معاى 25000 وعاوز عربية حلوة اية رايكم شورى عليا بس الى يقول حاجة يقول حاجات قدامة يعنى ممكن اشترى منة ولكم جزيل الشكر يا اصدقائى
عرض للطباعة
معاى 25000 وعاوز عربية حلوة اية رايكم شورى عليا بس الى يقول حاجة يقول حاجات قدامة يعنى ممكن اشترى منة ولكم جزيل الشكر يا اصدقائى
ابيزا 1994 يا معلم
او بونتو 1994 برضه
والاتنين فول اوبشن دواخل فابريكه على الاقل .
طيب عندك ارقامهم
لا للاسف .. بس النت مليان اعلانات حضرتك دور وان شاء الله تلاقى طلبك وربنا يكرمك
هتبقى اول كلمه مثلا ف العربيه 28 الف عشان متتخضش من السعر .. بس تخلصها على 25 و انت عارف بقى ده نظام السوق فى مصر ..
اونو
كيا برايد
انسب اختيارين
بالتوفيق
انا كمان والله لو حد ادامك انا عاوز حاجه من الاتنيناقتباس:
المشاركة الأصلية كتبت بواسطة mxz911
بونتو وابيزا واوبل كورسا التلاته فى نفس الرينج
بس عاوز اقوللك مش هاتلاقى عربيه واقفه بالسعر ده
هتاخدها شوربه
ال 3 عربيات دول بالذات بلاش تجيبهم متهانين والا هاتهينك
اقل سعر للاوبل كورسا النضيفه 35 الف وفى ناس واقفين فى السوق عاوزين 40 واقسم بالله شفت واحد عاوز 45 فى عربيه موديل 94
البونتو اقل رينج للعربيه النضيفه 29 ل 30 الف وبتوصل ل 32
الابيزا ال 94 النضيفه اقل واجب بيتكلم فى 30 بردو وتوصل 33
ال 98 من 33 ل 36
وده رينج العربيات النضيفه اما لو واقعه فكل ده هايتكلم فى سعر من 25 ل 28
وخللى بالك هاتصرف عليها اللى يوصلك لاكتر من تمنها ولو معيوبه يبقى هاتبلع الفلوس ومش هايبان عليها وفى اعادة بيعها مش هاتجيب تمنها صافى
بخلاف كده المبلغ ده محتاج يزيد الفين او تلاته وتلعب فى كيا برايد كويسه او اكسيل 1300 بس بدون تكييف او سوزوكى سويفت مكيفه موديل 93 او سكودا موديل 95 ل 97
ممكن تشوف عربيه سوزوكي سويفت ممكن تكون ازود شويه من الرقم بتاعك
زود شويه وهاتلك اكسيل
punto 94 بس مش عرف بقى يجيبلك نضيف ولا لأ
ibeza 94 زي البونتو
UNO94 دييه تقربا تجبها نضيفة ب 25
ريجاتا
فيليشيا بدون تكييف
سويفت
بص
ادخل على كونتاكت كارز
وشوف سوق المستعمل هناك عامل ايه في حدود فلوسك
مقدرش افيدك بأكتر من كده
وربنا يوفقك ويرزقك ببنت الحلال الي تريحك ع الاسفلت وفي المطبات
قول آمين
اونو 94 ابيزا94 ممكن تلاقى فلشيا فاضية 95
خليك في الريجاتا بس حاجة نظيفة والله انا معايا العربية دي ممتازة جدا عالطريق قطع غيارها ببلاش ناعمة في السواقة كمالياتها كويسة عيبها الوحيد انه صعب تلاقي حالة نظيفة بس لو لقيت هي عربية فيها مميزات القديم في قطع الغيار وكماليات ونعومة الجديد