السلام عليكم
إيه رأيكم كل واحد فينا يحكى عن تجربته مع التوكيل أو مراكز الصيانة اللى إتعامل معاها؟
علشان نقدر نعرف إيه التوكيلات و مراكز الصيانة المحترمة فى البلد و فى نفس الوقت نعرف نتعامل إزاى مع التوكيلات الغير محترمة؟
السلام عليكم
إيه رأيكم كل واحد فينا يحكى عن تجربته مع التوكيل أو مراكز الصيانة اللى إتعامل معاها؟
علشان نقدر نعرف إيه التوكيلات و مراكز الصيانة المحترمة فى البلد و فى نفس الوقت نعرف نتعامل إزاى مع التوكيلات الغير محترمة؟
حكايتى مع اوتو ماجد التى إنتهت ب كونترولر سعرة 4000 جنية
فى البداية أشيد بالمكان وإتساعة وقربة من القاهرة بالمقارنة بعز العرب ولكن قطع الغيار غير متوفرة والأيدى العاملة غير مدربة وهذا الكلام عن تجربة مريرة
لقد سألت عن تغيير زيت الفتس وأنا رشحتة لانة كان عامل أعلان الكشف على البرتون مكجان لمدة شهر وطبعا شربت القلب ورحت وياليتنى ما رحت
أنا كان عندى خنقة فى السيارة فقلت يكشفوا عليها بالمرة وأعرف العيب فين وخصوصا إن عندهم كمبيوترفبعد الكشف خرجلى الأسطى سمير وأخبرنى أن المشكلة عندى فى البوابة وطبعا أنا مش فاهم يعتى إية البوابة فتوجست خيفة وأنا عارف إنهم لسة جداد فى ال عملية فأخبرتة أن لايعمل خاجة ويقفل الجوب ولاكنة طبعا فرصة جايلة زبون يجرب فية فك البوابة وقام ينظها وهتا كانت الكارسة فبد ما ركبها خاول يدور السيارة ويدوس على الإكسراتير لاتستجيب تدور أة ولاكن لايستجيب البنزين
فطلب منى أذهب إلى الحرفين وأشترى بوابة إستيراد
وذهبت ألى الخرافيين بالمواصلات وجبتة كانت الساعة الخامسة فركب الفيشة ولكن الإشارة الخارجة من الكنترولر لم تستجيب وفى اليوم التالى لم يستطيعوا أن يفعلوا شئ وكنت على وشك أن أحمل السيارة على الوينش الى عز العرب ولكنى كان معايا رقم تليفون الكهربائى فأتاى وجاب مهاة الكنترول يونت وطلب أن يركبة بنفسة فى العربية وطبعا المهندس وافق لانة لاحيلة لة فى الأمر ففصل كهربة السيارة وركب الكنترولر
وهنا عرفت المهنس هو إلى طاير الكنترولر لانة كان عمال يفك الكنترولر ويركبة والبطارية متوصلة
أنا آسف للإطالة ولاكنى أصريت على أن أروى القصة كاملة ليأخذ الأخوة حزرهم ولايقعوا فى الفخ مثلى
وشربوا مقلب أبو بلاش كتر منة[/b]
إحذروا هذا التوكيل
----------------------
تم تعديل السطر الاول وتوحيد لونة لتسهيل قراءته
03:50AM 22057 ADMIN4
التوكيل
انا عن نفسي جبت من فرع الفطيم في الاسكندريه
الناس علي قدر من الاخلاق و الذوق بيخليني اروح بس علشان اسلم عليهم من وقت للتاني
و بيكلموني في الاعياد يعني صراحه مش موجودين في اماكن كتير في مصر
الصيانه
بتعامل مع مركز صيانه المامون
الناس فاهمه بيعملوا ايه
يمكن انا ما افهمش في الميكانيكا قوي
لكن من خلال الصيانات الاعتياديه حسيت انهم بيفهموا في الشغل و شوفت عربيات بيتعمل لها شغل كبير فعلا بنظافه و احتراف
فعلا الناس دي محترمه
ARTOC AUTO
sales persons are very polite and friendly i didn't imagine they would be like this, i worked at mercedes and the sales people werent at this degree of politness and understanding about the car and the company
the Service center ARTOC is the only one in cairo, and it is small relating to the huge number of skodas which increases every day, but i heard from an engineer their that they will open a new service center soon better than this one and much more larger.
the engineers there are very friendly too they accept ur complaints happily and do whatever u want
but their service prices are high, last time we changed oil+ filter and zabtna zawaia they took 400 L.E.
however parts are not very expensive, el kaboot costs about 800 L.E wel fanoos wara about 650
these are some info, and im ready for any questions
.
انا رحت مركز صيانة معتمد لرينو فى جسر السويس الناس يقابلوك كويس جدا
حبيت اغير كوتشة الكوبلن لانها مقطوعة وبعد يومين اكتشفت انهم لم يقوموا بتغييرها
كذالك المسحات قال لى عايز الاصلى ولا المصرى قلت لة الاصلى 50 ج بعد 3 ايام
ركبت القديم لان الاصلى اللى مدهولى بلاستك لو كان اعطنى المصرى كان انكسر وهو بيركبة
حسبى الله ونعم الوكيل
السلام عليكم
فيه مركز صيانة تانى محترم قوى إسمه الميكانيكيون العرب فى شارع جوزيف تيتو بعد السندباد
ممكن تروحه و حيخلوك تشوف السيارة و هى بتتعمل و تشوف كل حاجة تتغير فيها .
