سؤال فني في طقم دبرياج بيتلز 1968 ؟؟

السلام عليكم

أنا "سمير" مهندس ميكانيكا محركات ديزل ..

أنا اشتريت عربية بيتلز ألماني موديل 68 من حوالي 3 شهور واحتجت اني أغير الاسطوانة والبلية المهم لما فكيت الموتور لقيت الديسك ليه رجلاش محتاج أعرف اظبط الرجلاش بتاع الديسك على كام مللي وقرأت الكتالوج بتعها مش كاتب أي حاجة عن مقاس الديسك كل اللي كاتبه انك تغير الديسك ده بالحديث اللي هو بتاع الموتور 1600 الميكروباص أو بتاع بيتلز موديل 73 والديسك القديم حالة كويسه وأنا مش عايز أغيره فياريت لو في حد ميكانيكي او فني بيتلز يقولي أظبطه على كام ...

ولكم جزيل الشكر ...

اللى يفيدك صح فى الموضوع ده
واحد بتاع قطع غيار بيتل يوريك ديسك جديد
وتشوف الرجلاش على كام بنفسك
للاسف مافيش هنا فنى بيتل متخصص فى المنتدى

أنا سألت م.محمد مرسي مكانه في شارع 9 المعادي وده متخصص فولكس حديث وأوكتافيا
بس أول ما شاف العربية قالي :
"بطلت أشتغل فيها انسى :dontudear: :dontudear::dontudear: انسي ماتحاولش ..."
قولته أنا مش عايزك تشتغل فيها أنا عايز أعرف الرجلاش بتاع الديسك على كام قالي اضبطه على 35 مللم وفعلا ظبطه وركبت الموتور والرعشة راحت
والعربية بقيت تماااااااااااااام ...
:10D5C8~1107: :10D5C8~1107: :10D5C8~1107:


وشكرااا جداااا للمنتدى الرائع ده ...

انا روحتله مره قبل كده وفعلا هو بطل الشغل فى البيتل
وبيشتغل فى الحديث بس وانا كنت سمعت عنه انه
خبره فى الفولكس وكويس انك اتوصلت منه بالمعلومه دى
وعلى العموم طالما انت قريب من المعادى
لو احتاجت لميكانيكى شاطر روح لعاطف عبده فرج
اللى فى الزهراء امام جراج اثر النبى