لماذا يقوم بعض الشباب السائقين للعربيات الكوري بمضايقة من يقود السيارات اليابانى

**M.Osman** · 27-12-2009 12:15 AM

على فكرة انا معايا فيرنا و شايف ان الموضوع دا بيكون على حسب الشئ اللي سايق مش العربية او ممكن حضرتك لاحطته في اللانوس و الفيرنا لكثرة انتشارهم

**Yusuf** · 27-12-2009 02:00 AM

فعلا الموضوع ملوش علاقة بنوع العربية... دى شخصية السائق ومدى احترامو لنفسه وللناس... ربنا يهدينا جميعا
أنا لسه شايف امبارح موقف بايخ من دول من واحد راكب النترا بيكسر بغباااااء على بنت راكبة 307 على منزل أكتوبر
مفيش ذوق... مفيش مراعاة للناس اللى جاية وراه..... مفيش أدب.

**pharonicking** · 27-12-2009 03:00 AM

انا ملاحظ ان اللى راكبين العربيات الكورى تحس فيهم بغرور شوية مش عرف ليه"؟

**m_taha** · 27-12-2009 11:55 AM

المشاركة الأصلية كتبت بواسطة yusuf

فعلا الموضوع ملوش علاقة بنوع العربية... دى شخصية السائق ومدى احترامو لنفسه وللناس... ربنا يهدينا جميعا
أنا لسه شايف امبارح موقف بايخ من دول من واحد راكب النترا بيكسر بغباااااء على بنت راكبة 307 على منزل أكتوبر
مفيش ذوق... مفيش مراعاة للناس اللى جاية وراه..... مفيش أدب.

من امن العقوبة اساء الادب

**Ahmed Hassan** · 27-12-2009 02:41 PM

اعتقد انه افتراض مش في محله من الاساس

**M.Mosaad** · 27-12-2009 03:04 PM

انا في رايي انه مش كوري و ياباني هو اغلي و ارخص

يعني في ناس معقدة لما بيشوف عربيه اغلي من عربيته بيحاول باستماته انه يعديها علشان يثبت لصاحبها انه اشطر منه و مضحكشي عليه و جاب حاجة بتجري اسرع و بسعر ارخص و مش بيبص ان ممكن يكون الشخص اساسا مش من هواه السرعه او من الناس اللي بتمشي بمزاجها يعني ساعات الواحد بيبقي ليه مزاج انه يمسك اليمين و يقفل الازاز و يعيش مع نفسة

و الموضوع برضة عكسي يعني لو واحد عربيته ارخص عدي من جنب واحد عربيته غاليه تلاقيه طار وراه و قعد يقطع نفسة علشان يسبقه معنه لو فكر شوية هيلاقي ان عربيته فيها حاجات تانيه غير السرعه هي اللي رافعه سعرها

الانواع دي بيبقي كل مقارنتهم للعربيه انها اسرع و ابطء و اي عربيه بتبقي احسن من التانيه لما بتسبقها فهو بيرضي حاجة نفسية جواه انه جاب الارخص و في نفس الوقت اسرع او جاب الاغلي و سبب عقدة للناس اللي حواليه

انا من اكتر الكلام اللي بينرفزني كلمة علمت عليه ((( اما النهاردة بقي علمت علي عربيه كذا و كذا و كذا ... ) بحس انه شخص معتوة

ربنا يشفي كل مريض منهم

**wesam_salom** · 27-12-2009 03:42 PM

انا شايف ان المشكله دى من عندك انت

**waleedfesal** · 27-12-2009 04:29 PM

انا شايف انها مشكلة السائقين انفسهم
يعنى العمليه فى الاول و الاخر نفسنه وبس

**dode2002** · 27-12-2009 04:36 PM

المشاركة الأصلية كتبت بواسطة Ahmed Hassan

اعتقد انه افتراض مش في محله من الاساس

+111111111111111111111111111111
معاك حق وبعدين انا اي حد بيحاول يشد معي بوسعله وخليه يعدي ومبشدش قصاد حد حتي لو كانت 128

**Imhotep** · 27-12-2009 04:39 PM

فعلا الموضوع ده انا لاحظته كتير و لفت نظرى اوى لدرجة انى كرهت الفرنا بسببه.... بس العيب مش فى العربية العيب فى ابو نفسية تعبانة اللى سايقها..... اغلب الظن ان ده بيبقى تنفيس عن احساسه بالنقص و بالتالى بيعوضه بالحاجات التعبانة اللى زيه اللى بيعملها..... ربنا يشفى كل مريض و معتوه.....