قد يكون الحاله دى غير صحيحه بس اسف المبدأ موجود فعلا ومش عند غبور بس
مفيش توكيلات محترمه فى مصر من اول هيونداى لحد بورشه كله هدفه الاساسى هو الشغل ايا كان الطريقه اللى هيمشى بيها
عرض للطباعة
مادام حضرتك مشفتش مشاركاته و لا حواراته اللى المنتدى كله عانى منها , متبقاش متاكد من عدم صحة الخبر .
اصل مفيش حد بيدافع عن شركة بالطريقة دى الا اذا كان شغال فيها .
هل معنى انى راكب فيرنا مثلا انى اقعد طول اليوم اشكر فى هيونداى و فى كل قسم و كل وقت و اى حد عايز عربية فى اى فئة ارشح له هيونداى و خلاص مهما كانت الفئة !!
يا سيدى هيونداى شركة محترمة و بتبيع مبيعات خرافية انا معاك , لكن تقدر تفسر لى ان واحد يصر على انه يدافع عن هيونداى لحد ما يتطرد من المنتدىده يبقي اسمه ايه !؟؟
ماشي ده واحد لكن مبدأ إن التوكيل بيشغل ناس والله ده فكر ناس عيشة فالسبعينات غبور اذكى من كده وعارف إنه عشان يجب زباين لازم يدي ليفل معين من الخدمة حتى لو قليل عن غيره غبور ممكن وحش بنسبة ل توكيلات تانية بس دي بيعوضها حاجات تانية زي قطع الغيار مثلا رخيصة كده محدش يقدر يدي المستهلك كل حاجة عشان الكمال ل ربنا سبحانه وتعالى :shine[1]:
خنقنا ب150 جنية وبردوودة الدفاعية عن هيونداى
هو ده مستوى التوكيل اللي ينزل عربية زي السوناتا ويسرق منها الفرامل اللي بتنزل في العالم كله
ويحط فيها فرامل الصينيين بطلوا يحطوه ولا حتى في عربية بـ 40 ألف
أكيد دماغه النضيفة دي تخليه يرشي الأعضاء.
معلش فى الكلام إللى هاقولة . عرفت حضرتك منين هذه المعلومة
لو انك قولت عرفت منين عندك إثبات لهذا . ومعلش فى الكلمة
غبور مش مستنى يدفع 150 جنية عشان هذا الكلام اسف الفارغ وهو مش توكيل نصب وهرب ولا أخد فلوس ناس ووظفها مش عارف فى إية ولا باع سيارات مضروبة ولا حتى هو كاتوكيل مش عارف يسوق البضاعة إللى عندة . للعلم مش بيعمل فى السيارات فقط لا فى أكتر من كدة . وانا مش بدافع عشان يزود ال150 يكونو 200 ولكن فى حاجة اسمها عقل
نفكر بية . أرجو الرد
بالنسبة للعربيات المضروبة انا مش فاهم اوى اية مضروبة بس العربيات بتنزل فيها عيوب ووسائل امان زبالة وجسم عربية ضعيفة دا غير تقليل كماليات العربية وبيشيل وسائل امان من العربية علشان يقلل السعر مع ان سعر العربية على كمالياتها اقل بكتير من السعر اللى بيبيع بية +تقفيل سىء وصيانة سيئة
ياريت اعرف هو بيعمل فى اية تانى منك غير العربيات
sorry يا جدعان بس محدش يجيب سيرة وسائل الأمان....لو فعلا المصريين بيفكروا في الموضوع ده و خلاص بقت موضوع الايرباجس مهم.....يبقى محدش يجب سيرة الصيني.....علشان دي مفيهاش عوامل امان...حتى لو فيها 1000 ايرباجس برده عربية ورق....
بلاش بس نهاجم غبور علشان شال ايرباجس من العربية......
من امتى احنا كنا بنهتم.....و بعدين شوفو كام عربية ماشية في مصر من غير وسائل امان......
ولا هي بقت هوجة و موضة.....موضوع الايرباجس....
أنا عارف انو مهم و مهم جدا كمان بس في مصر حاجة تانية......
