنا في مصر
mp3 ايضا بيتركب في مصر
شنطتها و اسعه
سنتر لوك
اماكن تخزين متعدده
مسند يد مرفق بالكرسي للسائق فقط
ايه تاني,,,,,
الصالون بيجي لونين بيج للكراسي و التابلوه نصه بني غامق و نص بيج
الون التاني رمادي للكراسي و التابلوه اسود و رمادي فاتح ده موجود في العربيه السيلفر silver and gray فيراني فقط اما بقيت الوان ف الصالون بيجي بيج
عداد رحلات
علبة التابلوه بتنور عند الفتح gloves box
نور الصالون led بيطفي تدريجيا زي الجولف
الموتور بيطلع 112 حصان عند 4500 دوره
مكان علوي لحفظ النظارات
كل باب فيه مكان لوضع زجاجه مياه
الحلو مايكملش مفاتيح النوافذ الكهربا مش بتنور مع نور التابلوه عدا مفتاح واحد للسائق عايزه تعود
تكييفها زي الفل
العزل ممتاز بدون مبالغه
لو في حاجه نسيتها فكروني بقى
جاهز للأستفسارات

**Hassan Khalil** · 27-08-2008 10:41 PM

شكرا علي التقييم :)

المشاركة الأصلية كتبت بواسطة eng / AhmeD

اما عن وسائل السلامه فإن اكسنت الجديده تم دعمها بوسائد هوائيه اماميه وجانبيه وهناك نظام جديد وهو الوسائد الرأسيه التى توجد فى السقف
وهناك احزمة الامان ومساند الرأس التى يمكن التحكم فيها بسهوله فائقه

لا توجد اي وسائد هوائية في النسخة اللي بتنزل مصر من العربية ..
و لوحة العدادات دي خاصة بالنسخة اللي بتحتوي علي الوسائد الهوائية و الاي بي اس ..بالاضافة الي ان اللوحة دي فيها كمبيوتر رحلات ..و ده برضه مش موجود في النسخة الموقرة بتاعتنا
لوحة العدادات بتاعتنا مفيهاش امبير حرارة ..
و مقياس البنزين فيها في المنتصف بين العدادين الكبار .,
تحياتي