لماذا يقوم بعض الشباب السائقين للعربيات الكوري بمضايقة من يقود السيارات اليابانى

**samcar** · 27-12-2009 09:57 PM

الشد مع الغير ده اكيد عقدة بس نوعها ايه مش عارف- عموما اما الشخص يحترم نفسه وانت تسيبه يعدى او يسوق فيها ويعدى وبعدين يكسر عليك- قلة ادب فوق البيعه= هنا بقى العرق الصعيدى بينقح على باجرى واجيبه وازنقه زنقة موت وحكاية اللى يلزق فى ديل العربيه دى اكتر اللى بيعملوها بتوع الميكروباص - حلها سهل - باصبر لغايه ما جى جنب نقل بمقطوره ويكون فى مقابل واهدى مره واحده واحنا فى نص العربيه النقل وبعدين غرزه سريعه صاحبنا يلاقى نفسه فى وش المقابل- عملتها مع كام واد من بتوع الميكروباص- بالاقيه بعد عنى بتاع100 متر ولما يحب يعدى بيجنح يمين على الاخر ويعدى وكانه بيقول ربنا يكفينا شرك- بس والله بعدها باقعد الوم نفسى
لانه مش مفروض ان الواحد يستسلم للغضب- بس حنعمل ايه قلة الادب فعلا بتنرفز

**osama_ruan** · 27-12-2009 10:12 PM

المشاركة الأصلية كتبت بواسطة Yusuf

فعلا الموضوع ملوش علاقة بنوع العربية... دى شخصية السائق ومدى احترامو لنفسه وللناس... ربنا يهدينا جميعا
أنا لسه شايف امبارح موقف بايخ من دول من واحد راكب النترا بيكسر بغباااااء على بنت راكبة 307 على منزل أكتوبر
مفيش ذوق... مفيش مراعاة للناس اللى جاية وراه..... مفيش أدب.

**theking2690** · 27-12-2009 10:46 PM

مش عارف حضرتك بنيت المبدأ ده على اساس ايه الموضوع مالوش علاقه بالعربيه والا الناس بتوع البوما والميراج والسيفيك و الكرولا و المازدا 3 محطتهمش فى دماغك ودول اغلب اللى راكبينهم شباب برضه وبيعملوا نفس اللى حضرتك قولت عليه الموضوع ليه علاقة بأخلاقيات السواق ملوش علاقه بالعربيه وعامة علشان محدش يقولى انت بتقول كده علشان راكب كورى انا الحمدلله زى ما معايا ماتريكس زى ما معايا هوندا سواقتى بالاثنين مش مختلفه غير لما ساعات بكون مستعجل و مضطر اجرى وساعتها مش ببص انا راكب الهوندا ولا الماتريكس

**ahmed_su** · 27-12-2009 11:23 PM

المشاركة الأصلية كتبت بواسطة tutankhamoun

أيه ده أنا مش مصدق اللي اللي بيتناقش هنا ؟؟؟؟ أنتوا بتتكللموا بجد ..؟؟؟؟

والله العظيم معاك حق !!!!!!!!!!!

**M.Osman** · 27-12-2009 11:32 PM

عايزين رأي dr.phil ‎‏ في الموضوع دا

**tamagogo** · 27-12-2009 11:52 PM

انا موافق على الكلام ده, كل ما العربيه كانت ارخص كل ما الواحد بيبقى عايز يعمل راسه براس الكبار عشان يثبت نفسه .
عمركوا شوفتوا بي ام او مرسيدس من الكبار بيشدوا وماحدش يقولي انهم رجال اعمال لان فيهم شباب؟ والله انا شفت عربيات مرسيدس وبي ام سبور وماشيه هاديه وفي حالها خالص, لانه واثق من نفسه من غير ما يحاول يثبت انه جامد.

**medo2o1o** · 28-12-2009 12:44 AM

المشاركة الأصلية كتبت بواسطة nabaster

وطالما فيه الفاظ مش كويسه ليه بتحطه من الاصل

رجاء من الاداره حذف الفيديو لاحتواءه علي الفاظ غير لائقه

A.Yakout

[justify] I'm awfully sorry for any insult I've caused but i really want you to watch the video there is no shatayem or alfaz except for ya motahawer and things like that nothing else ijust said that so you don't hear them insulting me for my prestige only and i was only joking but if you see the video has insulted you or any of the respectable members i'm really sorry and i promise no more posts for me ever again[/justify]

**m_taha** · 28-12-2009 01:45 AM

المشاركة الأصلية كتبت بواسطة baskota

مع احترامى لصاحب الموضوع

انتوا فعلا مقتنعين ان ده بيحصل؟؟؟؟؟؟؟؟؟؟؟؟؟؟

شكرا للرد بس والله ده بيحصل كتير اوي و انا سايق في مدينة نصر (طريق النصر) و المقطم و صلاح سالم

**m_taha** · 28-12-2009 01:54 AM

المشاركة الأصلية كتبت بواسطة moudy88

مع احترامي لصاحب الموضوع ..انا شايف ان الموضوع كده بيمثل اهانه لمالكين العربيات الكوري ..بوصفهم بان عندهم عقد نقص وما الى ذلك ..وبكده احنا رجعنا للطبقيه والتقسيم بين افراد الشعب الواحد
من مسلم الى سني وشيعي الى اهلاوي وزملكاوي والى ملاك كوري وملاك ياباني ..وكأن ملاك الياباني من ام وملاك الكوري من ام اخرى
ماهو نفس السواق اللي بيسوق الفيرنا برعونه هو هو اللي بيسوق اللانسر البوما برعونه اشد ..واظن ان نماذج اللانسر البوما ماليه الشوارع ..هل معنى كده ان ملاك اللانسر البوما برضه عندهم عقدة نقص ؟؟؟
البني ادم اللي بيتصرف بالطريقه دي هو هو ..سواء امتلك كوري او ربنا فتحها عليه وامتلك يباني

وتقبلو احترامي

شكرا للرد بس و الله انا لم اقصد الاهانة مطلقا بدليل اني اولت بعض الشباب و ما اولتيش كل الي راكبين الكوري

و انا اسف اذا كنت زعلتاك

بس و الله ده الي بحصل

انا اسف مرة تانية
و شكرا