انا لو حكيت عن توكيل الامل الضائع مش هيكفيني فيهم كلام بس كفايه اقول حسبي الله ونعم الوكيل ناس قمه في التخلف وقله والذوق والجليطة وعندهم كهربائي عايز قطع ايديه اللي كل ما تمد في العربية تبوظ حاجة واللي بيصلحوا بيبوظ تاني علما باني 3 مرات اروحلهم علشان السنتر لوك بيعلق واروح استلمها الاقي العيب زي ما هو
انا دلوقتي حالا عربيتي عندهم بعمل صيانة ال10.000 وديه بيغيروا فيها زيت محرك وفلاتر زيت وهوا وبنزين وتيل امامي وطقم بوجيهات علماً بان العربية ادائها ممتاز ومش محتاجة ولا حاجة من دول بس لازم اعمل صيانة ال 10.000 عشان يصلحوا بكره التكييف وبخاخة الميه وقاعده الولاعة !!!
ربنا يستر وميخربوش فيها حاجة ادعولي بقي ترجع سليمه :cry:
السلام عليكم
تجربتى مع توكيل رينو:
بصراحة الناس هناك محترمين قوى يعنى مثلا أول ما جبتها كنت حاسس إن التيل ناشف قوى فلما قولت للتوكيل كده غيروا التيل ببلاش و برده مرة تانية كنت بصيف فى مارينا و نزلت الصبح لقيت السيارة مش شغالة كلمت التوكيل على الكول سنتر بتاعهم قالولى دى بطارية و بعتولى مهندس من توكيل إسكندرية و فعلا جالى بعد ساعة تقريبا و غيرلى البطارية ببلاااااش برضه و دا غير إن الكول سنتر كان كل شوية بيتصل بيه علشان يطمن المهندس جه و لا لأ ؟ و السيارة إيه أخبارها ؟
المكان بتاعهم اللى فى المقطم شيك قوى و المشروبات طبعا ببلاش و فيها 2 كمبيوتر ممكن تدخل بيهم على النت علشان تتسلى و إنت قاعد مستنى السيارة .
بصراحة ناس محترمين جدا و من التوكيلات القليلة اللى فى مصر المحترمة.
على فكرة فيه كمان مركز خدمة معتمد من رينو إسمه الميكانيكيون العرب عند السندباد برضه محترمين قوى و بيخلوك تقف جنب السيارة و هما بيغيروا أى حاجة فى السيارة علشان تطمن.
فعلا توكيل رينو فرع المقطم محترمين جدا سواء فى المعامله ولاصلاح بس برضو بفضل الميكانكيون العرب لنفس سبب حضرتك وهو انك بتعد مع العربيه وده لانى بستريح نفسيا لما اشوف ايه الى اتغير فى العربيه
وكمان فى سبب تانى ان عندهم قطع غيار ارخص من الفرنساوى يعنى انا مثلا الكلاكش اتحرق روحت روحتلهم قالى فى الفرنساوى ب200جنيه والايطالى ب60 جنيه ومعتمد من شركه رينو طبعا ركبت الايطالى وشغال زى الفل
وكمان بيغطى الضمان
توكيل ابو غالى وحش جدا او ما جبت العربيه الانوس وكنت جايبها مستعمله روحت ابوغالى غيرو حاجات مش محتاجه انها تتغير والحاجات الى عايزه انها تتغير معملوهاش .
ورحت بعد كده دايو موتوزه ابو رواس طلعوا احسن من ابو غالى 1000 مره
السلام عليكم
فين تجارب الأعضاء مع مراكز الصيانة أو التوكيلات ؟؟
و لا محدش بيتعامل معاهم أصلا :D
عفوا انا هاستلم التريوس ٢٠٠٧ الاسبوع القادم
ولكن كان عندى تيوتا ستارليت ورحت للتوكيل فى العباسية بعد الكوبرى لتغير الاسطوانة والديسك والبلية وهم ناس محترمة معرفين شغلهم ولكن فى مبالغة فى الاسعار شوية كتير ودفعت ٤٠٠٠ جنيه فى الديسك والبلية والاسطوانة وفلتر زيت وبنزين وهواء فى حين ان هذة العملية لن تكلفى اكثر من ١٥٠٠ عند اى مركز صيانة محترم ولكنى فضلت التوكيل الان الاسطوانة فى التيوتا لازم ترفع المتور علشان تركبها
والله عالى واعلم..
قمة الروتين:
دخول السياره للورشه ممكن ياخذ منك ساعه الى ساعه ونصف، بيحضر في الاول واحد يوزع عليك كيس بلاستيك مفروض انك تركبه بنفسك لكرسي السائق لزوم النظافه، بعد كده يحضر مهندس يدون مشكله السياره، بعد كده مسئول فحص وامن لاستلام المتعلقات و تدوين الاصابات الخارجيه في الدهانات بعد كده سائق لادخال السياره الورشه
قمة الاهمال:
جميع العامليين بالمركز لا يرتدوا القفزات اثناء العمل و هذا بجانب تعريضهم للاصابات يعرض السياره من الداخل و الخارج للشحوم و الاوساخ من ايديهم
قمه المبالغه في الاسعار:
مثال : فانوس 406 امامي بالتوكيل 1800 جنيه اشتريته من شارع دمشق بمصر الجديده ب 350 جنيه
قمه الاستهتار:
مكان استراحه الزبائن في منتهى القذاره مع تكييف سبليت تعبان و تلفزيون الوان ريموته مع موظف الاستقبال فقط، يوجد قهوجي يبيع شاى و قهوه في اكواب بلاستيك للزبائن
بص انا قرفان من ان اكمل الكلام !!!