اكرم ده ممكن ياخد شخصيه العام فى المنتدى
معلش يا جماعة لو كانت الحكاية دي ضايقتكو ( مش فاهم ازاي ) .. يمكن لو ما كنتش قلت انه غبور كانت مشيت من غير مشاكل .. بس أنا حبيت أقول اللي سمعته بكل صدق
و كأن المعاني و المثل العليا خلاص اكتملت ليصبح ذلك الطامة الكبري !!!
الموضوع موجود في كثير من الوكلاء مش غبور بس .. و ردا علي اللي بيقول مبيعاته خيالية و شركة ضخمة .. لهذا يلجأ للرخيص و الغالي .. كيا بتبهدله من فوق و اسبرانزا من تحت
تعرف حضرتك ان موضوع ناس بيقبضوا و شغالين علي الانترنت ده موجود في الحزب الديمقراطي ؟!!!
و للأمانة .. التوكيل يمكن يكون مش بيقول للمجند ده يكدب أو يحارب عشان يثبت عظمة ماركة معينة .. بس هو ما بيختارش ناس صح
و أنا و الله ما أعرف أكرم ده كان منهم ولا لأ .. بس سلوكه كان مطابق لهذا الكلام جدا
و بعدين اللي عاوز اثبات .. ازاي يعني ؟!! .. عقد مثلا !!!
مش ضروري تصدق .. اصل احنا في المدينة الفاضلة .. و علي هذا الأساس و الاعتقاد منكم .. رجاء عدم القذف بالاتهامات في نزاهة شخص .. تكلم عن الموضوع فقط
و شكرا جزيلا
بالنسبة للناس اللي محسسانا إن وسائل الآمان رفاهية وملهاش لزمة , فأحب أقول
إذا كانت مالهاش لزمة في العالم كله فهي مهمة في بلد الألف شهيد يوميا على الطرق المصرية العظيمة
وكون إن معظم الناس مكنتش واخدة بالها إنهم ممكن يعملوا حوادث ويطلعوا منها سلام , لإنهم إتعودوا إللي يعمل حادثة على الزراعي يموت في ساعتها , ده ما يمنعش إن كان في ناس فاهمة !!
وبعدين يا سيدي إعتبرها معلومة كانت غير متوفرة والآن أصبحت معروفة أنت حاتحاسبنا إننا بقينا بنفهم ؟
المهم بقه إن كل الشركات فهمت إلا غبور , مخه تخين قوي , وأهو بيدفع تمن غبائه والسوناتا قاعده عنده والجيتا والسيفيك والاوكتافيا بيبيعوا بجنون
(بمناسبة الصيني -اللي ما بطيقوش على فكرة - جربنا الإ بي اس في الصيني واشتغل في معاده واشتغل كويس , أخبار فرامل الفيرنا إيه ؟ )
يا جماعة الي يعرف يجيب مشاركات لاكرم يحطها هنا علشان الناس تقتنع
هقولكوا على موضوع
مرة واحد هنا في المنتدى كان عارض شقة للبيع في مشروع بيت العيلة
المهم طلبنا منه صور للشقة
الراجل مشكور صور الشقة من جوة و من برة
و للأسف كان في عربية هيونداي واقفة في أخر الشارع مش باينة أصلاً
الأخ أكرم ساب الموضوع كله و مسك في هيونداي و شوفوا واقفة أزاي و اي كلام في كلام ملوش علاقة بالموضوع
طبعاً محدش هيصدق
أن شاء الله أحاول اجيبلكوا لينك للموضوع علشان هو كان من كذا شهر
او لو حد فاكر اسمه كان مكتوب أزاي يعمل بحث على مشاركاته و أقروها بمعرفتكم
انا مش بجزم انه بياخد مقابل للكلام ده بس الوضع ينطبق عليه
هو انا أنسى يوم ما كان فيه أخ في المنتدى عارض شقته للبيع و حاطت صورها...و كان فيه صورة منهم فيها عربية نيو أكسنت ركنة بعيييييييييد....
قام السيد أكرم ساب الموضوع كله و الشقة و دخل يمدح في النيو أكسنت اللي ركنة !!!!
