رأيكم ايه فى ال invisible shield ؟؟

**Ahmed Nouh** · 26-12-2009 06:23 AM

انا علاقتى بالموبايلات غير حميمه بالمره وبتعامل معاهم بعنف ودايما بتتبهدل منى بسرعه

صحيح الموبايلات الحمد لله ممكن تعيش معاى سنتين ( وده رقم قياسى لطبيعه استخدامى ) بس بيبقى شكله من برا بقا شوارع و اللى يشوفه يقول انى بقشره فى البيت عمدا ومستحيل يكون ده استخدام طبيعى

الخلاصه ان معاى دلوقتى موبايل تاتش سكرين جديد وطبعا بأسلوبى ده الخدوش هتضيع الشاشه فى القريب العاجل وهيبقى شكله زى اخواته بالظبط وخصوصا انه عريض وهيبقى بيئه رائعه لعرض مواهبى فى الخربشه , شوفت ال Invisible shield بتاع شركه zagg والفيديوهات العجيبه اللى منتشره على اليوتيوب ليه واللى طبعا كلها من طرف الشركه واللى بتقول انه ابتكار عسكرى وان ده بيحمى مروحه الطائرات الهليكوبتر وكلام اعلانات

بس على الجانب الاخر الريفيوهات بتاعت المواقع والناس اللى جربته بتقول انه مش زى ما الفيديوهات ما مبينه وان برده الخربشه الجامده بتبان فيه وان تركيبه مش بيطلع perfect زى ما الشركه بتوصفه وان ملمسه مش محبب وكلام من ده كتير والجمله اللى كله بيختم بيها التجربه ان هو هيستعمله فتره لحد ما يبوظ وخلاص هيرميه برغم ان الشركه بتقول تضمنه مدى الحياه ضد الخدوش والقطع

مش عارف نصدق مين !!

هل هو زى الفيديوهات ما بتقول ولا نص نص زى ما الناس بتقول لأن سعره غالى وحرام يتدفع فيه فلوس لو هو بلاستيك عادى زى ما الناس بتقول عنه

عايز اعرف حد هنا جرب الكائن الطفيلى ده ؟ ورأيكم فيه ايه ؟

**malibu** · 26-12-2009 07:32 AM

معرفش حاجه عن الى بيتباع
لما اشتريت التليفون كان موجود فى العلبه و لزقته على الشاشه
مش باين انه راكب اصلا
استحمل معايا سنه.. بس اما شيلتو تحس ان الموبايل لسه طالع من علبته

نصيحه ..هات حاجه رخيصه و اما تتبهدل شيلها و هات غيرها

**Ralliart** · 26-12-2009 11:43 AM

في تقليد صيني للzagg ممكن تعمل زيي تجيبه لحد ميتبهدل وتشيله وتغيره بس النوع اللي انا جايبه وحش وبيحسسك ان الشاشه مبلوله هو جاي في ظرف كرتون اصفر عشر قطع من موبايل شوب ب50 جنيه بس ده للشاشه بس انما لبقيه الموبايل معرفش في منه صيني ولا لأ ولو لقيت ابقى قول لان الموبايل بقى متقشر ومتبهدل

**Eng.Geo** · 26-12-2009 11:44 AM

انا الحقيقة معرفش حاجة عنه
بس لو تمنه كويس يبقي جرب مفيش مشاكل
انما لو غير كدة يبقي حاول تبيعه وشوفلك موبايل مش تاتش ومافيهوش باد (يعني حته واحدة ) وده اكتر موبايلات بتستحمل
انما عايز اقول حاجة : لما انت عارف ان تعاملك مع الموبايلات عنيف . ليه جبته ؟

**Ahmed Nouh** · 26-12-2009 03:34 PM

المشاركة الأصلية كتبت بواسطة malibu

معرفش حاجه عن الى بيتباع
لما اشتريت التليفون كان موجود فى العلبه و لزقته على الشاشه
مش باين انه راكب اصلا
استحمل معايا سنه.. بس اما شيلتو تحس ان الموبايل لسه طالع من علبته

نصيحه ..هات حاجه رخيصه و اما تتبهدل شيلها و هات غيرها

هو انا فكرت فى كدا بس لو طلع فعلا ان الزاج بيعيش مثلا سنه ونص يبقى اوفر من كل شهر اغيره وبعدين كتر اللزق والفك على التليفون اعتقد هيسيب فيه علامات تخلى شكله مش حلو والاهم هو ان الحاجه الرخيصه هتخلى هتبقى تحتها فقاعات وتشبيح ميه وتضايقنى من التليفون اكتر من الخرابيش

