المشاركة الأصلية كتبت بواسطة MohabSaeed
1- عداد البنزين اساسا مش بيتظبط و دايما بيديك قرايه مش دقيقه ... , لو ديه المشكله الى عندك يبقى ماتحاولش فيها .
2- هل المساعدين الى عندك المساعدين الاصليه ؟ .... عموما الاول اسأل على المساعدين المونرو عند هشام لهيطه فى التوفيقيه ...و دور على الkyb فى شارع دمشق .
3- زوايا .. او ممكن يكون فى المشكله فى العفشه بحكم انك بتشتكى منها .
4- ياريت توضيح للصوت ؟
5- ايه المشكله فى الكاست بالظبط ؟؟ .... عموما انا عندى السى دى كان مش بيدخل او يخرج السى دى ... وديته عند مركز كلاريون فى احمد عرابى المهندسين و اتصلح و اتكلف 200 جنيه .
6 و 7 .... حد بتاع اجهزه انذار كويس حيوشفلك الموضوع و ان شاء الله حاجه بسيطه ..... ممكن تشوف سبير كار جمب وزاره الداخليه " عابدين " .
8 - سلاح المفتاح نفسه هو الى مكسور .... ولا الكفر البلاستك هو الى مكسور ؟ ........ز لو سلاح المفتاح اتكسر ... ممكن تعمل مفتاح جديد و تنشر الراس بتاعته و تركبه على الكفر الى معاك ..... لو الكفر هو الى مكسور اشترى مفتاح مستعمل من الحرفين و خد الكفر بتاعه و ركب الريموت و الشريحه و السلاح الى عندك على الكفر الجديد .
9 - حد بتاع كوالين حيظبتلك الموضوع .
10 - حيبان مع الكشف على العفشه الى الى محتاج يتغير ... مقصات ... بارات ... مساعدين ............
.... نصيحه متبيعش لان الحاجات الى فيها بسيطه و تتظبط ان شاء الله من غير مشاكل و ترجع تانى زى الاول .
انا حبعتلك على الخاص .... عنوان و رقم تلفون ورشه متخصصه فى بروتون عموما ...