جزاك الله خير يا بشمهندس
عرض للطباعة
جزاك الله خير يا بشمهندس
يا باشمهندس طارق انا مش عارف ليه حضرتك ماردتش على استفسارى اللى كتبته قبل كده مع ان حضرتك جاوبت على أسئلة أضيفت بعد استفسارى وانا متعجدب جدا من ذلك وكنت أرجو نصيحتك أو رأيك لى بصراحة فى المشكلة اللى تعلاضت لها وعلشان أفكر حضرتك بالمشكلة كانت كالآتى : .......... يا باش مهندس طارق أرجوك أن تفيدونى فى مشكلتى والتى أعانى منها منذ أكثر من سنة ونصف .. أنا امتلك سيارة لانسر 2001 ضمان مصرية وعمله 100 ألف كيلو ولاحظت من سنة ونصف ان لما بعدى على مطب عين القطة أو على كسر فى الاسفلت بالاخص وانا كاسر الدريكسيون شمال أو وأنا ماشى مستقيم بسمع صوت خلف عدادات السرعة ذى حديد بيخبط فى حديد صوت .. والصوت ذى مثلا ما تقول تك تك تك تك بسرعة .. رحت توكيل مصرية أكثر من 25 مر فى الفترة دى قالوا ان الصوت فى كل اللانسر وهو بعلبة الدريكسيون بالاخص وانت كاسر شمال .. انا مش مقتنع أول خطوة عملتها كشفت على العفشة كلها وغيرت حاجات كثيرة فى التوكيل وصرفت حوالى 2500 جنيه ومفيش فايدة كشفت على التابلوه وكل ما يصدر صوت فى السيارة من الامام ومفيش فايدة غيرت قطمة الدريكسيون ( المدفع) و بردو مافيش فايدة الصوت هو هو نفس الصوت .. مهندس التوكيل خلع علبة الدريكسيون وشحمها وبالفعل الصوت تلاشى نهائيا لمدة اسبوعين وبعدين رجع تانى بنفس التون أى نفس تك تك تك حديد فى حديد بس تأكدت ان الصوت من علبة الدريكسيون لان الصوت راح لما اتشحمت العلبة.. غيرت العلبة والصوت راح لفترة قصيرة ثم رجع تانى غيرت العلبة لثالث مرة بس المرة دى كانت العلبة الاستيراد بايظة فعلا اخر ما زهقت وده طبعا على مدار السنة ونصف حتى الان رحت شارع شمبيلون وصلحولى علبتى الاساسية (غيرو المشرشر الداخلى للعلبة وبستم العلبة والالسيهات الداخلية للعلبة) علشان يحكموا أى بوش أو خبط حديد فى حديد وبالفعل تلاشى الصوت نهائيا ومر على ذلك 15 يوما حتى الان ولكنى اسمع الصوت عند نفس الظروف ولكنه مكتوك يعنى بوم بوم بوم مكتوك جدا ولا يأتى كثيرا مثل الاول ....... سؤالى لحضرتكم هل مهندس توكيل مصرية فى جسر السويس وأيضا رئيس توكيل مصرية بقليوب على حق واللانسر من 2001 حتى 2008 كلها فيها هذا الصوت بس بعض الناس لا تأخذ بالها حتى انه قال ان( لو اشتريت علبة جديدة ستصدر نفس الصوت) .. ولا اللانسر مافيهاش العيب دى ولكن عربيتى فيها حاجة ماحدش من التوكيل ولا ال10 ميكانيكية و15 عفشجى اللى انا رحتلم مش قادر يعرفه ولا فى حاجة عندى متبوظ العلبة بسرعة جدا ولا فى ايه بالظبط .. مع انى تأكدت ان العيب من العلبة .. أنا طولت على حضرتك بس ارجو أن ترد عليا علشان ان زهقت جدا جدا جدا جدا جدا جدا ونفسى أعرف مين اللى غلط .. فكم من الوقت والمصاريف ضيعتها فى هذا الموضوع علما بأن عربيتى فاربيكة بالكامل وشبه الزيرو تماما وبتجرى على سرعة 170 كيلو وثابتة نوعا ما ولا تصدر أى أصوات غير المشكلة دى بس .... أسف على الاطالة وأرجو الر .... جزاك الله كل خير
أهلا بحضرتك يا استاذ heka_m_y
الحقيقة انا باعتذر لأني مردتش المرة اللي فاتت على حضرتك بس يمكن لأن سؤال حضرتك محير جدا .. خاصة انك بتقول انك جيت التوكيل أكتر من 25 مرة وان مدير مركز خدمة قليوب كلم حضرتك في المشكلة ووضح لحضرتك ان الصوت ده عادي وموجود في كل العربيات لما بتمر بالحالة دي بالتحديد...
هو واضح ان حضرتك من العملاء اللي بيكونوا حساسين لأقل صوت في العربية وممكن يشتكوا من حاجه كل العملاء الآخرين مش بيشتكوا منها وفي الحالة اللي زي دي كل اللي بيتعمل ان بيتم تجربة عربيات تانية مع العميل للتأكد ان ده طبيعي في كل العربيات وأعتقد خلال زيارات حضرتك الكتير ده تم فيها.
ومش قادر اقول لك شرفنا في التوكيل لأنه هيكون للمرة الـ 26 ومش هيتم اي شيء جديد عن اللي اتعمل في السابق.
