عربيتي الجديدة اتخبطت خابطة جامدة ومش عارف اعمل ايه (( طالب النصيحة ))
السلام عليكم ورحمة الله وبركاته
عربيتي الجديدة النيو اكسنت 2010 اتخبطت امبارح خبطة جامدة
وانا ماشي في الشارع كان في واحد بعربية كارو بحمار داخل قبلي
قالي ادخل المكان واسع وفي نفس الوقت هوا كان ماشي ومرة واحدة وقف وانا داخل
وفجأة خلفية وبوذ العربية الكارو الخشب بيكون مغطي بحديد قوي جدا دخل في الباب اليمين
العربية الباب اليمين بتاعها دخل لجوة غير ان في خدوش كبيرة وعميقة في الباب لونها فضي
مع ان العربية لونها اسود كمان الاوكرة مغطاة بطبقة سميكة اتقشر منها جزء
انا حزين جدا لان العربية لسه مكملتش 3 اسابيع ومش عارف اروح فين خصوصا اني مش
مأمن عليها وبصراحة مش عارف اعمل ايه واروح لمين
هل اروح التوكيل وانا لسه عامل حوالي 300 كيلو فقط ولا اروح لسمكري معين
وانا خبرتي مش كبيرة في العربيات ومش عارف سمكري كويس
ياتري يااخواني تنصحوني بايه بارك الله فيكم وجزاكم كل الخير