فتيس الانسر 1600 اوتوماتيك

**walidwalid** · 26-12-2009 03:29 AM

السلام عليكم

لو سمحتم عايز اعرف سعر فتيس الاتوماتيك للانسر 1600 لاني ناوي اشتريها مستعمله وهل له عيوب في المستعمل و ازاي اتأكد ان الفتيس بتاع العربيه كويس.

ارجو الرد.

شكرا للمنتدى والاعضاء.

**aeltokhy** · 26-12-2009 02:30 PM

طبعا انا مش اوى فى الاتسر بس اعرف انة اغلى حاجة فيها
وهو تقريبا 30000فى التوكيل دة طبعا لو باظ بتباة مشكلة ربنا يكفينا الشر
بس طبعا تكشف علية فى التوكيل افضل
وربنا معاك

**Ralliart** · 26-12-2009 02:57 PM

اكشف في التوكيل يا باشا والفتيس صعب يبوظ لوحده هو في حاجه واحده لازم تتأكد منها علشان تطمن : لو مكانش صاحبها بيعمل سيرفيس في التوكيل كان بيحط زيت فتيس اوتوماتيك ولا cvt لانه لو بيحط زيت اوتوماتيك يبقى كده الفتيس شكراً وتمنه 33 الف

**walidwalid** · 26-12-2009 06:42 PM

الف شكر يا جماعه على الرد وربنا يكفينا شر الفتيس الأتوماتيك انا لسه مجبتهاش ده كان مجرد سؤال وشكرا للجميع

**Ralliart** · 26-12-2009 07:20 PM

متبقاش خايف كده يا باشا ده مش اختراع جديد وانا من اول ما شفت العربيات واحنا عندنا اوتوماتيك وعمره ما عمل مشاكل وموجود من الستينات وممكن من الخمسينات في بعض الموديلات الامريكيه هو بيبوظ من سوء الاستخدام فقط ومابينفعش معاه تصليح وبالذات الcvt بيتشال وييجي غيره

**tigernet** · 27-12-2009 07:09 PM

هو فى التوكيل تمنة 36000
و من الحرفين حوالى من 7000 الى 9000

**M.Nasr** · 28-12-2009 10:11 PM

المشاركة الأصلية كتبت بواسطة mostafa_elhussain

متبقاش خايف كده يا باشا ده مش اختراع جديد وانا من اول ما شفت العربيات واحنا عندنا اوتوماتيك وعمره ما عمل مشاكل وموجود من الستينات وممكن من الخمسينات في بعض الموديلات الامريكيه هو بيبوظ من سوء الاستخدام فقط ومابينفعش معاه تصليح وبالذات الcvt بيتشال وييجي غيره

+111111111111

**hesham22822** · 30-12-2009 05:01 PM

ما فيش منة مشاكل خالص

**mohamed633** · 19-01-2010 05:04 PM

علي فكره انا معايا لانسر 2006 بتيس بوما اوتوماتيك والفتيس cvt وبحطولها زيت موبيل عادي , مفيش حاجه اسمها زيت cvt كل زيت الفتيس واحد

**mohamedway** · 19-01-2010 08:34 PM

المشاركة الأصلية كتبت بواسطة mohamed633

علي فكره انا معايا لانسر 2006 بتيس بوما اوتوماتيك والفتيس cvt وبحطولها زيت موبيل عادي , مفيش حاجه اسمها زيت cvt كل زيت الفتيس واحد

إحقاقا للحق أنا كنت بهاجم وضع زيت الفتيس الأتوماتك العادى فى الفتيس الCVT (بناء على معلومات قرأتها فى موقع متسوبيشى نفسه و فى كذا مكان على النت ) بس بعد ما راجعت كتالوج العربيه كويس و وجت ان نوع الزيت الموصى به للفتيس الأتوماتك العادى بتاع الانسر ال1300 هو نفس الزيت الموصى به لل CVT بتاع ال1600 و ده معناه ان زيت الأتوماتك العادى مفيش منه مشكله و التوكيل كمان بيستخدم موبيل عادى فى الCVT و البشمهندس طارق قال الكلام ده قبل كده يبقه المفروض نطمئن شويه........و لكن..........

يوجد زيت خاص بالفتيس الCVT فعلا وأنا شوفته بعينى على النت و الزيت ده بيبقه فيه مواصفات Advanced جدا عن الزيت العادى لإطالة عمر الفتيس الCVT حيث انه أكثر حساسيه و أقل عمر من الفتيس العادى و الزيت ده بيكون تخليقى و أغلى بكتير من العادى و لا أعتقد انه موجود فى مصر ولا حتى فى التوكيل لأن هذا الزيت مختلف حتى عن اللى فى كتالوج العربيه....

بصراحه أنا لو من مستوردين قطع الغيار و مع الأعداد الهائله من الانسر البومه اللى بقت موجوده فى مصر و تحمل بداخلها الفتيس الcvt لكنت استوردت كميات كبيره من أجود انواع هذه الزيوت من بره و انا واثق انى هبيعها كلها فى لمح البصر و هاكسب دهب لأن كل واحد معاه العربيه فهم يعنى ايه cvt و بيدورلها على الزيت اللى يطول عمر هذا الفتيس إتقاء شر بوظانه بدرى.