:)
سوبارو امبريزا . وتوكيل ابو غالى
-
انا الحمد لله بروح مركز الصيانة المعتمد لسوبارو ( لانه الوحيد فى مصر اصلا:) )
المركز صغير فى الحجم يعنى يقدر ياخد 6 عربيات مثلا فى وقت واحد ومكان للغسيل واستراحة متوسطة
لكن المهم انك بتشوف كل حاجة ومفيش مانع عندهم انك تقف تتفرج جنب العربية ... ناس محترمة فعلا وعارفيين بيعملوا ايه
-
لى تجربة معهم فى فترة الضمان .. وغيروا طقم البلى كامل لانه كان خشن على الناحيتين ببلااااااااااش :) فى الضمان
-
المكان هناك نظيف و شغلهم مظبوط واهم حاجة اصلا فى توكيل سوبارو الناس المحترمة سواء فى المبيعات او الصيانة
-
وانا شايف ان قلة عدد عربيات سوبارو فى مصر مش عيب..لانى على طول بلاقى الصيانة فاضية :wink:
وكمان الاسعار معقولة جدا .. و زى اى عربية فى فئتها .. وأأقل كتير من الرينو و ستروين
توكيل الفولكس فاجن في العبور سيئ جدا خالتي عندها باراتي العربية فضلت عندهم أكتر من شهر بعد معاد التسليم صحيح المركز كبير و الإمكانيات عالية جدا و تتوافر قطع الغيار لكن استلمنا العربية مش متنظفة و فيها مشاكل كتير و كل مرة نروح نلاقي و لا حاجة تعملت و فولكس فاجن بقالها 3 سنين بتوعد بفتح فرع جديد للصيانة لكن مفيش فايدة و في كمان عنصرية أنا شفت الممثل عمرو واكد بيتعامل إزاي و أنا كمواطن عادي بتعامل إزاي صحيح في كتير ناس مؤدبة لكن الأدب من غير العمل ليس له لزمة
تأخير - عنصرية - زحمة جدا جدا جدا - المعاملة سيئة - الشغل نص نص - العربية بتتخدش عندهم كتييير جدا ( و لكن هم الحق بيعالجوا الخدوش ) بس ده لا يمنع عامل الإهمال - و أهم نقطة هي عدم التخصص يعني تلف على مهندس واحد وراء التاني
أما بالنسبة لمركز تويوتا يونايتيد المعتمد في العبور فهو محترم و فاضي و معملته كويسة و فيه تخصص بس أخر مرة إستلمت العربية كان في حرق في الفرش في 3 أماكن و ( اظن أن السبب هو السجاير ) و كمان المرة إلي قبلها كان في العربية 9 شرايط قرآن اختفوا ( لكن دي غلطتي إني نسيت أسأل ) و في مرة ضيعوا الطاسة فجابوا وحدة جديدة و غير حكاية السجاير الناس محترمة جدا ( مهندس أحمد سالم والمهندس محرم)
انا بتعامل مع مركز خدمة EIM اللي في المقطم..خدمة ممتازة..موظفين استقبال ودودين..عمالة مدربة ومحترفة,,
الاستراحة بها 2 كمبيوتر..تلفزيون شاشة ضخمة متصل بدش..كافيتريا جيدة جدا..نافذة زجاجية ضخمة تطل على الورشة مما يمكنك من متابعة سيارتك..
طبعا يضع العامل كيس بلاستيك كبير على كرسي السائق و ,عجلة القيادة .,ودواسة ورقية على ارضية السيارة قبل ان يستقلها الى الورشة..بعد الكشف على السيارة يأتي اليك احد العاملين ليخبرك بما تحتاجه السيارة وما سيتم عمله والتكلفة
ملحوظة: تم تغيير الاتي مجانا:
1-لمبة اشارة امامي شمال 5000 km
2-لمبة اضاءة اللوحة الخلفية 5000KM
3-بطارية السيارة 21000 km
ناس محترمين بيقدروا عملاءهم وعلى درجة عالية جدا من الكفاءة..مما يجعل صيانة السيارة تجربة هادئة وخاية من المشاكل
بالمناسبة عمرو واكد معاه ايه?
