اول مرة اشوف كدا فى حياتى

النهردا وانا مروح لقيت واحد حسبى الله ونعم الوكيل فيه حاطط فنوس كبير فى العربية من وراء ولونه اصفر وبينور نور قوى جدا مع الفرامل والله الى حصل انه لما كان قدامى وداس فرامل حصلى عماء موقت والله العظيم ومبقتش شايف اى حاجة :B4_556:
بكلمه بقوله حرام عليك حد يركب نور زى دة فى ظهر العربية
قالى براحتى ملكش فيه
قولته ان شاء الله لو مشلتش النور الى وراء دة هتزعل
قالى الى عندك اعمله اخدت رقمه
وطلعت منه وانا ماشى قدامه برضوا فضل يقلب نور عالى وهو كمان مركب زنون
المهم جريت منه لانى بصراحة خفت على نفسى وعلى العربية
بس مدايق جدا وكل الى معيا رقمة وهو ص د ق 731
ازى اقدر ارفع عليه شكوة او اعمل اية انا عندى استعداد اخد اجازة اسبوع من الشغل واتفرغ للموضوع دة يريت مساعدة منكم عشان دمى محروق والله :majd(4):

شكوى على مكتب مساعد وزير الداخلية للمرور من مجهول مكتوبة على الكمبيوتر
وسخنها شوية
انه بيتعايق انه قريب ظباط ومش عارف ومحدش فى الداخلية يقرب له الخ الخ

فى حاجات كدا يا اسلام كونك سلبى او ايجابى فيها مش هيغير حاجه ولا هيفرق

زى مثلا الاخ ده , ولا فى طريقه مثلا تعمل فيه بلاغ رسمى ولا فى طريقه تانيه تفهمه بيها ان كدا غلط لأن طبيعى الروبوتات دى حافظين مش فاهمين ومش مستعدين يفهموا وجدالك معاه هتبقى انت حتما الخسران فيه وقت ويمكن قله قيمه

لما تشوف حاجه زى كدا ابقى كبر دماغك ومتاخدش كل حاجه غلط بتحصل على اعصابك علشان هتيجى فى الاخر هتنفجر بسبب موقف ما وقد تكون العواقب غير حميده

كنت زيك فى الاول وشغال فى دور العقاب الفورى واللى يرمى على ارمى عليه واللى يغلط اضايقه لحد ما لقيت ان انا اللى خسران فى الاخر والسواقه بقت خناقه شغاله 5 ساعات كل يوم فى حياتى فأتعلمت اقفل القزاز واشغل الكاسيت عالى ومش عايز ولا اسمع ولا اشوف اى حاجه متعجبنيش , المهم انى ملتزم وخلاص

طيب ممكن رابط الموقع بتاع الشكاوى وشكرا لحضرتك

هو كان يفضل ان حضرتك تاخد له صورتين من ورا حتى لو بكاميرا موبايل ... صورة وهو منور الفانوس - دايس فرامل - .... وصورة تانية والفانوس مطفي عشان يبان فيها رقم العربية ..... وساعتها كان ممكن تحط الصور في موقع وزارة الداخلية .... عاملين قسم مخصوص للشكاوي والملفات المرفقة ......

وعموما اتفضل حضرتك الرابط أهو عشان لو فيأي واقعة مشابهة حصلت في المستقبل ......

http://www.moiegypt.gov.eg/Arabic/co...showComplains/

بس ياريتتصبر شوية على الصفحة لحد ما تحمل لانها بتاخد وقت

اقتباس:

---

المشاركة الأصلية كتبت بواسطة ahmed0nouh

فى حاجات كدا يا اسلام كونك سلبى او ايجابى فيها مش هيغير حاجه ولا هيفرق

زى مثلا الاخ ده , ولا فى طريقه مثلا تعمل فيه بلاغ رسمى ولا فى طريقه تانيه تفهمه بيها ان كدا غلط لأن طبيعى الروبوتات دى حافظين مش فاهمين ومش مستعدين يفهموا وجدالك معاه هتبقى انت حتما الخسران فيه وقت ويمكن قله قيمه

لما تشوف حاجه زى كدا ابقى كبر دماغك ومتاخدش كل حاجه غلط بتحصل على اعصابك علشان هتيجى فى الاخر هتنفجر بسبب موقف ما وقد تكون العواقب غير حميده

