تعليق سماعات البيضاوى من داخل السيارة (شرح بالصور فيرنا)

السلام عليكو انا ياجماعة صورتلكو ازاى تركب السماعة من الداخل بس طريقة التركيب هتكون بالشرح لانى كنت مركبهم

احب اقول ان الموضوع دة للى عاوز يحسن صوت عربيتو من غير لعب فى الصاج ولا تغيير بوردة

اولا
انتا هتفتح الكنب الورا وتشيل التلات كليبسات الى هيبقو قدامك وترفعو من جنب واحد نحية السماعة الى هتغيرها بعد كدة تستخدم مفك صليبة من القصيرين قوى
عشان البوردة هتبقى فوق ايدك وانتا بتفك
فك السماعة ال16 المدورة وشيل الشاش الى بيغطى الشبكة بايدك من تحت
وركب بيضاوى من تحت وتربط بالمسمار من ناحية والكلبس من تحت وفى الناحية المقابلة هتلاقى فتحة بس اوسع من المسمار هتجيب وردة وتركب المسمار من فوق والكلبس من تحت
http://www.nilemotors.net/Nile/membe...picture677.jpg

زى مموجود هما بيركبوا بمسمارين بس
http://www.nilemotors.net/Nile/membe...picture678.jpg

ولو حد عندو افكار ازاى نسد الفتحة دى يقولنا

شكرا على الطريقة بس فين الصور

اقتباس:

---

المشاركة الأصلية كتبت بواسطة mohamed.mostafa

شكرا على الطريقة بس فين الصور

---

انا صورت النهائى بس لانى كنت مركبهم اساسا

طب ممكن صورة لشكلهم النهائي علشان أعرف الشكل هيبقى عامل أزاي
وهل جودة الصوت هي هي زي مايكونوا راكبين من فوق

هو كده الحته المطاط اللي بين رق السماعه و اطارها الخارجي مش خابطه ف الصاج؟

اقتباس:

---

المشاركة الأصلية كتبت بواسطة wildwest44

وهل جودة الصوت هي هي زي مايكونوا راكبين من فوق

---

رأيي الشخصي:جوده الصوت هتكون في الضياع بس طبعا احسن من سماعات الفابريكه.زي ما قال صاحب الموضوع الحوار ده للي عايز يحسن الصوت في عربيته بدون لعب في الصاج

اقتباس:

---

المشاركة الأصلية كتبت بواسطة m7mda7md

هو كده الحته المطاط اللي بين رق السماعه و اطارها الخارجي مش خابطه ف الصاج؟

---

لا لان السماعة بيبقى ليها اطار خارجى اعلى من المطاط

طب ماهو لو جودة الصوت في الضياع كان ركب بايونيير 350 وات مدورين أحسن

اقتباس:

---

المشاركة الأصلية كتبت بواسطة wildwest44

بايونيير 350 وات مدورين

---

هو في بايونيير 350 وات مدورين؟:O_stupid[1]:

اقتباس:

---

المشاركة الأصلية كتبت بواسطة wildwest44

طب ممكن صورة لشكلهم النهائي علشان أعرف الشكل هيبقى عامل أزاي
وهل جودة الصوت هي هي زي مايكونوا راكبين من فوق

---

ياباشا هو دة الشكل النهائى لانهم مش هيبانو من فوق اساسا
وعشان خاطرك دى صورة من فوق
http://www.nilemotors.net/Nile/membe...picture679.jpg
ودى من بعيد من تحت
http://www.nilemotors.net/Nile/membe...picture680.jpg

وبالنسبة لجودة الصوت فزى منتو شايفين ان السماعات صينى rms 2w
فيستحيل انى اقيم جودة الصوت على دة الاساس بس اعتقد انو لو سماعات جامدة الصوت هيبقى جامد
وعموما هو الصوت مع السماعات دى احلى من الفابريكة بكتير وهيبقى احلى واحلى لو مع سماعات جامدة

على فكرة مفيش أي صور ظاهرة عندي خالص غير صورة لعربية فيرنا فضي ألي في التوقيع بتاع حضرتك

اقتباس:

---

المشاركة الأصلية كتبت بواسطة wildwest44

طب ماهو لو جودة الصوت في الضياع كان ركب بايونيير 350 وات مدورين أحسن

---

ياريت يكون فية اساسا كان الصوت هيبقى فاجر
انا اعلى حاجة شفتها كانت كينوود 280 وات على الموقع واعتقد ان مفيش فى مصر منها
وكمان الصوت كويس مش فى الضياع ولاحاجة

اقتباس:

---

المشاركة الأصلية كتبت بواسطة wildwest44

على فكرة مفيش أي صور ظاهرة عندي خالص غير صورة لعربية فيرنا فضي ألي في التوقيع بتاع حضرتك