بالنسبة للشخصيات المعروفة اللي معاها ميجان فعمرو زكي كان معه واحدة قبل بطولة كاس الامم وبعد البطولة باعها وجاب BM..ايضا المذيعة هويدا فتحي والتي تم القبض عليها مؤخرا
اخويا عنده كورولا .. وبنروح نعملها صيانة فى العباسية .. وهو ده احسن مركز لتويوتا حاليا
مكان كبير جدا واستراحة كبيرة مكيفة بس لا بتشوف عربيتك ولا اى حاجة غير العطلة والوقت الكبير الضائع على ما تستلم العربية
وممكن تبات عندهم من الزحمة :cry: ومرة غلطوا فى ضبط الفرامل لولا ستر ربنا ورجعت عملوهالى تانى :evil:
-
اعتقد انه حان الوقت لتويوتا لفتح مركز خدمة اكبر و بنفس التكنولوجيا لان المركز ده الناس كلها بتروح له ومبقاش مستحمل الزحمة :twisted:
السلام عليكم
تجربتى مع توكيل ميتسوبيسى
أنا بروح المكان فى اللى فى جسر السويس عند سوق القنال لما كان عندى لانسر (بعتها من 4 شهور تقريبا)
هو المكنا ضيق شوية يعنى تقريبا بياخد حوالى 9 عربيات و العمال اللى هناك رايقين قوى قوى يعنى العربية لما تخش لازم تقعد على الأقل نصف ساعة عقبال ما البيه المسئول عنها يبدأ يشتغل فيها و طبعا و هو شغال لازم يقعد يرغى مع اللى جنبه شوية و يا سلام بقى لو طلع عيز مفك مش موجود عنده و إكتشف إنه لازم يجيبه من أى حد من اللى حواليه الحركة دى بقى فيه 10 دقايق على الأقل .
من الأخر الوقت عندهم مالوش لازمة نهائى و باردين جدا .
بالنسبة لإستراحة العملاء مش بطالة لكن مش حلوة قوى و البوفيه هناك أى طلب بفلوس يعنى مش مجانى .
ملحوظة :
*****
فى مرة رحت فيها عندهم قالولى العربية محتاجة خرط ديسكات و دى بتتعمل مرة واحدة وبتظبط بعد كدة و تقريبا بـ100 جم قلتلهم أعملوها لقيت بعد كده كل ما أروح فى الصيانة يقولولى نفس الكلام و أول لما أقولهم دا أنا لسه عاملها فى الصيانة الأخيرة يقولوا خلاص مش محتاجة !!!
يبقى انت اكيد في مصراقتباس:
ملحوظة :
*****
فى مرة رحت فيها عندهم قالولى العربية محتاجة خرط ديسكات و دى بتتعمل مرة واحدة وبتظبط بعد كدة و تقريبا بـ100 جم قلتلهم أعملوها لقيت بعد كده كل ما أروح فى الصيانة يقولولى نفس الكلام و أول لما أقولهم دا أنا لسه عاملها فى الصيانة الأخيرة يقولوا خلاص مش محتاجة !!!
يبقى انت اكيد في مصراقتباس:
ملحوظة :
*****
فى مرة رحت فيها عندهم قالولى العربية محتاجة خرط ديسكات و دى بتتعمل مرة واحدة وبتظبط بعد كدة و تقريبا بـ100 جم قلتلهم أعملوها لقيت بعد كده كل ما أروح فى الصيانة يقولولى نفس الكلام و أول لما أقولهم دا أنا لسه عاملها فى الصيانة الأخيرة يقولوا خلاص مش محتاجة !!!
رحت غبور بتاع قليوب في صيانة الألف...
كنت حجزت بالتليفون قبل ما اروح واخدت رقم والست المذيعة قالت لي تيجي حضرتك الساعة ١٠ ونص ورقمك ٣٧.. أنا قلت إيه الحلاوة دي.. رحت قبل ميعادي عشان اكتشف ان الحجز بالتليفون ده كان كلام فارع وأخدت دور رقم ٩٠ بعد ما انتظرت طبعاً نص ساعة لغاية اللي واقفين عالباب قبلي ما يدخلوا..
العربية ما كانش فيها حاجة الحمد لله بس غيرت زيت شل ١٠٠٠٠..
ما كانتش لسه جريت بيهاعلى سرعة أعلى من ٨٠ غير كام مرة لتجربة السحب قبل ما اروح لهم.. كان سحبها ضعيف شوية فوق الـ ٨٠ قلت للأخ اللي بيستلم.. وقاللي ماشي..
قعت في الكافيتيريا النص كم واتفرجت على نص فيلم ليلة سقوط بغداد -النص الشمال- عشان كان فيه واحد بيحب يلزق في الشاشة ناحية اليمين.. وشربت قهوة واستلمت العربية حوالي الساعة ١وشوية..
بعد ما استلمت جربت موضوع السحب وحسيت انه اتحسن شوية.. طبعاً مع مراعاة ان لسه الموتور مش واخد كامل كفائته..
وغير كده عادي مافيش حاجة مميزة ومافيش حاجة مسيئة..
فيه مركز صيانة اللي هو بعد جاجوار في شارع جوزيف تيتو بعد السندباد.. المركز اللي هو كان متخصص بيجو.. ده المفروض انه دخل صيانة هيونداي عنده جديد من حوالي شهرين..
