الموضوع: مجندين غبور - خارج اصول المهنة

المشاركة الأصلية كتبت بواسطة dodino2006

الموضوع ده انا اعرفه من اكتر من 4 سنين في مجال بعيد عن السيارات و اكتشفت وقتها ان توكيلات كتير جداً بتلعب اللعبة دي، خلاصة الموضوع اني لي صديق شخصي صاحب توكيل لماركة شهيرة، و بحكم الصداقة كنت اعرف اغلب موظفينه، ما عدا اتنين معرفش بيعملوا ايه، و بعد كده زاد عليهم واحد، ، و التلاتة قاعدين ليل و نهار علي الكمبيوتر ما بيعملوش حاجة غير كده، و بصراحة استغربت لان شغله كله مالهوش علاقة بالكمبيوتر، غير في الحسابات، و دول مش تبع الحسابات، و لاحظت انهم مابيعملوش حاجة غير الدخول علي المنتديات و الشات، مما زاد من اندهاشي، لان صديقي ده من النوع الشديد و استحالة يقبل بالتسيب ده، و بعد الحاح مني شديد عرفت منه وظيفتهم الحقيقية، و انهم متخصصين فقط في الدخول علي المنتديات باسماء و كنيات مختلفة للترويج لماركته و الدفاع عنها، و مفيش مانع برضه انه يشوه الماركات التانية في الطريق، و ساعتها اكتشفت ان معظم توكيلات السلعة دي بتلعب نفس اللعبة، بل يوجد تجارة سرية في اشتراكات المنتديات القديمة ، بمعني ان واحد يعمل اكونت يعمل بيه مشاركات كتير في مواضيع مختلفة و يقعد بيه شوية شهور و بعد كده يبيعه لتوكيل من دول (او ده اللي انا فهمته)
و من ساعتها انا مش بثق في كل الاراء الموجودة علي المنتديات و دائما بابقي في حالة شك ،،،،،

ايه هي بقه السلعة دي ؟؟؟

المشاركة الأصلية كتبت بواسطة ehaballam

أولا : ماعتقدش إنها حرام وممكن نسأل فيها ..دي دعاية ..آه صحيح إنه مش بيقول للناس الحقيقة بس دعاية ...
ثانيا : يا راجل إنت ساويت بين الحشيش والكلام ده ...مش للدرجة دي

لا أنا ساويت بين الكذب و التضليل وبين تجارة الحشيش
إنما الدعاية الأمينة طبعا حلال , بس تقول أنا بعمل دعاية مدفوعة علشان الناس تعرف بتتكلم مع مين

بعض المشاركات من الاخ العزيز اكرم ..

شوف دة ركوبه ودة ركوبه . لو غاوى عربيه سيدان خليك فى الاكسنت ولا غاوى الحاجات العاليه طراز وجن الماتركس والاتنين احلى من بعض شوف انتى ال ريحيك ايه

هيونداى جيتز او نيو اكسنت افضل مليون مرة من طلبك فلوسك معاكى روحى اتفرجى عليهم والجتز اللون الاسود او الفيرانى خطير بفرش احمر فى اسود دلع وشياكه

الاكسنت ممتازة طبعآ وتوكل على الله

هيونداى نيو اكسنت مانيوال. ممتازة عربيه كوريه 100% اتوكل على الله

كشف نفسه فى المشاركة دى :) كان هياخد الرقم يديه للمسئول بتاعه :)

انا عايزك ياريت مع الكلام الجامد تكتب رقم المحمول بتاعك ولو اى مسؤل من غبور يرد عليك . لان بصراحه كثير نجد كلام من اشخاص لامعهم هيونداى من الاصل وكلام من وحى خيالهم . فياريت لو هناك مصداقيه تكتب نوع...

هنا جاب الاخر :)

صديقنا العزيز من ينصحك بحاجه غير اللانسر او الهيونداى فى مصر لاتاخد كلامه على محمل الجد . اى عربيه تانيه سكتها توكيلات وغالبآ حاجتها غاليه ومش كل حاجه تلاقيها فى حاله لاقدر الله حادث وقطع تحتاج...

ولما نقولكم اشتروا هيونداى ولا لانسر من الاول تزعلوا . ياريت بقى تصحوا ومحدش فاضى للقصص دة ونشترى عربيات الميكانيكى ال تحت البيت يصلحها وقطعها متوفرة ورخيصه ونخلص

الهيونداى افضل من الكيا فى جودة السيارات وخامات الاجزاء . شوف تقفيل الالنترا والاجزاء تجدها افضل من السيراتو والماتركس والكارينز

سيارة ممتازة جدآ ومبروك مقدمآ صالون وشنطه وشياكه وجودة هيونداى اتوكل يارجل السيارة الهيونداى مرخصه تاكسى فى الرياض عاصمه المملكه العربيه السعوديه يعنى سيارات ممتازة فى الحر الشديد وتنافس التويوتا فى...

على فكرة الرجل ده كان شغال مع لانسر و هيونداى مش هيونداى بس ..

المشاركة الأصلية كتبت بواسطة nadernabil

لأ هو أدرج اللانسر لأنه عارف ان مش هاينفع يغلبها لو قلب قرد و مشي على حواجبه...
فا قالك أحط اللانسر كمان علشان مانكشفش :) و يبقى باين اني محايد :)

ما هو ممكن بكلامه عن اللانسر واحد يروح يشترى بومه بدل الالنترا و ساعتها يبقى التوكيل بتاعه مستفادش بحاجة :):)

مشاركاته تحرق الدم بجد , بيقول لواحد محتار فى اللوجان و الفيرنا ان كفاية انك تشترى عربية من هيونداى دى شركة عريقة .

طب الرجل ده لو كان اشتغل ب 175 جنيه فى بي ام كان عمل فى الناس ايه :) !