---

ازاى انا حاططهم وشغالين

الصور ظاهره و تمام
لو فاتح انترنت اكسبلورر جرب الفاير فوكس

ممكن يكون العيب عندي.ياريت حد من الأعضاء يدخل على الموضوع و يفيدنا.بس أنا جربت على الأتنين.
وعندي سؤال تاني لحضرتك هو ممكن أشيل السماعات ألي ورا وأركبها في البيبان ألي قدام ولا لازم أغير سماعان العربية كلها؟

اقتباس:

---

المشاركة الأصلية كتبت بواسطة wildwest44

ممكن يكون العيب عندي.ياريت حد من الأعضاء يدخل على الموضوع و يفيدنا.
وعندي سؤال تاني لحضرتك هو ممكن أشيل السماعات ألي ورا وأركبها في البيبان ألي قدام ولا لازم أغير سماعان العربية كلها؟

---

هو ممكن تركب سماعات فى نفس مقاس الى ورا وكمان السماعات الى ورا ممكن تركب قدام بس هتتثبت بمسمار واحد فقط
بس نصيحتى غيرهم كلهم لان صوتها زبالة انا ركبتها قدام عندى صوتها عالى اوى من غير بيز

والسماعات الى بنفس مقاسها بتتباع بتركب عادى جدا 16 سم

ألف شكر ياباشا.
أنا عارف أني تعبتك معايا.

اقتباس:

---

المشاركة الأصلية كتبت بواسطة wildwest44

ألف شكر ياباشا.
أنا عارف أني تعبتك معايا.

---

على اية ياباشا انا عامل الموضوع عشان اخدم الاعضاء
وياريت الادارة تثبتهولنا عشان الكل يستفيد

الموضوع بصراحة مفيد جدا جدا جدا
بس فعلا ما فيش اى صور خالص , لانى بصراحة ناوى اركب سماعتين

http://www.nilemotors.net/Nile/membe...picture679.jpg
http://www.nilemotors.net/Nile/membe...picture677.jpg
http://www.nilemotors.net/Nile/membe...picture678.jpg

يارب يكونو شغالين

http://www.nilemotors.net/Nile/membe...picture680.jpg

شكرا ........

بالنسبة للي بيقول ان السماعات البيضاوي بتركب في اللوحة الخلفية من غير أي تعديل، أنا مش مقتنع تماما ، و يا ريت لو تجيب صورة للسماعات و هي راكبة لو كنت ركبتها فعلا، عشان البيضاوي أكبر من الفتحة اللى عندك يعني السماعة مش هتنزل كويس في الفتحة، ده غير ان المسامير مش بسهولة كده هتخرم الصاج !!
اللى أعرفه ان اللى مبيحبش يقطع في الصاج بيعمل لوحة عريضة خشب بدل الفبريكة، أو يقطع في الصاج، غير كده مصدقش.

اقتباس:

---

المشاركة الأصلية كتبت بواسطة mohamedmohsen2000

بالنسبة للي بيقول ان السماعات البيضاوي بتركب في اللوحة الخلفية من غير أي تعديل، أنا مش مقتنع تماما ، و يا ريت لو تجيب صورة للسماعات و هي راكبة لو كنت ركبتها فعلا، عشان البيضاوي أكبر من الفتحة اللى عندك يعني السماعة مش هتنزل كويس في الفتحة، ده غير ان المسامير مش بسهولة كده هتخرم الصاج !!
اللى أعرفه ان اللى مبيحبش يقطع في الصاج بيعمل لوحة عريضة خشب بدل الفبريكة، أو يقطع في الصاج، غير كده مصدقش.

---

سعادة الباشا اعتقد انك لو قريت الموضوع كامل هتلاقى الصور موجودة وكمان مفيش مسامير هتخرم فى الصاج ولا حاجة السماعات هتثبت بمسمارين فقط زى ماهو موجود فى الصور
دة غير ان السماعة مش هتنزل فى الفتحة زى محضرتك بتقول دى هتركب تحت الفتحة

كنت أتمنى ألاقي الصور، بس أنا مش لاقي غير صورة عربية بس، مفيش غيرها.
و أنا مش بهاجمك على فكرة :biggrin:
لو ممكن تراجع على الموضوع بتاعك يمكن الصورة مش موجودة فعلا أو يمكن أنا عندي مشكلة مع الموقع.

فعلا ما فيش اى صور خالص

http://www.nilemotors.net/Nile/membe...picture685.jpg
http://www.nilemotors.net/Nile/membe...picture686.jpg
http://www.nilemotors.net/Nile/membe...picture687.jpg
http://www.nilemotors.net/Nile/membe...picture688.jpg

انا رفعتهم تانى والنبى ياجماعة قولولى ظاهرين ولا لا عشان انا زعلان بجد انهم مش ظاهرين

أيوة بقى يا وديععععععععع .كدة تمام ياباشا هما كدة ظهروا عندي فعلا . وشكرا على مجهودك.

اقتباس:

---

المشاركة الأصلية كتبت بواسطة wildwest44

أيوة بقى يا وديععععععععع .كدة تمام ياباشا هما كدة ظهروا عندي فعلا . وشكرا على مجهودك.