المشاركة الأصلية كتبت بواسطة mostafa_elhussain

في تقليد صيني للzagg ممكن تعمل زيي تجيبه لحد ميتبهدل وتشيله وتغيره بس النوع اللي انا جايبه وحش وبيحسسك ان الشاشه مبلوله هو جاي في ظرف كرتون اصفر عشر قطع من موبايل شوب ب50 جنيه بس ده للشاشه بس انما لبقيه الموبايل معرفش في منه صيني ولا لأ ولو لقيت ابقى قول لان الموبايل بقى متقشر ومتبهدل

انا سمعت عن الصينى ده بس كل الناس بتقول زيك ان وهو راكب اساسا شكله مش حلو فقولت اشوف الاصلى نظامه ايه لأن لو الزاج كمان مش زى الاعلانات يبقى الحل الوحيد هو جراب وانا للأسف مبحبش الجرابات الجلد

المشاركة الأصلية كتبت بواسطة eng.geo

انا الحقيقة معرفش حاجة عنه
بس لو تمنه كويس يبقي جرب مفيش مشاكل
انما لو غير كدة يبقي حاول تبيعه وشوفلك موبايل مش تاتش ومافيهوش باد (يعني حته واحدة ) وده اكتر موبايلات بتستحمل
انما عايز اقول حاجة : لما انت عارف ان تعاملك مع الموبايلات عنيف . ليه جبته ؟

هو من ناحيه السعر مش رخيص وده اللى مخلينى مش عايز اجيبه اجربه قبل ما اتأكد انه كويس فعلا , الحمايه للموبايل كله بتكون بدايه من 160 لحد تقريبا 200 جنيه وطبعا هنا فى مصر ملوش توكيل رسمى يعنى مش هتستفيد بالضمان لو حصله حاجه

جيبت موبايل تاتش ليه بقا لأنى بحب التعامل معاهم قوى وساعه الشراء كنت حريص ومع الوقت بدء اهمالى يرجع , هو الموضوع مش انى بهزر بيه مع صحابى مثلا بس انا بحطه فى جيبى مع المفاتيح وبحطه فى تابلوه العربيه وانا ماشى وبيكون قدامى على المكتب وانا شغال ولما حد يتصل بيا اشده على المكتب فكل الحاجات دى بتسيب فيه علامات تجريح كثيره ودى مشكلتى الرئيسيه

**Eng.Geo** · 26-12-2009 05:00 PM

المشاركة الأصلية كتبت بواسطة ahmed0nouh

هو من ناحيه السعر مش رخيص وده اللى مخلينى مش عايز اجيبه اجربه قبل ما اتأكد انه كويس فعلا , الحمايه للموبايل كله بتكون بدايه من 160 لحد تقريبا 200 جنيه وطبعا هنا فى مصر ملوش توكيل رسمى يعنى مش هتستفيد بالضمان لو حصله حاجه

جيبت موبايل تاتش ليه بقا لأنى بحب التعامل معاهم قوى وساعه الشراء كنت حريص ومع الوقت بدء اهمالى يرجع , هو الموضوع مش انى بهزر بيه مع صحابى مثلا بس انا بحطه فى جيبى مع المفاتيح وبحطه فى تابلوه العربيه وانا ماشى وبيكون قدامى على المكتب وانا شغال ولما حد يتصل بيا اشده على المكتب فكل الحاجات دى بتسيب فيه علامات تجريح كثيره ودى مشكلتى الرئيسيه

هو نوع الموبايل ايه؟
يعني لو غالي ومعدي ال 2.5 يبقي مش خساره فيه 160 وان كان الحالة اللي حضرتك بتقولها حلها هو جراب فقط مع اللصقة اللي بتبقي علي الشاشة اصلا
بلاش تحط المفاتيح مع الموبايل في جيب واحد
انا بحط الموبيل في جيب لوحده ومفيش حاجة معاه وفي العربية بيبقي جمب الفتيس او قدام العدادات وقدام العدادات بيبقي غلط ولكن بيبقي سهل انك تشوف مين اللي بيتصل

**M.Osama** · 26-12-2009 09:56 PM

انا معايا N97

وطبعا لقيت انه مش حيكمل معايا اسبوع بالمنظر ده وحيتخربش من كل حته

اشتريت ال Invisible shield بحوالي 150 جنيه - تركيبه صعب شويه ومقرف بس عامل زي تركيب الفاميه.. واكمني بعرف اركب فاميه كويس حاولت معاه وركبته فحوالي ساعه

النتيجه...