حد جربه أو عنده معلومات عنه؟
فين ردود بقيت الأعضاء عن التوكيلات و مراكز الخدمة اللى إتعاملوا معاهم ؟؟؟
انا اتعاملت مع توكيل تويوتا العباسية وابو رواش بصراحة العباسية افضل نوعا ما
فى ابو رواش كنت رايح صيانة الخمسة الاف
قالى 380 شاملة تغيير الزيت وظبط الفرامل والعفشة مع العلم ان الفرامل عندى كان فيها مشكلة
اخدت العربية بالمشكلة زىما هيا + خبطة فى الاكصدام الامامى ما شوفتهاش غير لما رجعت القاهرة وماقالوش انها اتخبطتمنهم
بصراحة كان اسوأ يوم فى حياتى عندما اتعاملت مع توكيل تويوتا ابو رواش
وانا الان فى حيرة من امرى هل اعمل صيان العربية خارج التوكيل والا اية
وماهى الاشياء التى تخرج السيارة من الضمانة رجاء افيدونى
الحقيقه انا رحت تويوتا العباسيه 7 مرات حتى الآن (صيانه دوريه) والمعامله والخدمه كانت ممتازه,اقتباس:
المشاركة الأصلية كتبت بواسطة ayman_elkholy
اكتر انتظار كان لمده 4 ساعات,
ولا مره على الاطلاق قالوا ان فيه حاجه بره الصيانه محتاجه تغيير,
أخر مره طلبت منهم تغيير التيل (كان عند 80 الف) ورجع المهندس بعد ساعه قاللى ان التيل لسه فيه سنه كمان وحرام يتغيير الأن
الحقيقه انا ماعنديش أى ملاحظه عليهم ولو انى مش مدقق فى موضوع العربيات , بس العربيه الله يحرسها زى الفل حتى الأن
على فكره هما عملوا مركز جديد كبير وفخم على الدائرى بين التجمع الخامس والماريوت والافتتاح قريب جدآ
يعتبر من أسوأ التوكيلات فى مصر - عانيت منه الكثير حتى قمت ببيع السياره الأننى زهقت
من سوء المعامله و عدم وجود خبره نهائيا و عدم توافر قطع الغيار.
و إليكم حكايتى مع هذا التوكيل.
أولا بعد شرائى السيارة بحوالى أسبوع فوجئت بوجود بقعه زيت تحت السيارة فذهبت للتوكيل
3 مرات بدون علاج و دخاونى فى حوارات كبيره و قالوا دوره التكييف بتسرب و عملوا شحن
فريون و لم يتم علاج المشكله إلا فى محطة بنزين (الراجل عمل تخشينه لطبه الزيت !!!)
ثانيا بعد مرور 10 أشهر الفتيس بقى يعلق على النقله الثانيه و مايرضاش يتحرك غير بعد مده
طويله فذهبت للتوكيل 5 مرات بدون علاج و كل اللى يعملوه يشحموا عصا الفتيس و يستنكروا المشكله - المهم أولاد الحلال دلونى على ميكانيكى خلف حديقة بدر أخصائى فولكس - الراجل
اول ما قلت له المشكله و جرب العربيه قاللى ان غويشة المجموعة الثانيه ضاربه و بما ان العربيه فى الضمان حرام تفك الفتيس - فقاللى روح التوكيل و ما تسيبش حقك. روحت التوكيل و عملت خناقه كبيرة و اصريت على تغيير الفتيس و إلا سابلغ البوليس و هرفع قضيه غش تجارى.
فى النهايه قالوا ان الفتيس مش موجود و جاى كمان شهرين ؟؟؟ و وعدوا انهم هيغيرولى الفتيس اول ما يوصل - بصراحه انا مصدقتهمش و بعثت email لكريم النجار صاحب توكيل فولكس
فى مصر - الحقيقه الراجل اهتم و لقيتهم تانى يوم بيتصلوا و بيعتذروا و حددولى ميعاد بعد 3 اسابيع لتغيير الفتيس و فعلا غيرته.
ثالثا بعد سنتين و شهر (كان الضمان انتهى) واجهتنى اعجب مشكله و هى إن لما اقفل السياره الاقيها تفتح تانى لوحدها - المره دى أول ما روحت التوكيل و عرفوا إن العربيه خارج الضمان قالولى كالون الباب الأمامى شمال بايظ و ده بيتحكم فى كل الأبواب و الكالون ده بيبوظ كتير و مش موجود عندهم وجاى كمان شهر !!! و مافيش حل علشان تقفل السياره؟؟؟
ركنت العربيه لمده الشهر و رحتلهم بعد كده و فعلا غيروه ب 1500 جنيه !!
بعد كده بعت العربيه و قررت عدم شراء فولكس ما دام هذا التوكيل موجود :(
بالمناسبه السيارة هى فولكس بوينتر (هذه السياره ليس لها علاقه ب فولكس المانيا نهائيا فهى تصميم و تصنيع برازيلى بالكامل - انا كنت عارف كده قبل ما اجيبها و لكن قولت طالما فولكس وضعت اللوجو بتاعها عليها تبقى مضمونه و لكن اتضح العكس عن تجربه)
و على فكره المشاكل التى ذكرتها واجهت ناس كتير قابلتهم فى التوكيل بل هناك ما هو أسوا.
هذه السياره توهم مالكها انها ممتازه فى التقفيل و الثبات و لكن مشاكلها عذاب و خاصه انه ليس لها قطع غيار إلا فى التوكيل (و برده لازم تستنى شهر أو اثنين ) و قطع غيار غاليه نار و توكيل سيىء إلى أقسى حد.
يا جماعه انا ما كنتش عاوز أحكى حكايتى علشان ما يزعلش أصحاب البوينتر و لكن طالما اتفتح موضوع التوكيلات وجبت الصراحه ذكر مساوىء السيارة و التوكيل معا.
