الموضوع: صيانة ال20 الف من غير التوكيل

المشاركة الأصلية كتبت بواسطة ahmedtefagad

بعيد عنكوا من عقدرة التوكيل الى عندى وانى حالف انى ما اوديها توكيل ابداا لانهم بيضيعوا يوم كااامل وبيزلوا اهلنا كانهم بيعملوا صيانة طيارة حربية ,,,وحرائين اووى ى الحساب ...والحمد لله مش مخليها محتاجة حاجة ...لانها حاجات هبلة الى بعملها ....

العربية الحمدلله عدت ال20000 وعايز اعملها الصيانة بنفسى واعملها رفريش بمعنى اصح محتاج مشرورتكم معايا يا شباب وخبرائنا بعد اذنكم

عرفت ان البوجيهات بتتغير المرة دى ...... سالت على ال ngk قالولى ب 60 ج وتلت تربعهم ى السوق مضروب ...والسبيلت فير ب 110 بس انا مش هجيب سلوكها دلوقتى للان الميزانية مش هتسمح معايا .......وفى حاجة هتجننى حكاية البوجيهات بتاعت الانوس الى بيقولى عليها اقولهم نوعها اية يقولى كورى يا باشا .....


نفس النظام فى التيل يقولى بتاع الانوس الكورى ب 45 ومتعرش اسم مركة بس لونة اخضر والقديم رمادى!!!! ......

الزيت والفلاتر سهلة دية مفهاش مشاكل :) هجيب بس الكوع للفيلتر

قربة مية المساحات عايز اغيرها برضك ودية دايخ عليها ولا عارفلها سعر ولا مكان

بس وهربط عشة ... وهغسل شاسية وموتور بالفوم.....

....لو حد عندة اى اضافة زيادة بتتعمل او يعرف مكان اجيب منة الحاجة موثوق ورخيص يبقى خدمنى جدااااااا

ولا اخلى حد يوديثها التوكيل غيرى علشان الحلفان واريح الجمجمة ....رغم انى هكون مش مبسوط اووى من الحكاية دية .........

يا ريت نعرف فرع التوكيل ال حضرتك كنت بتتعامل معاه انهي واحد بالظبط عشان نتجنبه

المشاركة الأصلية كتبت بواسطة aly_hosny

يا ريت نعرف فرع التوكيل ال حضرتك كنت بتتعامل معاه انهي واحد بالظبط عشان نتجنبه

هى تجربة يتيمة فى ابو رواش والعربية كانت عاملة لسة 2000 كيلو وكانت العربية بتسرب زيت باكم بتاع الفرامل والدبرياج وقالت اوديها للتوكيل ومعايا ولدتى ومعاملة زى الزفت كانى بشحت منهم وقعدونى فى الاستراحة لحد ما المهندس جة وقالى بعديها هتتحجز وهنبقى نشوفها بكرة وسابنى ومشى من غير ما يفهمنى اى حاجة ...دخلتلة وقهمتة بالزوق انى معايا ولدتى ومش هنقدر نروح موصلات على الاقل بص فيها حتى ونروح بيها وان شالة اعملها برة .....حسسنى انو وراة الوزارة مستنياة وميقدرش ومش عارف اية وشدينا شوية بالكلام وسبتة ومشيت وفى الاخر طلعت صملوة مهوية هيا الى بترسب والى عرفها كهربائى كمان وخد 5 ج حلاوة ايدة ......ومن ساعتها انا وولدتى كارهين حاجة اسمها توكيل من الى شفناه هناك

المشاركة الأصلية كتبت بواسطة ahmedtefagad

هى تجربة يتيمة فى ابو رواش والعربية كانت عاملة لسة 2000 كيلو وكانت العربية بتسرب زيت باكم بتاع الفرامل والدبرياج وقالت اوديها للتوكيل ومعايا ولدتى ومعاملة زى الزفت كانى بشحت منهم وقعدونى فى الاستراحة لحد ما المهندس جة وقالى بعديها هتتحجز وهنبقى نشوفها بكرة وسابنى ومشى من غير ما يفهمنى اى حاجة ...دخلتلة وقهمتة بالزوق انى معايا ولدتى ومش هنقدر نروح موصلات على الاقل بص فيها حتى ونروح بيها وان شالة اعملها برة .....حسسنى انو وراة الوزارة مستنياة وميقدرش ومش عارف اية وشدينا شوية بالكلام وسبتة ومشيت وفى الاخر طلعت صملوة مهوية هيا الى بترسب والى عرفها كهربائى كمان وخد 5 ج حلاوة ايدة ......ومن ساعتها انا وولدتى كارهين حاجة اسمها توكيل من الى شفناه هناك

اصلا انا لما اتصلت احجز قعدو يقولولي انت منين عشان اقرب فرع وكدا
المهم حظي السعيد جدا جدا جدا انهم قالولي مش عايزين نتبع حضرتك وفي فرع في قويسنا وانا من بنها يعني حوالي 10 دقايق بالعربية لو انا ماشي براحتي المهم قولت في نفسي دا في قويسنا يعني ناس مش خبرة وممكن ميفحصوش العربية كلها والكلام دا
المهم روحت لاقيت الناس قمة في الذوق والادب في التعامل والمشروبات ببلاش "هو شاي بس تقريبا"
هو المركز صغير شوية بس المعاملة عالية جدا وكل ال دفعته 102 جنيه تمن الزيت الفلتر والمصنعية ببلاش عشان كان في حملة

الحمد لله يا شباب عملت الصيانة كاملة من غير الحوجة لوجع قلب التوكيل وظبت العربية ومكلفتنيش اكتر من 500 جنية بتغير القربة الجى ام وبوجيهات وافيز مقص وزيت وفلاتر وتربيط عفشة وملى الكوتشات نيتروجين وغسيل كار كير كامل وزوايا وظبطت الكلالكس وشحن البطارية وكارتيرة رفرف كمان ....الف شكر ليكوا يا جماعة على مشاركتكم ليا ....


اة بالمناسبة كمان عملت حركة لذيذة فى الفلتر علشان ميخدش هوا سخن من الحوض ..هبقا ارفع الصور ان شاء الله