و على فكرة...موضوع ال 150 جنيه ده عادي جداً...ممكن تكون أكتر من كده...بس اللعب القذر موجود في كل حتة....تخيل شاب مبيشتغلش و مكملش تعليمه و مش لاقي أي حاجة يعملها غير انه بيقعد على النت...لما تجيله فرصه بأي مبلغ و مش هايتعب في حاجة..كل اللي عليه يتكتكت على الكيبورد... يبقى ليه لأ؟
150 قليل قوى
طب زود صفر تبقى معقولة
الموضوع ده انا اعرفه من اكتر من ٤ سنين في مجال بعيد عن السيارات و اكتشفت وقتها ان توكيلات كتير جداً بتلعب اللعبة دي، خلاصة الموضوع اني لي صديق شخصي صاحب توكيل لماركة شهيرة، و بحكم الصداقة كنت اعرف اغلب موظفينه، ما عدا اتنين معرفش بيعملوا ايه، و بعد كده زاد عليهم واحد، ، و التلاتة قاعدين ليل و نهار علي الكمبيوتر ما بيعملوش حاجة غير كده، و بصراحة استغربت لان شغله كله مالهوش علاقة بالكمبيوتر، غير في الحسابات، و دول مش تبع الحسابات، و لاحظت انهم مابيعملوش حاجة غير الدخول علي المنتديات و الشات، مما زاد من اندهاشي، لان صديقي ده من النوع الشديد و استحالة يقبل بالتسيب ده، و بعد الحاح مني شديد عرفت منه وظيفتهم الحقيقية، و انهم متخصصين فقط في الدخول علي المنتديات باسماء و كنيات مختلفة للترويج لماركته و الدفاع عنها، و مفيش مانع برضه انه يشوه الماركات التانية في الطريق، و ساعتها اكتشفت ان معظم توكيلات السلعة دي بتلعب نفس اللعبة، بل يوجد تجارة سرية في اشتراكات المنتديات القديمة ، بمعني ان واحد يعمل اكونت يعمل بيه مشاركات كتير في مواضيع مختلفة و يقعد بيه شوية شهور و بعد كده يبيعه لتوكيل من دول (او ده اللي انا فهمته)
و من ساعتها انا مش بثق في كل الاراء الموجودة علي المنتديات و دائما بابقي في حالة شك ،،،،،
على كده العضوية بتاعتي تجيب كام ؟؟؟؟ :):):):)
شكراً على المعلومات :)
150 جنيه ...ماعتقتدش ...بالتأكيد أكتر ...
مش عاما...دي مش حاجة جديدة ... معرفة من زمان ...وموضوع إن المنتديات يتبصلها ويبقى فيه ناس تعمل دعاية ..ده التطور الطبيعي للحاجة الساقعة ...وال فسيبوك وحتلاقي contactcars وأي حتة ...الدنيا تتطور يا صديقي ...بس هو مين اللي مشى اكرم ده
اللهم اهدنا
150 جندى مصرى فى الشهر؟!!
طيب هوه بيعمل مونيتور عليه ازاى؟ بيعرف اذا كان عمل شغله ولا لأ ازاى؟!
+1111111111111
ده أسم العضو اللى عاوز يراجع مشاركاته...
akram2010
ياجماعة اللى بيدافع وبيقول ان مش معقولة 150 جنية وغبور توكيل محترم واحسن توكيل ومبيعاتة كبيرة ومش محتاج لنا للتسويق لية وبيقول فين الدليل
طب اكرم وهو خير دليل على ذلك ودا باين اوى فى مواضيعة وهى كلاتى
اكرم عمل موضوع بيقارن مابين هيونداى i30 وينو ميجان وبيقسم بالله ان لما جرب ال i30 طلعت احسن من الميجان هل دا كلام يعقلة حد
http://www.nilemotors.net/Nile/73764-i30.html
عما موضوع وكان عنوانة ( الفرنا احسن من اللانوس) وداخل بيعيب فى الانوس وبيشكر فى الفيرنا لدرجة الناس استغربت وردت قالتلو خلاص اشترى الفيرنا اية مشكلتك
http://www.nilemotors.net/Nile/77249-a.html
نيجى للمشاركات
http://www.nilemotors.net/Nile/searc...archid=1062743
شوفوا المشاركات واحكموا بنفسكم انا سايبلكم التعليق
بعض المشاركات من الاخ العزيز اكرم ..
