عرض للطباعة
سلام عليكم
انا عايز اروح مستشفى التأمين الصحى اللى فى مدينة نصر ، أظن هى فى شارع الطيران
لكن مش عارف ايه اقرب طريق لشارع الطيران علشان الزحمه وكده ، مع انى روحته كتير جدا من مصر الجديده بس مبعرفش احفظ طرق فى مدينة نصر خالص
يا ترى إيه أنسب دخله من الدائرى والطريق هيكون ازاى ؟
وأرجو التوضيح لو كانت فعلا فى شارع الطيران ولا لأ
شكرا مقدما
اه فكرتنى بيوم التوهان
اولا المستشفى فى ش الطيران
هوة فيه نزلة هتنزلك على محور اسمه محور الشهيد وتكمل فيه هتلاقى نفسك فى اخر ش الطيران
انا كنت جاى من المعادى
نزلت تانى نزلة بعد بنزينة امامرات مصر
هتلاقى بعدها صينية دخلت منها شمال
بس مش فاكر النزلة دى ايه
لانى كنت تايه يومها
افتكرتاقتباس:
المشاركة الأصلية كتبت بواسطة a.saad
نزلة طريق العين السخنة
وانت ماشى هتلاقى يفط
ما تقلقش
وافتكر كعلامة ان فيه محطة بنزين اسمها ليبيا اويل على اليمين بعد الطريق
بس على فكرة انت هتبقى جاى من الاتجاه التانى فى الدائى فانزل نزلى طريق العين السخنة واسال
شكرا لاهتمامك يا جميل
انا كنت ناوى ادخل من عند المطار على صلاح سالم وبعدين يحلها ربنا
فا أيهما أقرب وأسلك مش عارف ؟
ولو نزلت أول طريق العين السخنه هبقى بعيد ولا خلاص قربت ؟
بص يا باشا
أنت هتبقى جاى من ناحية المعادى.....أول لما تلاقى كارفور على يمينك أبتدى أمسك اليمين.......بعده بشوية هتلاقى مبنى على اليمين بتاع البافارية وكيل بى أم.....شوية كمان و هتلاقى نزلة مكتوب عليها العين السخنة و مدينة نصر....هتنزل منها.....و النزلة نفسها عاملة زى U turn يعنى بعد لما تنزل خالص هتلاقى نفسك ماشى فى عكس الأتجاه اللى كنت ماشى فيه على الدائرى....هتمشى مسافة بسيطة قوى و هتلاقى الناس كلها بتلف و ترجع تانى.....خليك معاهم.
بعد ما تلف هتلاقى ميدان.....تدخل منه شمال و هتعدى من نفق....و تكمل على طول بس بعد أول ميدان بعد النفق أبقى هدى و خليك يمين عشان الطريق ده بيترصف.
هتفضل ماشى لحد ما توصل لتانى ميدان.....و تكمل بعده على طول و هتلاقى بنزينة وطنية على شمالك أول لما تخلص تانى ميدان
بعده بشوية هتلاقى الطريق بياخد يمين شوية.....و أنت معاه بس أبتدى خد يمينك لحد لما تلاقى بنزينة التعاون على يمينك.....هتدخل يمين من جنبها.....هتمشى حوالى 100 متر و هتلاقى ميدان تانى أدخل منه شمال.........مبروك وصلت شارع الطيران بس من أخره خالص :-)
بأختصار....بعد النفق...طوالى.....يمين من جنب بنزينة التعاون فى أول شمال.
نست أقول أن الطريق ده أسلك و أقرب من صلاح سالم.
اقتباس:
المشاركة الأصلية كتبت بواسطة ahmed a.maksoud
+11111اقتباس:
المشاركة الأصلية كتبت بواسطة ahmed a.maksoud
شاكر اهتمامك جدا
انا كلمت والدى من شويه سألته قالى اخد كوبرى اكتوبر من احمد بدوى وانزل الأوتوستراد هبقى جنب رابعه
بتهيألى كده أقصر بكتير ولا إيه ؟ حاسس ان موضوع الدائرى هيبقى عامل زى رأس الرجاء الصالح :11:
العفو يا باشا
هو كده أقصر طبعاً بس أنا مكنتش عارف أنت جاى من أى منطقة.
جاى من الزراعى وكنت هاخد الدائرىاقتباس:
المشاركة الأصلية كتبت بواسطة ahmed a.maksoud
بس طالما كده أقصر يبقى اكمل احمد حلمى واخد اكتوبر
معليش تعبتكم .. شكرا
لأ معلش.........واحدة واحدة كده
أنا أفتكرتك جاى من شبرا أصلاً ورايح مدينة نصر.
لكن طالما أنت جاى من طنطا يبقى ملهاش لازمة تدخل فى زحمة القاهرة و خليك من برة على الدائرى على طول.
ده رأيي الشخصى........و من أتجاه الزراعى الوصفة هتختلف شوية
لو تحب أقولهالك.
أوك يا ريت لو مفيهاش تعب
انا قلت كده كده زحمه لأن الدائرى برضو بيبقى ممل فا يبقى من وسط البلد مسافه أقصر وخلاص
بص يا باشا
أنت هتمشى فى الدائرى و المفروض أنك هتعدى من تحت طريق الأسماعيلية و بعد كده من فوق طريق السويس
بعد ما تعدى من فوق طريق السويس هتلاقى نفق فى الدائرى متنزلهوش....خد يمين من فوق النفق و هتلاقى على يمينك على الناصية قهوة عالية شوية أسمها الربوة ( و هى فعلاً على ربوة عالية ) هتدخل يمين من جنبها و هتلاقى موقف أتوبيسات على يمينك ده موقف الحى العاشر.......هتفضل ماشى فى الشارع ده طوالى مروراً بسوق السيارات و بعده الوفاء و الأمل كلهم على شمالك و بعدهم بشوية هتلاقى مبنى كبير على شمالك بتاع شركة أنبى.....هتكمل لأخر الشارع خالص و هتلاقى أنك لازم تدخل يمين.....هو ده شارع الطيران و تسأل فين المستشفى.
شكرا يا باشااقتباس:
المشاركة الأصلية كتبت بواسطة ahmed a.maksoud
مش عارف لسه هاخد انهو طريق بس حسب التساهيل بقى ان شاء الله
شكرا
العفو يا باشا و توصل بالسلامة إن شاء الله
وصفة ممتازة جدا ومباشرة وأقرب للمستشفىاقتباس:
المشاركة الأصلية كتبت بواسطة ahmed a.maksoud