ملمس رائع - حامي الجهاز تماما وبقاله اكتر من 4 شهور تقريبا راكب

المهم تركبه صح وتقري الارشادات كويس

**بحري** · 27-12-2009 02:21 AM

أنا جربته على الماكبوك الأبيض اللي كان معايا من فترة، أنا خليتواحد صاحبي جابهولي من أمريكا بـ ستين دولار، وخلاصة تجربته الآتي
١- غالي ولا يساوي ثمنه
٢- تركيبه مقرف جدا جدا جدا جدا للصبح، هو يمكن عشان لابتوب الموضوع كان زيادة لكن أظن الموبايل مش حيفرق كتير
٣- ملمسه مقرف جدا جدا جدا وبيمسك في الإيد ويلزق وتحس إنك مش عارف تحرك صوبعك لا على الشاشة ولا على جسم الجهاز
- ركبته تمام ومية مية في معسكر مغلق لمدة ٣ ساعات وقمت من على المكتب دخلت الحمام ورجعت شيلته وقتي
ميزته إنه شفاف وبيحافظ على المظهر الخارجي خاصة لو كان الجهاز شكله حلو

النصيحة
هات جراب سيليكون نضيف من الأنواع المحترمة حتى لو كان غالي شوية عن السيليكون بتاع شارع عبد العزيز
وهات واقي للشاشة وكده تبقى إنت في أمان وعندك مرونة كافية
لما جبت جراب للآيفون من تريدلاين ستورز كان ماركة marware وتمنه كان ٣٠٠ جنيه وكان في لزقة شاشة ممتاااااازة مع الجراب تحس كأنك مش حاططها أصلا
وبرضه في لزقات محترمة في راديو شاك

**Ahmed Nouh** · 27-12-2009 02:44 AM

المشاركة الأصلية كتبت بواسطة m.osama

انا معايا n97

وطبعا لقيت انه مش حيكمل معايا اسبوع بالمنظر ده وحيتخربش من كل حته

اشتريت ال invisible shield بحوالي 150 جنيه - تركيبه صعب شويه ومقرف بس عامل زي تركيب الفاميه.. واكمني بعرف اركب فاميه كويس حاولت معاه وركبته فحوالي ساعه

النتيجه...

ملمس رائع - حامي الجهاز تماما وبقاله اكتر من 4 شهور تقريبا راكب

المهم تركبه صح وتقري الارشادات كويس

والله هو التركيب مش ازمه بالنسبه لى بس هو ده فعلا اللى كنت عايز اعرفه هل بيحمى الجهاز من الخربشه ولا لا وبيعيش فعلا طول عمر الجهاز ولا فتره وبيترمى

شكرا ليك يا فندم على نقل تجربتك

المشاركة الأصلية كتبت بواسطة ba7ary

أنا جربته على الماكبوك الأبيض اللي كان معايا من فترة، أنا خليتواحد صاحبي جابهولي من أمريكا بـ ستين دولار، وخلاصة تجربته الآتي
١- غالي ولا يساوي ثمنه
٢- تركيبه مقرف جدا جدا جدا جدا للصبح، هو يمكن عشان لابتوب الموضوع كان زيادة لكن أظن الموبايل مش حيفرق كتير
٣- ملمسه مقرف جدا جدا جدا وبيمسك في الإيد ويلزق وتحس إنك مش عارف تحرك صوبعك لا على الشاشة ولا على جسم الجهاز
- ركبته تمام ومية مية في معسكر مغلق لمدة ٣ ساعات وقمت من على المكتب دخلت الحمام ورجعت شيلته وقتي
ميزته إنه شفاف وبيحافظ على المظهر الخارجي خاصة لو كان الجهاز شكله حلو

النصيحة
هات جراب سيليكون نضيف من الأنواع المحترمة حتى لو كان غالي شوية عن السيليكون بتاع شارع عبد العزيز
وهات واقي للشاشة وكده تبقى إنت في أمان وعندك مرونة كافية
لما جبت جراب للآيفون من تريدلاين ستورز كان ماركة marware وتمنه كان ٣٠٠ جنيه وكان في لزقة شاشة ممتاااااازة مع الجراب تحس كأنك مش حاططها أصلا
وبرضه في لزقات محترمة في راديو شاك

منور يا دكتور احمد , ناس كتير قالت زى حضرتك كدا وان ملمسه رخيص وانهم استعملوه فتره صغيره ورموه وانا مستخسر ادفع فيه فلوس وبعدين ارميه لأن لو كدا يبقى اجيب جراب عادى من الاول احسن

انا فكرت فى الجرابات السيليكون بس المشكله انى بحب اشيل الجهاز بس من غير ما يكون عليه اى اضافات وكان عاجبنى موضوع ان الشيلد شبه مش موجود , بس هو اللى حضرتك جربته نوعه ايه ؟

لو زاج يبقى كدا هصرف نظر عنه واقضيها جرابات اوفر