السلام عليكم ورحمة الله وبركاته.......
عايز اعرف ازاي احافظ علي مجموعة الدبرياج لأن خبرتي بالمانيوال وصيانته قليلة جدا.
وجزاكم الله خيرا.
عرض للطباعة
السلام عليكم ورحمة الله وبركاته.......
عايز اعرف ازاي احافظ علي مجموعة الدبرياج لأن خبرتي بالمانيوال وصيانته قليلة جدا.
وجزاكم الله خيرا.
والله لو اعرف كنت قلتلك يا ابو الوليد
ان شاء الله تلاقى رد من الاعضاء
متحملش رجلك عالدبرياج طالما العلابيه أخدت سرعتها وطول ما العربيه واقفه فى اشاره لمده خليها مموره ومتفكرش تسقط غيار من الرابع مثلا" للتانى خصوصا" لو الرابع كان واخد سرعته ومتطلع طلعه فجأه علشان الموضوع ده بيبوظ طقم الدبرياج
معلش كلامى سريع لكن ممكن يفيدك .
عدم الضغط على دواسة الدبرياج
عدم التفحيط ( الأمركة ) = بقصد لف العجل فى الأرض على الفاضى
عدم الضغط على الدبرياش بدون فائدة
بس يا باشا حاول تتعود انك طول ما أنت واقف مستنى حد أو واقف فى أشارة أو زحمة شيل رجلك من على الدبرياج وأرفع الهاند وحاول وانت ماشى ما تسندش رجلك على الدواسة بتاعت الدبرياج وشيل رجلك خالص وحاول ما تفركش كتير بالعربية
استخدامات الدبرياج:
1 نقل الغيارات
2 فصل الحركة قبل ما الموتور يفصل
غير كدة أي ضغطة بتقلل من عمره
يعني ماتدوس دبرياج :
1 وانت ماشي عمال علي بطال
2 ماتحطش رجلك عليه خالص ولا حتي تربح عليه
3 بلاش تطلع طلعة جامدة ( تفرك )
4 لو هتقف شوية ...... مور
5 لما تيجي تفرمل ماتدوسش دبرياج الا لما تقل عدد دورات الموتور عن 1000 عشان ماتفصلش ... غير كدة استخدامه غلط
طيب ساعات فى الزحمة ببقى دايس دبرياج واطلع بيه شوية واقف تانى
يعنى اشيل رجلى من عليه امشى شوية
احطها تانى
وساعات مش بشيل رجلى للاخر
طبعا كدة غلط
بس المسافة اللى الواحد اتحركها بتبقى متر او اتنين ولو معملتش كدة هاخبط اللى قدامى او ادوس فرامل مفاجئ
يا ريت الرد ضروروى
ميحصلش حاجه
بس أهم حاجه متحملش رجلك عالبنزين مع رفع دواسة الدبرياج للنصف تقريبا"
كأنك محير العربيه تمشى ولا تقف يعنى
علشان الأسطوانه بتفضل تاكل فى الدسك فى الحركه ديه
يا تمشى يا تقف
يا تمشى و أنته رافع رجلك من الدبرياج خالص ... يا تقف وأنته ممور أو دايس دبرياج للأخر ورافع من البنزين .
لو حضرتك يا استاذ احمد شايف الشارع بيمشى ويقف شويه كتير على ما يمشى تانى يبقى مور العربيه وسيبه , لكن طالما الشارع بيمشى ويقف بسرعه يبقى خليك ماسكه عادى
وانت طالع طبيعى مش بتسيب الدبرياج كله مفيش مشاكل لو مسكته شويه وانت بتتحرك علشان تبطأ الطلعه بس المهم متمشيش بيه كدا يعنى مجرد ما اللى قدامك مشى خلاص سيبه
الاهم بقا هو متقفش على مطلع مثلا بالتحميل على الدبرياج , يعنى فى ناس علشان العربيه متريحش لورا بيخلى الدبرياج فى النص يادوب على التعشيق وميدوسش بنزين علشان العربيه متريحش والحركه دى بتقصف عمر الاسطوانه
شكرا لجميع الأخوة علي الردود.
كان لي سؤال لما اجي انقل الغيار واضع قدمي علي دواسة الدبرياج رجلي اليمين تفضل علي الدواسة البنزين ولا ارفعها.
لأ ترفعها طبعا وألا هتلاقى صوت الموتور على ويذيد نحر الأسطوانه فى الديسك
في حاجه كمان كان قال عليها المهندس سمير عياد للحفاظ علي مجموعه الدبرياج وهي انك وانت بتدور العربيه الصبح دوس دبرياج علشان ماتحملش عليه حمل العربيه بالرغم انك ممور الفتيس .
عايز تحافظ على الدبرياج... متستعملوش
بجد مش بهرج... طيب ازاى تسوق من غير ما تستعمل الدبرياج؟؟... مش حينفع... يبقى متستعملوش الا لو حتعشق نقلة او حتفك نقلة فقط لاغير
ترييح الرجل طول ما انت ماشى على دواسة الدبرياج و فصل الدبرياج بدلا من تموير العربية و تعليق العربية على المطالع من خلال نص دوسة دبرياج و التموير مع كل فرملة بتستهلك مكونات الدبرياج و بتقلل عمرة الافتراضى
MMamdouh