---

http://www.nilemotors.net/Nile/membe...picture687.jpg

الحمد لله ريحتنى

اقتباس:

---

المشاركة الأصلية كتبت بواسطة mohamedmohsen2000

و أنا مش بهاجمك على فكرة :biggrin:
.

---

حصل خير ياباشا انا فعلا مركبهم عندى فى العربية ورفعت الصور تانى يارب يكونوا اشتغلوا

أنا شفت الصور أخيرا و أحب أأكدلك ان الصوت هيكون سيئ جدا حتى لو مركب أنضف سماعات في السوق الأوروبي مش مصر بس، لمجرد انك سايب السماعات متعلقة على الصاج بمسمارين بس، يعني في مجال للاهتزاز واسع جدا، ده غير انك مش هتسمع بيز كويس عشان السماعة فيه جنبيها فراغ ، مفيش تجميع للصوت. طبعا انت مش مقتنع بكلامي، روح لأي محل اكسسوار كبير و لا وافقك أبقى أنا مبفهمش. روح للسجان أو أدريان أو أمبير حتى. معرفش في اسكندرية ايه المشهور هناك.

هى المشكلة مش فى الاهتزاز لانى حاطط لزق دبل على وش السماعات وهى ثابتة كويس المشكلة ممكن تكون فى الفراغ الى انتا بتقول علية

بيخلى الصوت واطى شوية والبيز مش قوى بس انا عارف ان الموضوع دة مش هاينفع الا مع هيد يونت بس الصوت هيطلع كويس جدا

اما لو فى امبلفاير وشغل جامد اية الى هيمنع واحد شال فى فرش العربية ومد سلوك للامب انو يقص فى الصاج فهتبقى مفيش مشكلة بالنسبالة انو يقص الصاج

وانا عارف انو مش هيبقى احسن صوت يعنى بس على الاقل هيبقى احسن بكتير من سماعات الفبريكة وزى مقولت فى اول الموضوع انو للى عاوز يحسن صوت العربيية
وياريت لو تعرف طريقة اسد بيها الفراغ الى موجود تقولى ازاى

على فكرة انا ان شاء الله لما اشترى عدة امب وسماعات نضيفة اكيد هقص الصاج

gamdah teslm ya ghaly

العفو ياسليم انتا واحمد سعد

موضع جميل بجد وشكرأ ... :)


بس انا كنت عايز شرح مبسط لطريقة فك بوردة الفيرنا بعد اذنكم طبعأ
انا عندى سمعتين ووصلتهم وشغلين بس محطوطين فى شنطة العربية عشان معرفتش افك البوردة بس الصوت مكـتـوم ياريت شرح مبسط عشان ميبقاش في خساير :d

اقتباس:

---

المشاركة الأصلية كتبت بواسطة m.mohsen_saleh

أنا شفت الصور أخيرا و أحب أأكدلك ان الصوت هيكون سيئ جدا حتى لو مركب أنضف سماعات في السوق الأوروبي مش مصر بس، لمجرد انك سايب السماعات متعلقة على الصاج بمسمارين بس، يعني في مجال للاهتزاز واسع جدا، ده غير انك مش هتسمع بيز كويس عشان السماعة فيه جنبيها فراغ ، مفيش تجميع للصوت. طبعا انت مش مقتنع بكلامي، روح لأي محل اكسسوار كبير و لا وافقك أبقى أنا مبفهمش. روح للسجان أو أدريان أو أمبير حتى. معرفش في اسكندرية ايه المشهور هناك.

---

انا كمان مسقط السماعات عندى من تحت والصوت الحمد لله تماما جدا والبيز حلاوة...
احب أأكدلك انك محتاج تسمع الصوت بودنك عشان تقيمه مش مجرد تحلل الوضع وخلاص..

اقتباس:

---

المشاركة الأصلية كتبت بواسطة hossam magdy

موضع جميل بجد وشكرأ ... :)


بس انا كنت عايز شرح مبسط لطريقة فك بوردة الفيرنا بعد اذنكم طبعأ
انا عندى سمعتين ووصلتهم وشغلين بس محطوطين فى شنطة العربية عشان معرفتش افك البوردة بس الصوت مكـتـوم ياريت شرح مبسط عشان ميبقاش في خساير :d

---

الفك مش هيبقى كلى ياباشا انتا سماعاتك اية بيضاوى ولا مدورة 16 سم؟

انا راى ان الموضوع مش مستاهل خالص كل ده
لو هيد يونيت محترم مع طقم كومبونانت سواء جى بى ال او كينوود او سونى 16 سم و مش هتفكر فى البيضاوى تانى

اقتباس:

---

المشاركة الأصلية كتبت بواسطة haysam2000

انا راى ان الموضوع مش مستاهل خالص كل ده
لو هيد يونيت محترم مع طقم كومبونانت سواء جى بى ال او كينوود او سونى 16 سم و مش هتفكر فى البيضاوى تانى

---

كلامك مظبوط بس الكمبوننت غالى اوى