-
سؤال محير جدا جدا جدا
السلام عليكم ورحمة الله وبركاته
ده اول مشاركة لي في المنتدى
وحطيت سؤالي لأني بالفعل لقيت في المنتدى ده اجابات على حاجات كتير ما كنتش اعرفها
والسؤال هو
هل اسعار العربيات بالفعل هتنزل الأيام الجاية وعشان كدة أأجل شرائي
وللا اتوكل على الله واشتري دلوقتي
لأني عرفت ان العربية النيسان صني 2010 سعرها نزل خمسة آلاف
الأتوماتيك 89000 جنيه
المانيوال 84000 جنيه
والمعرض قالي ان ده عرض لحد آخر شهر ديسمبر 2009 فقط
فهل اشتري دلوقتي وللا الاسعار بشكل عام هتنزل الأيام الجاية خصوصا في معرض الأهرام والاخبار للسيارات .
افيدونا افادكم الله وجزاكم الله خير الجزاء
-
لو حاتشترى نيسان صنى إشترى دلوقتى لإن العرض لفترة محدودة كما أنها لن تنخفض عن هذه القيمة فيما بعد أما إذا كنت ناوى تشترى حاجة تانية فالأفضل أن تنتظر
-
لازم تشوف العربية وتفهم التخفيض لية حاول تسال الاول وبعد كدة تشترى او ممكن تستنى وانت ونصيبك ليرجع بالسعر نفسة لا يقل اكتر بس عما اللى ملاحظة وجود تخفيض فى موديلات كتيرة
-
لو عايز تشتري نيسان صنى اشتريها دلوقتى احسن عشان العرض مستمر لحد اخر السنه وده عادى عشان اخر السنه بيبقى فى عملية جرد وتصفية حسابات الشركات فا بتبقى الاسعار نازله شويه عشان فى كمية انتاج كبيرة وفى اعتقادى ان من اول السنه الجديدة الاسعار هترجع لطبيعتها.
وبالنسبة لإنخفاض الاسعار عموماً انا سمعت انه عالسيارات الاوروبية فقط بنسبة 10% كل سنه مدة 10 سنوات.
-
انا متشكر جدا جدا جدا لردودكم يا اخواني
وانا بالفعل أخذت قرار شراء الصني 2010 مانيوال
لكن الحاجة الوحيدة اللي مقلقاني هي
انها تقفيل مصري
غير كدة العربية انا شايفها روعة بكل المقاييس
فهل انها تقفيل مصري ده عيب جسيم أو عيب بسيط
وشكرا مرة تانية لردودكم الكريمة
-
-
مسألة التقفيل المصرى
انت وحظك بقا
لكن فالعموم التقفيل جيد بنسبة 85%
انا برضه ايام ما كنت بشترى قالوا التقفيل المصرى وحش وكده
بس نشكر الله حظى كان حلو ومفيش عيوب تقفيل فالعربية تقريباً غير ان الكراسى الامامية بتزييق ونشكر الله اتحلت المشكله وكل الامور تمام دلوقتى.
-
بفضل الله انا حجزت العربية النهاردة بعدما استخرت الله عز وجل وقراءة كل ما يتعلق بها في المنتدى
وبصراحة اللون الاسود فيها رائع
وان شاء الله هاستلمها الاسبوع ده
ومتشكر جدا لكل من ساهم بمشاركته الكريمة
وربنا يسترها مع الجميع وهو سايق .............آمين
-
-
الف مبروووووووووووووووووووووو وك يا باشا وعقبال اللي اكبر من كده ان شاء الله وعقبالي بقي لما ارسي علي حل واشتري العربيه اللي ربنا يهديني ليها يارررررررررررررررررب قولو امين
Content Relevant URLs by
vBSEO 3.6.0 PL2