كنت زيك فى الاول وشغال فى دور العقاب الفورى واللى يرمى على ارمى عليه واللى يغلط اضايقه لحد ما لقيت ان انا اللى خسران فى الاخر والسواقه بقت خناقه شغاله 5 ساعات كل يوم فى حياتى فأتعلمت اقفل القزاز واشغل الكاسيت عالى ومش عايز ولا اسمع ولا اشوف اى حاجه متعجبنيش , المهم انى ملتزم وخلاص

---

معك حق والله يا احمد بس افتكر ان مفيش حد بيركب نور قوى بالشكل دة فى ظهر العربية
عشان كدا انا متعصب جدا بسبب الى حصل فيا

اقتباس:

---

المشاركة الأصلية كتبت بواسطة yehia

هو كان يفضل ان حضرتك تاخد له صورتين من ورا حتى لو بكاميرا موبايل ... صورة وهو منور الفانوس - دايس فرامل - .... وصورة تانية والفانوس مطفي عشان يبان فيها رقم العربية ..... وساعتها كان ممكن تحط الصور في موقع وزارة الداخلية .... عاملين قسم مخصوص للشكاوي والملفات المرفقة ......

وعموما اتفضل حضرتك الرابط أهو عشان لو فيأي واقعة مشابهة حصلت في المستقبل ......

ظˆط²ط§ط±ط© ط§ظ„ط¯ط§ط®ظ„ظٹط© - ط´ظƒط§ظˆظ‰ ظˆط¨ظ„ط§ط؛ط§طھ ط§ظ„ظ…ظˆط§ط·ظ†ظٹظ†

بس ياريتتصبر شوية على الصفحة لحد ما تحمل لانها بتاخد وقت

---

شكله تحقيق
و كلها بيانات عنى ومفيش مكان لكتابة الشكوة

اسلام!!!!!!

العربية دي اوبل استرا 2004 كدا؟؟؟؟؟؟؟؟؟؟؟؟؟؟؟؟؟؟؟؟؟؟ ؟

اقتباس:

---

المشاركة الأصلية كتبت بواسطة ahmed0nouh

كنت زيك فى الاول وشغال فى دور العقاب الفورى واللى يرمى على ارمى عليه واللى يغلط اضايقه لحد ما لقيت ان انا اللى خسران فى الاخر والسواقه بقت خناقه شغاله 5 ساعات كل يوم فى حياتى فأتعلمت اقفل القزاز واشغل الكاسيت عالى ومش عايز ولا اسمع ولا اشوف اى حاجه متعجبنيش , المهم انى ملتزم وخلاص

---

نفس اللي أنا بقيت بعمله و لقيت أعصابي بقت أهدى بكتيييير

في بشر ........* هتعمل ايه بقه ؟
و حاول تهدي اعصابك عشان
هتقابل من البشر دول كتير
و ربنا يستر طريقنا جميعا

قبل ما اقول اي حاجه
حروف (ص د ق) دي من مرور عبود

ثانيا متشغلش بالك المتخلفين كتير اوي في البلد دي

موضوع النور الي ورا ده بقا موضه
انا بقايله كتير..
واحلى رد بتاع أحمد نوح

هوا كده الصح ..ولا توجع دماغك بالاشكال دي
عشان فعلا في ناس بتحب تشوف الناس مدايقه
وبيفرحوا اوي لما يدايقوك ..ويحليك تسخن معاه ع الاسفلت ..عشان يتسلى

المتخلفيين فى البلد دى كتيييييييييييير:mahf(5):

اقتباس:

---

المشاركة الأصلية كتبت بواسطة pharonicking

المتخلفيين فى البلد دى كتيييييييييييير:mahf(5):

---

جينات
فيه منهم جينتهم فيها جين تخلف

يعنى مش هتعرف تعمل فيهم حاجة :mahf(5):
ولو فهموا
هيموتوا

شكرا يا يا جماعة وانا شكلى كدا هسمع كلام احمد وهطنش وحسبى الله ونعمة الوكيل

اقتباس:

---

المشاركة الأصلية كتبت بواسطة eslam_wega

ازى اقدر ارفع عليه شكوة او اعمل اية انا عندى استعداد اخد اجازة اسبوع من الشغل واتفرغ للموضوع دة يريت مساعدة منكم عشان دمى محروق والله :majd(4):

---

أنا عندى الحل
قوم كل يوم الفجر و ادعى ان ربنا يهدى مصر و المصريين لأن الغباء زاد و لو قعدنا ننتقم من بعض مش حنخلص و الحل ان الكل ينصلح حاله عشان نرتاح فادعيله ربنا يهديه و يريحنا من شره.