اشتريت سياره لانسر 2005 اسبورت خليجى و بالتحديد سعودى المهم عامله 84500كيلو المهم نظرا لقرائتى للمنتدى علمت باهمية تغييرزيت الفتيس و الصيانه المهن بعد طول انتظار لعدم وجود الزيت الخاص بالفتيس ذهبت الى التوكيل (المأمون) و صباح العذاب.
ذهبت يوم سبت الساعه 9:15 اكيد فيه زحمه الموظف حضر الساعه 10:15
نص الحوار مع الموظف:
الموظف: عايز ايه صيانه ال 80000
المواطن: لا زيت فتيس بس و زيت بس شل
الموظف: شل لأ موبيل اه
المواطن: خلاص ها اشترى فلتر زيت و ها اغير بره هو زيت الفتيس موبيل و كام لتر
الموظف: لا الزيت بتاعها و اللتر ب 50 جنيه و بتاخد 5 لتر
المواطن: اكشفلى على العربيه و ربط عفشه و ظبط زوايا
الموظف : يعنى ايه اكشف عليها هاعمل صيانة ال80000 من غير ما اغير حاجه
انتظرت و اذا بصاحب التوكيل جه الساعه 10:45 وقعد مع الموظف ثم نظر لى شذرا
صاحب التوكيل : انت ليه مش عايز تعمل صيانه ال80000
المواطن : انا حر وهااعملها بعدين
صاحب التوكيل: يعنى ايه الزيت الى انت واخدوا دا زيت غالى و نادر باشتغل من غيره بقالى8 شهور وانت تيجى تاخده كده وتروح تعمل الحاجات التانيه بره ولاانت عاملها بره
المواطن: حضرتك بتكلمنى بطريقه وحشه و مش كويسه انا كنت ها اغير موبيل لقيت الزيت بتاعها و الحاجات الى فيها مستعمله و ممكن تشوف و انا يمكن ما اعيش فلوس
صاحب التوكيل: بتهكم شديد مش عاجبك ها ارجع الزيت القديم و امشى دى عربيتك خليجى مفروض ما ادخلهاش هنا
المواطن: انت فى القاهره عارفين الى انت بتعمله ده و انك بتحط 5 لتر مش 9 لتر
صاحب التوكيل: طريقه القاهره بتحرق الفتيس و لو مش عاجبك احطلك موبيل
المواطن: خلاص اعملى الصيانه كامله
صاحب التوكيل: ما فيش حاجه اسمها غيرلى انا ما باشتغلش عندك
( اسف اذا لماتذكر بعض من الحوار)
المهم جلست وسط السيارات نظرا لعدم وجود اماكن للانتظار ودخلت الحمام الذى لا يسر عدو و لا حبيب
المهم سالنى عن السيور قلت لا
تم ركن السياره لمده نصف ساعه بدون حركه و لم يهتموا بها الابعد السؤال
اخذت السياره الساعه 12:30 وربع تنك البنزين نقص مع تغيير الفلتر و لم يتم تغيير البوجيهات لعدم وجودها فى التوكيل ولم يتم ربط عفشه و ظبط زوايا
وللحق تم عمل خصم على حد قولهم
هذه هى تجربتى فى المأمون المرة القادمه الصفوه(البوجيهات و السيور و التيل)
و لو طلع وحش ها ابيع اللانسر عشان التوكيلات فى الاسكندريه و زيت الفتيس بيغيروا غلط و بسعر تانى غير القاهرة
المساركه دى موجوده فى قسم اللانسر
http://www.nilemotors.net/Nile/86552-a.html
المهم الوكيل فى القاهره لم يهتم و قلب الموضوع بعد ما اتصل وخد رقم الموبايل
توكيل كيا - ابو رواش
رحت لهم اشتكى من الفرامل ان مدة التوقف بتاعتها طولت
خدوا العربية وادونى ميعاد بعد ساعتين
قالت للمهندسة انا هاروح القرية الذكية وارجع قالت تعالى بعد ساعتين ونصف
رجعت قالوا ان الفرامل كانت محتاجة رجلشة
وخدت العربية وجربت الفرامل تمام
يومين اتنين والفرامل رجعت تانى
مشيت بيها كام مرة وزى ما هيا ناعمة
اتصلت بالكول سنتر احجز الموظف يقوللى السيستم واقع
4 مرات من 6 الى 11.3 مساء
اديته بياناتى والعطل ايه
رحت تانى يوم روكسى
قابلنى مهندس
مارداش ياخدها والمفروض احجز
اكلمه ان السيستم عندهم اللى واقع يعنى مش مشكلتى برده لا
قلت له دخلنى على مدير الاستقبال
قاللى انا مدير الاستقبال
قلت له خلاص دخلنى على مدير المركز
نده لمهندس تانى كان مدير الصيانة
وقالله خلاص دخلها
فى الاخر
قاللى احنا اخدنا هوا من الفرامل
طيب ليه ابو رواش ماعملوش كدة بالمرة
معلومات مفيده فعلا شكرا خصوصا محمد عز كنت فاكر البارات يدي عربيه حلوه و توكيلها محترم
