-
بتبطل في الجري بسرعه
انا امبارح رحت اغير البوجيهات و انضف الكاربيراتير
وبعد ما خلصت طلعت اجرب العربيه علي السريع
ولقيت اني كل ما اقرص علي العربيه و rpmيوصل 3500 احس ان انا بدوس علي دواسه البنزين علي الفاضي ومفيش بنزين بيوصل للماتور و العربيه تنتش و اول لما امور العربيه تبطل رجعتله تاني وطلع يجرب معايا
قالي ان انت عندك انا بيب البنزين مسدوده و نفخها بالهوا و مشيت بس لقيت اني كل لما اشيل رجلي من علي البنزين العربيه تبطل
رجعتله اعد ينضف في بيك السلانسيه و يظبط لحد ما العربيه اتظبطت ومشيت
نزلت باليل واخدت العربيه بس اتفاجئت لما لقيت ان العربيه لما اجري بيها حاجه بسيطه تنتش و احس اني بدوس علي دواسه البنزين علي الفاضي وتفضل كده تنتش وتمشي و اول لما امور تبطل خالص
فبصراحه مش عارف هو ده عيب في البوجيهات الجديده و لا في الموبينه بس دي مبتسخنش و لا العيب فين؟
العربيه سكودا فليشيا 97
-
هل المكنه عندك بتاكل زيت
والبوجيهات القديمه كانت عامله أزاى
معرقه زيت مثلا
وعيب البوجيهات الجديده غير وارد حاليا
طالما العربيه بدور كويس فى البدايه
والمشكله بتظهر بس مع سخونة المكنه
وممكن يكون ده عيب كابلات بوجيهات مثلا
أو مشط ألكترونى برضه
-
-
على فكرة انا كان عندى العيب ده .. و دورنا فى سكك كتير لمدة يومين .. و لكن راح لوحده .. و التفسير الوحيد كان ان ممكن يكون فى حسا مهنج .. بس لما راجعنا .. كان فى تفسير تانى و هو انى مونت فى اليوم اللى قبل كده من محطة مش بتعامل معاها .. و ممكن ده كان عيب بنزين .. ولما خلص البنزين اللى مش واثق فيه .. بدأت العربية تفوق و ترجع لحالتها
-
-
لا ياباشمهندس المكنه مش بتاكل زيت و كمان البوجيهات كانت طالعه سليمه
ممكن اعرف تفسير حضرتك وليه سالت علي الزيت؟
-
اقتباس:
ممكن اعرف تفسير حضرتك
مشط ألكترونى
أو طلمبة بنزين
اقتباس:
وليه سالت علي الزيت؟
لو المكنه بتاكل زيت
والبوجيهات بتبقى معرقه زيت
يبقى كاوتش الصبابات بايظ
وده يخللى المكنه تبطل منك
-
تمام احتمال كبير بنزين مضروب
-
يا استاذ سمير ممكن تليفونك لو سمحت؟:ask:
-
اناياسيدى كان معايا عربيه مازدا فاميللى 98وكان ظهر معايا نفس العيب ده ورحت لميكانيكى على قد حاله وجاب وصله كهرباء لطلمبه البنزين اللى كانت تحت الكنبه الخلفيه وقعد يجرب وقللى المشكله فى وصله الكهرباء للطلمبه انا قلت ماشى ومصدقتهوش ورحت بالسياره لتوكيل غبور اول يوم قالولى الشكله فى البنزين وهنغسل التانك وتانى يوم المشكله فى الميكروبروسيسور تالت يوم المشكله فى طلبه البنزين واتحلت المشكله المهم اخذت الطلمبه وجربتها بره لاقتها سليمه وكانت غلطتى انى مسمعتش كلام بليه المي:36_6_3[1]:كانيكى ودفعت يومها 1200جنيه سنه2002وشكرا
Content Relevant URLs by
vBSEO 3.6.0 PL2