حصلت معايا كذا مرة وكل مرة اقرب من العربية واقول للسايق حسبي الله ونعم الوكيل فيك , فيه الى يضحك وفيه الى يطنش , واخر مرة كنت في الجيزة وشفتها في توك توك والغريبة انه مركب نمر جديده , ايضا بعض العربيات الجديد فانوس الاستوب عبارة عن مجموعة ليدات لمض صغيرة فعلا لما يفرمل امامك بتزغلل العين وتضائق جدا تقريبا الموضوع ده ملوش حل لاننا في بلد السبهلله

اقتباس:

---

المشاركة الأصلية كتبت بواسطة abogogo

حصلت معايا كذا مرة وكل مرة اقرب من العربية واقول للسايق حسبي الله ونعم الوكيل فيك , فيه الى يضحك وفيه الى يطنش , واخر مرة كنت في الجيزة وشفتها في توك توك والغريبة انه مركب نمر جديده , ايضا بعض العربيات الجديد فانوس الاستوب عبارة عن مجموعة ليدات لمض صغيرة فعلا لما يفرمل امامك بتزغلل العين وتضائق جدا تقريبا الموضوع ده ملوش حل لاننا في بلد السبهلله

---

اضرب له العالى والسبورة كمان لو فيه ولو اكلم
قله نورك مضايقنى

احسن حاجة التصوير بالموبايل وعلى موقع وزارة الداخلية
مع الرقم:whtauwant:

وانا بقول كدا برده
لو حد شافه تاني ياخد صوره ويوديها ع الداخليه

اللي بيعمل التصرفات دي واطي واطي واطي وعنده شعور بالنقص والضـآلة والتدني فبيحاول يبان بالطريقة المتخلفة دى من مبدأ خالف تعرف ولو بالضرر للأخرين وميستحقش غير إنه يتربي من أول وجديد:khd:ونقوله:dontudear::N_no[1]:

اقتباس:

---

المشاركة الأصلية كتبت بواسطة waelfarid

اللي بيعمل التصرفات دي واطي واطي واطي وعنده شعور بالنقص والضـآلة والتدني فبيحاول يبان بالطريقة المتخلفة دى من مبدأ خالف تعرف ولو بالضرر للأخرين وميستحقش غير إنه يتربي من أول وجديد:khd:ونقوله:dontudear::n_no[1]:

---

+111111111111111111

صح فعلا

ياباشا ولاتزعل نفسك ... ياما الواحد بيشوف فى البلد الخربانه دى .. عاوز تشوف العجب خد لفه على الطريق الزراعى هتلاقى 90 % من الميكروباصات وتحديدا ميكروباصات المنوفيه الفورد القديمه وميكروباصات القليوبيه (السوزوكى الصغيره والتويوتا ) مركبين فوانيس شبوره ضخمه فى الاكصدام الخلفى تعمى اللى سايق وراه ودول بيعدوا على ميه كمين فى اليوم ومحدش بيوقفهم ولا حاجه وعلى المتضرر الشرب من ماء النيل

السؤال : - ايه اللى خلاه يركب النور ده ؟

اكيد حد خيش فيه من ورا فحب يادب اللى ماشى وراه وسرحان

اقتباس:

---

المشاركة الأصلية كتبت بواسطة د.محمود صلاح

السؤال : - ايه اللى خلاه يركب النور ده ؟

اكيد حد خيش فيه من ورا فحب يادب اللى ماشى وراه وسرحان

---

و الله مش بعيد

اقتباس:

---

المشاركة الأصلية كتبت بواسطة د.محمود صلاح

السؤال : - ايه اللى خلاه يركب النور ده ؟

اكيد حد خيش فيه من ورا فحب يادب اللى ماشى وراه وسرحان

---

فعلا, فيه كذا مشاركة قبل كده اصحابها قالوا انهم بيتضايقوا من الزينون اللي بيضرب في مراية الصالون ويعمي لمدة ثواني
ففيه ناس مركبة فوانيس خلفي ومنها اللي حاطين له زينون !!!
عشان لو حد جه وراهم واداهم الرعاش بالزينون يأدبوه

بس كونه انه ماشي مولعه على طول, دا اسمه استهبال

فعلا شئ متعب وينرفز لاقصى حد مش ممكن يكون الناس بالغباء ده انه يعمى اللى وراه علشان مزاجه يغير فى اضاءه السياره
وانا كتبت فتره هن الموضوع ده
http://www.nilemotors.net/Nile/109033-a.html



واتمنى اننا نجد حل فى وسط اهتمام المرور بالمخالفات اللى بفلوس وخلاص ( وكان المخالفات دى بس )