اقتباس:
شوف دة ركوبه ودة ركوبه . لو غاوى عربيه سيدان خليك فى الاكسنت ولا غاوى الحاجات العاليه طراز وجن الماتركس والاتنين احلى من بعض شوف انتى ال ريحيك ايه
اقتباس:
هيونداى جيتز او نيو اكسنت افضل مليون مرة من طلبك فلوسك معاكى روحى اتفرجى عليهم والجتز اللون الاسود او الفيرانى خطير بفرش احمر فى اسود دلع وشياكه
اقتباس:
الاكسنت ممتازة طبعآ وتوكل على الله
كشف نفسه فى المشاركة دى :) كان هياخد الرقم يديه للمسئول بتاعه :)اقتباس:
هيونداى نيو اكسنت مانيوال. ممتازة عربيه كوريه 100% اتوكل على الله
هنا جاب الاخر :)اقتباس:
انا عايزك ياريت مع الكلام الجامد تكتب رقم المحمول بتاعك ولو اى مسؤل من غبور يرد عليك . لان بصراحه كثير نجد كلام من اشخاص لامعهم هيونداى من الاصل وكلام من وحى خيالهم . فياريت لو هناك مصداقيه تكتب نوع...
اقتباس:
صديقنا العزيز من ينصحك بحاجه غير اللانسر او الهيونداى فى مصر لاتاخد كلامه على محمل الجد . اى عربيه تانيه سكتها توكيلات وغالبآ حاجتها غاليه ومش كل حاجه تلاقيها فى حاله لاقدر الله حادث وقطع تحتاج...
اقتباس:
ولما نقولكم اشتروا هيونداى ولا لانسر من الاول تزعلوا . ياريت بقى تصحوا ومحدش فاضى للقصص دة ونشترى عربيات الميكانيكى ال تحت البيت يصلحها وقطعها متوفرة ورخيصه ونخلص
اقتباس:
الهيونداى افضل من الكيا فى جودة السيارات وخامات الاجزاء . شوف تقفيل الالنترا والاجزاء تجدها افضل من السيراتو والماتركس والكارينز
على فكرة الرجل ده كان شغال مع لانسر و هيونداى مش هيونداى بس ..اقتباس:
سيارة ممتازة جدآ ومبروك مقدمآ صالون وشنطه وشياكه وجودة هيونداى اتوكل يارجل السيارة الهيونداى مرخصه تاكسى فى الرياض عاصمه المملكه العربيه السعوديه يعنى سيارات ممتازة فى الحر الشديد وتنافس التويوتا فى...
ما هو ممكن بكلامه عن اللانسر واحد يروح يشترى بومه بدل الالنترا و ساعتها يبقى التوكيل بتاعه مستفادش بحاجة :):)
مشاركاته تحرق الدم بجد , بيقول لواحد محتار فى اللوجان و الفيرنا ان كفاية انك تشترى عربية من هيونداى دى شركة عريقة .
طب الرجل ده لو كان اشتغل ب 175 جنيه فى بي ام كان عمل فى الناس ايه :) !
والله حضرتك مش شايف إن مبيعاته خيالية يبقى فعلا حضرتك في المدينة الفاضلة مش في مصر يا راجل عيد كام hyundai تحت بيتكم :mahf(5):
ياسلام و الموظف التاني اللي بيراقبو ده منين يعرف إنه بيراقبو صح وهما الاتنين مش بيداروا على بعد ..قولي بقى يعين واحد تالت والتالت عيزله رابع بذمة ده كلام مايفتح شركة بقى يشغلهم فيها :fdsa::fdsa:
على فكرة كفاية عمالين تجيبه في سيرة الراجل وممكن يكون مظلوم وحتى لو كان كده أهو راح ل حاله حد فيكم يعرف لو كان مطرحه كان ممكن يعمل إيه !!!:rfds::whtauwant:
دية اسمها التجارة الغير شريفة
دة توكيل ميتسوبيشى عمرة ما عمل اعلان واحد عن اى عربية
وادينا شيفين لانسر و الباجيرو مبيعاتهم عملة ازاى