سؤال يا جماعه هوا الميكانيكيون العرب دول توكيل ايه بالظبط و ممكن اروحلهم ايا كانت عربيتي ولا انواع معينه
لو قلت غبور ابو رواش كويس أكيد محدش هيصدقني وهتقولوا بعملهم دعاية بس يمكن عربيتي صغيرة ( آتوس ) وبصراحة ماحصلشي مشاكل من ساعة ماجبتها لحد دلوقتي عامل 80,000 كم وكل الصيانات عملتها في أبو رواش ماعدا صيانة واحدة كانت في السلطان حسين
باعمل الحجز في التليفون ولو الميعاد اللي أخدته مش مناسب معايا بأخد ميعاد مناسب بس طبعا بيكون بعده
باروح في الميعاد ( عادة باختار الصبح بدري وبباكون في الخمس او عشر ارقام الأوائل)
بسلمهم العربية واقول على ملاحظاتي واطلع أفطر ( الاستراحة حلوة والتكييف تمام وماتحسش بالوقت اوي ) وبتبقى شايف العربية من فوق
* في صيانة الخمسين المهندس قال لي هنغير التيل قلتله مش بيصفر ومش حاسس انه اتاكل خالص ، قال لي هنكشف ولو محتاج تغيير هنغيره وماكانشي محتاج ومغيرهوش
*دا لينك لمشكلة حصلتلي http://www.nilemotors.net/Nile/87966-a.html
توكيل منصور
عملت صيانة 5,000 كم في مركز رابعة :
اللي بيستلم العربية فني واقف بالشبشب والسيجارة وداخل يقعد في العربية ولا اكياس ولا الكلام دا
الحمد لله ماكانشي فيها غير الطارة معووجة والباقي الصيانة بتاعة ال خمس آلاف عادي وعدلوها واصريت احط العربية واكشف عالزوايا دي أول صيانة والدريكسيون معووج والعربية بتبقى ماشية سترييت
الميزة انك شايف العربية وقاعد جنبها
بعد كدة بصراحة بقيت أروح أبو رواش منصور بصراحة انظف والاستراحة حلوة والمشاريب بالمجان ( بس واخدين تمنها بكتيييييير في الصيانة طبعا وقطع الغيار ) وبرضة بالحجز ومحصلشي مشاكل لحد دلوقتي ومهندس بيستلم ولو حاجز ورايح في ميعادك بتدخل في مجرة معينة ولو اي حاجة تانية يتدخل في مجرة تانية يعني لو حاجز ورحت في معادك مالاكشي دعوة بباقي الناس اللي رايحة قبل منك وعاملين فهلوية & وبعد مايخلص الصيانة بيغسلوا الموتور
واتعاملت معاهم في حادثة كان فيها تغيير ورش اكصدام وبصراحة الناس كانت تمام واقترحوا علي آخد العربية وبلاش اسيبها عشان مش مستاهلة تقعد يومين تلاتة عشان الكصدام ييجي ويترش وكدة وفعلا واتصلت بعد يومين قال لي تعالى ركب الاكصدام ورحت وماستغرقتش تلات ساعات جوة التوكيل
حد جرب توكيل تويوتا الى فى القاهرة الجديد؟؟
عز العرب
مفيش قطع غيار
بقعد في الصيانة من 9 الصبح لحد 4
و الوقت اصلا بتع الصيانة ميكملش نص ساعة
الحجز للصيانة سيء جدا
حتي مكان الانتظار للناس جوة صغير جدا
اكنهم كانو متوقعين ان العربية مش حتبيع اكتر من 100 عربية و خلاص
الميكانيكيون العرب بشارع جوزيف تيتو (خدمة صيانة لرينو والآن كيا أيضا)
كنت أتعامل معهم منذ سنوات زكنت راضية عن خدمتهم - الا انهم مؤخرا أصبحوا سيئين جدا - أولا سوء المعاملة والنتظار الطويل الغير مبرر- ئانيا والأدهى سوء تشخيص العطل الذى لا أعرف متعمد أو غير متعمد - كادوا يكلفوننى تغيير لوحة العدادات ب 4 الاف جنيه وصلحتها العداد عند واحد بتاع عدادات بنصيحة الميكانيكى ب 250 جنيه فقط - كلفونى تغيير تلاجة التكييف وبعدها باسبوع فضى الفريون - روحتلهم وفضلت أروحلهم كل مرة يشحنوه ويفولوا مش شايفين ايه سبب انه بيفضى و:انى أنا اللى باشرب الفريون - اتخانقت معاهم لما فى الأخر قالولى ان السربنتينة عاوزة تتغير - واتهمتهم انهم شخصوا غلط وكلفونى 2000 جنيه على الأرض - واش ضمانى ان تغيير السربنتينة هيحل المشكلة - وفعلا كشفت عليها برة فى 3 مراكز واكدولى كلهم ان السربنتينة (اللى كانوا هيغيروها بألفين جنيه فقط عشان خاطرى) سليمة والمشكلة من الكباس.
