ايه رايكم السيفك ولا الفيات البرافو
عرض للطباعة
ايه رايكم السيفك ولا الفيات البرافو
السيفيك طبعا
لان السيفيك رائعة
والبرافو حلوة برده
وممكن تبص على كورولا ادفانسيد
السفيك يابانى و العربيات اليابانى محترمة جداً
العربيتين ما شاء الله بس اقولك , ارجع.. تكيف اليابانى الصيف داخل كمان شهرين تلاتة و هتندم ههههه
سيفييك:O_stupid[1]:
سيفيك يا جماعة انتوا بتقولوا اليابانى احسن من الأيطالى انا على ما أظن ان البرافو أحسن كفاية انها مفيش ناس كتير معهم العربية دى واعلى من السيفيك وموتور أقوى ومحدش يقول السيفيك 140 حصان ويتاع البرافو 120 صافى مش كلام دعايا وطبعا فرق التقفيل من ايطالى ليابانى مع انى بردو بفضل اليابانى بس البرافو جبارة بس مشكلتها انها الكنبة ضيقة شوية
الحاجة الوحيدة المشتركة هي ان السيارتين في فئة سعرية واحدة تقريبا (السيفيك LXi)
بس في إختلاف شاسع بين السيارتين في كل شئ أخر
متهيألي أن السيفيك بيغلب عليها الطابع العائلي بعكس البرافوا بيغلب عليها الطابع الشبابي
وعلشان كده السيفيك اوسع داخليا و منطقة التخزين أكبر
بالنسبة للتوكيل اقدر اقولك ان الهوندا توكيلها جيد الى حد بعيد بس مقدرش افيدك عن الفيات
نفس الشئ بالنسبة لقطع الغيار لابد انك تأخذ فكرة عن الأسعار
و الشئ الهام أيضا سعر إعادة البيع اللي بأعتقد ممكن يكون في صالح السيفيك نظرا لإنتشارها
أنصحك بدراسة إحتياجاتك من سيارة المستقبل حاليا و مستقبليا جيدا قبل اتخاذ قرار الشراء و ربنا يوفقك لما فيه الخير
من وجهة نظري... السيفيك أفضل و تفرق جاااااامد عن البرافو كمان...
ثبات: السيفيك أفضل
قوه: السيفيك أقوى (موتور 125 حصان بكامه واحده بس جباااار و 90% من ملاكها جابوا بيها 210 - 220كم\س)
حجم: السيفيك أكبر
شكل: السيفيك متميزه جداا من جوه, و من بره على حسب (دي سيدان , و دي هاتشباك)
ممكن البرافو تتفوق على السيفيك lxi في بعض التجهيزات و عوامل الأمان, بس السيفيك vti... تشتريها و انت مغمض...
طبعا البرافو عربيه محترمه و قويه, بس مع السيفيك, اعتقد ان السيفيك هتكسب في رأي
ربنا يوفقك للخير..
البرافو بس هتخسر لما تيجي تبيعها و لازم تتابع صيانتها في التوكيل
اما السيفيك منتشره و مفيش تميز لملاكها بس عربيه تتباع هوا
فشوف اولويات حضرتك ايه و بعدين قرر
اعتقد ان البرافو افضل خاصة انك هتاخذ عربية سعرها 143000 فيها موتور 120 hp عزم 206 نيومتن تسارع من 0-100 فى 9.2 ثانية شيفتات فى الدركسيون -فتيس 6 سرعات- زجاج فيمية خلفى -فرش قطيفة - بلو اند مى - مالتى فنكشن - جنط 16- فوج لايت-مثبت سرعة-تابلوه اكثر من رائع - ضمان 3 سنوات بدون حد اقصى للكيلو متر
فى المقابل سعر اعادة بيع ليس مرضى
السيفيك فى اعضاء كتير كانوا بيشتكوا من تيل الفرامل و البطحات وممكت تدخل فى قسم الهوندا وهتلاقى ناس كتير بتشتكى من الحاجتين دول