الموضوع: قصة من تأليفى

القصة دى من تأليفى ارجو ان تستمعوا بها
القصة عبارة ان واحد بيصحى من النوم ويروح الشغل بس
الواحد ده لسه صاحى من النوم و بالطبيعى جدا ان اول حاجة الواحد بيعملها ان بيفتح عنية تلقى اجمل وجة فى الدنيا وتقولها صباح الفل يا حبيبتى ترد بكل زوق واحترام وتقل انت مش هتبض بقى دى عيشة بقت زى ........ وبعدين تبتسمك ابتسامة تخلى بقك من الودن للودن تقولها بنفس الذوق اللى اتوجهلك لما بصتبح بوشك اللى زى العسل وانت اساسا فى خيالك عمال تصور نفسك وانت بتضرب نفسك بالـ....... وتقول عادى كل الستات ع كدة بعد كده تلبس الحتة اللى ع الحبل وتفطر وتنزل ويبتدى المشوار صباح الفل ياعم عبده -السايس- تلاقية متمسمر قدام العربية ومش عاوز وما يمشيش غير لما تدي له اللى فى النصيب وتقول فى سرك الواحد هلاقيها منك و لا الكيس النشوء اللى انا مجوزها وتقول عادى
تسخن العربية شوية وتقفل الازاز وتشغل التكيف وانت سعيد جدا ببدايت اليوم ده واذا بك وانت ماشى يمعلم وانت كدة بتيتتاوب ومغمض عنيك تلاقى المطب التام اللى جيب لك عفشه من الاخر و تضرب كف ع كف وتقول هما عملوا امتة المهم تقول عادى وتتكل ع الله تروح تقول لما اشغل الراديو ووانت مركز اوى معه تلاقى الاشارة قفلت وتلاقى نفسك فجاة وبدون مقدمات بقيت قاعد فى كنبة العربية اللى قدامك تلاقى الراجل نزل من عربيتة و يديك الطريحة اللى هيه وتبقى ماشى زى سعيد صالح فى مسرحية العيال كبرت منتش شايف قدامك وتقول بعد كدة عادى وتكمل المشوار بعد كدة الاشارة فتحت والكل بيجرى تروح كمان تجرى وتلاقى اللى بظهر فجاة المراية مكيروباص غبى تتلخم والدريكسون يحدف منك وتدوس فرامل بسرعة تلاقى نفسك خبط فى العربية اللى جنبك والعربية اللى واراك تدخل فيك وتنزل وتقول معلش حصل خير بعد كام شتيمة كدة المهم تقول عادى و تمشى اصل المهم انت انت لازم تلحق الشغل الحمد لله وبالدعوات القلبية وبعد صلاة الحاجة قبل اما انت تنزل من البيت خلاص نحمد ربنا وصلت بعد اما هدومك اتقطعت والعربية صحيح مش عاوزة حاجة غير بس انك يعنى تشترى واحدة جديدة وخلاص يعنى وكل دة عادى
بس اللى مش عادى ان انت وانت قدام الاسنسير تفكر انك نسيت الورق بتاع الشغل فتقوم ترجع تانى وبعد كدة تبتدى تانى المشوار

ايه يا راجل دا

دا كابوس كل اللي بيسوق في مصر ..

ربنا يستر طريقنا