بعض فنييهم قمة فى المراوغة وسوء المعاملة ومدير الصيانة على رأسهم - تجنبوا التعامل معهم
رينو المقطم زي الفل و الكول سنتر محترم جدا ... و بيتابعوك كويس جدا ... وواضح انهم مدربين و على خبرة جيدة .... وانا هناك اقعدت احكي مع ناس تانية منتظمين في الصيانة و شكروا جدا الصيانة .... و للامانة لقيت ناس بتشتكي بس المجمل عاجبني لانك مستحيل تلاقي مكان بدون مشاكل
انا عندى تجربة مريرة ولم تنتهى حتى الآن مع مركز صيانة فى صقر قريش أسمه أوتو ألفا فمنذ حوالى شهر ونصف سلمت عربيتى البرافا هناك لميكانيكى اسمه عمرو على ( كان ليه ورشة فى فيصل ) المهم كنت اتفقت معاه على تغيير الموتور بواحد استيراد واستلم من تحت الحساب 3500 ج ووعدنى يومين والتالت واستلم الموتور المهم دخل علينا العيد وبعد العيد رحت له لقيت العربية زى ما هى وقال انا حأجيب موتور ولما اظبط العربية حأتصل بيكم ومر اسبوع والتانى واتصلنا بيه قال لنا انا ركبت الموتور وكلها يومين والعربية تكون جاهزة واخد من ابنى 300 ج وبعت له واحد فاهم لقاه فاكك الموتور وبيشتغل فيه قاله لا احنا اتفقنا على موتور مقفول استيراد وحالته تكون ممتازة ومن هنا بدأت المشاكل لأ مش حأرجع الموتور واتدخل اخوه ايمن وشريكه م شريف ووعدوا بحل المشكلة ولم تحل وزاد وغطى ان الباشا كان بياخد العربية يخرج بيها وعمل تلفيات كتيرة فى العربية كسر الكابوت والأكصدام وخبط الشنطة والرفرف اليمين وشوية حاجات متكسرة جوة وبرة وزى ما يكون بينتقم مننا وكل يوم والتانى نروح مشوار سفر من العاشر من رمضان والعربية ما خلصتش وفوجئت بأن خرطوم المياه اتقطع والشكمان بالكامل دمر والسيور تم تبديلها والبوجيهات زى ما هى وكل شوية طلبات وخناق وفى الآخر استلمنا العربية ودفعنا الحساب ورفضوا أعطائنا فواتير وقلنا نجربها يومين وعطلت مننا قرب مدينة العاشر وصلحنا اللى نقدر عليه وعرفنا عيوب العربية ولما رجعنا لهم وقلنا لهم ان الموتور بيسخن جدا وفيهيها كذا وكذا و ..فوجئنا بمعاملة سيئة جدا ورفضوا يعملوا اى حاجة ورموا الموتور بتاعنا امام المركز ولم يسلمونا ورق الموتور الجديد وقررت اتخاذ اجراءات قانونية ضدهم بعد ان فشلت كل المساعى .. فإحذروا من عمرو الميكانيكى ومركز أوتو ألفا بصقر قريش امام كوبرى المشاة
انا عندى تجربة مريرة ولم تنتهى حتى الآن مع مركز صيانة فى صقر قريش أسمه أوتو ألفا فمنذ حوالى شهر ونصف سلمت عربيتى البرافا هناك لميكانيكى اسمه عمرو على ( كان ليه ورشة فى فيصل ) المهم كنت اتفقت معاه على تغيير الموتور بواحد استيراد واستلم من تحت الحساب 3500 ج ووعدنى يومين والتالت واستلم الموتور المهم دخل علينا العيد وبعد العيد رحت له لقيت العربية زى ما هى وقال انا حأجيب موتور ولما اظبط العربية حأتصل بيكم ومر اسبوع والتانى واتصلنا بيه قال لنا انا ركبت الموتور وكلها يومين والعربية تكون جاهزة واخد من ابنى 300 ج وبعت له واحد فاهم لقاه فاكك الموتور وبيشتغل فيه قاله لا احنا اتفقنا على موتور مقفول استيراد وحالته تكون ممتازة ومن هنا بدأت المشاكل لأ مش حأرجع الموتور واتدخل اخوه ايمن وشريكه م شريف ووعدوا بحل المشكلة ولم تحل وزاد وغطى ان الباشا كان بياخد العربية يخرج بيها وعمل تلفيات كتيرة فى العربية كسر الكابوت والأكصدام وخبط الشنطة والرفرف اليمين وشوية حاجات متكسرة جوة وبرة وزى ما يكون بينتقم مننا وكل يوم والتانى نروح مشوار سفر من العاشر من رمضان والعربية ما خلصتش وفوجئت بأن خرطوم المياه اتقطع والشكمان بالكامل دمر والسيور تم تبديلها والبوجيهات زى ما هى وكل شوية طلبات وخناق وفى الآخر استلمنا العربية ودفعنا الحساب ورفضوا أعطائنا فواتير وقلنا نجربها يومين وعطلت مننا قرب مدينة العاشر وصلحنا اللى نقدر عليه وعرفنا عيوب العربية ولما رجعنا لهم وقلنا لهم ان الموتور بيسخن جدا وفيهيها كذا وكذا و ..فوجئنا بمعاملة سيئة جدا ورفضوا يعملوا اى حاجة ورموا الموتور بتاعنا امام المركز ولم يسلمونا ورق الموتور الجديد وقررت اتخاذ اجراءات قانونية ضدهم بعد ان فشلت كل المساعى .. فإحذروا من عمرو الميكانيكى ومركز أوتو ألفا بصقر قريش امام كوبرى المشاة