أرجو ان حضرتك تنسى المشكلة دي وطالما بتقول ان العربية حالتها ممتازة ما شاء الله ومبسوط منها يبقى ده موضوع بسيط جدا مش لازم تديله كل هذا الاهتمام.
انا مش عارف أشكر حضرتك إزاى يا أستاذ طارق على مجهوداتك أولا وجوابك الدبلوماسى على سؤالى ثانيا .. وعلى فكرة كل اللى قلته حقيقى وحصل بالفعل وفى حاجة نسيت أعرفها لحضرتك انى بالفعل الاسبوع اللى فات جربت عربية 2008 بومة فى التوكيل مع المهندس ولقيت فيها نفس الصوت وواحد صاحبى اشتكى من نفس الموضوع .. وبكده أنا اقتنعت فعلا برد التوكيل وبكل تجاربى لاثبات ذلك ولكن مع العلم (ولكن حضرتك أعلم منى فى ذلك طبعا) فعلا اللاسر البومة علبة الدريكسيون بتاعتها تعبانه وفيها العيب ده وهو الخلوص اللى بيحصل فى المشرشر الداخلى وعلشان كده بتعمل الصوت ده .. ولكن أنا توصلت ولله الحمد والفضل لحل جميل جدا وهو ( كل حوالى 10 الاف كيلو بذهب للميكانيكى بتاعى واللى بثق فيه جدا وبيعمل حاجه فى 10 دقائق وهى بيفك الجلدة الحلزونية اللى فى العلبة اللى بيسموها تقريبا كاوتش البيانى من غير ما يحل العفشة أو العلبة أو أى حاجة (بيعمل ده من ناحية العجلة الشمال فقط ) وبالتالى يظهر المشرشر الداخلى للعبلة وبيشحمه كويس ويفضل يجيبالدريكسيون يمين وشمال حتى يخش الشحم فى العلبة كويس ويحط الكاوتشه تانى وبفضل طول العشرة الاف كيلو تقريبا لا أسمع هذا الصوت بتاتا وعندما يرجع تانى وأسمعه أذهب اليه (تقريبا مع غيار الزيت) ويعيدا لموضوع تانى ولا يأخذ وقت فى ذلك ودى نصيحتى للى ممكن تواجهه المشكلة دى .. وعلى فكرة فكرة التشحيم دى من اختراعى ولله الحمد بعد ما عملوهالى فى التوكيل ولكن فى التوكيل بيفك العلبة والعفشة .. ملحوظة أخيرة لحضرتك يا أستاذ طارق فعلا الصوت ده بيكون عالى جدا وأى حد ياخد باله منه جدا مش أنا بس .. شاكر حضرتك جدا وأسف مرة تانية على الاطاله وبالنيابة عن كل المشتركين فى المنتدى وللى بيخوشو يتصفحوا فقط احنا فعلا بنشكر مجهوداتك الرائعة ويجزيك الله عنا كل خير
جزاك الله خيرا
شكرا لكل العاملين على المنتدى
Thanksssssssssssssssssssssssss:018:
الف الف شكر للأستاذ طارق وجميع أعضاء المنتدى الكرام
السلام عليكم جميعا يا اعضاء المنتدي الكرام
وكل عام وانتم بخير بمناسبه عيد الاضحي المبارك
انا اخوكم ايمن حسن
اخوكم عضو جديد في المنتدي وبصراحه انا معجب بتجمكم اليفيه خير لينا جميها
انا لسه شاري لانسر 1600 مانيوال 2009 وكنت عاوز لو اعرف اي نصيحه علشان انا لسه جديد في موضوع العربيات
وكنت عاوز اعرف من الباشمهندس طارق انا ممكن اعمل صيانه 1000 في الرواس شارع النيل المهندسين ولا لازم تروح مصريه التوكيل
انا قرات ان المهندس طارق قال ان ممكن اركب انظار ومش حيلغي الضمان؟
ولو ده صحيح ممكن حد يدلني علي مركز كويس في 6 اكتوبر
وشكرا لكم جميعا
اهلا بيك يا استاذ أيمن معانا في المنتدى .. وألف مبروك العربية الجديدة ربنا يديك خيرها ويكفيك شرها
واضح من كلامك انها مصري بضمان مصرية وبالتالي فمراكز الرواس الأربعة (اللي منهم مركز العجوزة) مراكز معتمدة ممكن تعمل في اي واحد منها صياناتك الدورية واللي منها صيانة الألف الأولى.
بخصوص نصائح الألف الأولى فهي عدم المشي على أكتر من 90 كلم / ساعة وعداد الـ RPM ميزدش عن 3000 لفة / دقيقة وبعد الألف الأولى ممكن تزود براحتك
طبعا الصيانات الدورية هي الألف الأولى ثم كل 10 آلاف كيلو بعد كده.
زي ما قلت ان تركيب جهاز الانذار او الكاسيت ميخرجش العربية بره الضمان انما المهم تشوف مركز متخصص لتركيبهم وانا مش عارف حد في 6 أكتوبرانما ممكن حد من الأعضاء يدلك على حد هناك (على فكرة هو فيه محل كماليات معلن عنه في منتدى خدمات نايل موتورز للأعضاء بيقدم خصم للأعضاء انما مش عارف هو بيركب انذار ولا لأ.. ممكن تقرا موضوعه بالتفصيل وتتصل به وتشوف)