نصيحة لاى حد ناوى يغير الدسك والاسطوانة
كان عندى فى رعشة فى الطلعة بس مش فى كل مرة الباشا قصدى الميكانيكى قالى اسطوانة ودسك قولتة يمكن علشان انا حاطط زيت فتيس تقيل والدنيا شتاء قال لا هى اسطوانة ودسك قلتة اتأكد جرب العربية على يومين وقال اسطوانة 100 فى 100
المهم رحت اشتريت الاسطوان والدسك والبلية قبل ما يفك علشان انا مش بحب افك واقعد ادور على الحاجة وسعات مش بلاقيها واقفل تانى من غير لازمة ودى اول غلطة
بعد الفك ابص اشوف الاقى الاسطوان والدسك زى الفل!!!!! جداد مع العلم انهم بتوع الفبريكة والعربية مو1983 الباشا قلى دول تعبانين قلتلة ازاى المهم غيرتهم وخلاص :mahf(5): والمشكلة كانت فى اولسى الزور بتاع الفتيس (اولسى المدفع) بيجيب زيت جوة الدسك فبيعمل الرجرجة
خلص ومشيت وبركن العربية فى الجراج اسمع صوت حك وكركرة كنت تعبان جيدا وقلت بكرة اشوف اروح للباشا اقولة اية الصوت دى مكنتش موجود قبل كدى يقول دى من الفتيس ياعم اتأكد هو الفتس الاسطوان والدسك تمام والشغل تمام روح هات فتيس استيراد طبعا انا مش واثق فية رحت ل3 ورش فتيس وهم اشهر ناس فى مصر كلها اجمعوا ان العيب دى مش من الفتيس وامال اية المفاجأة بلية فلام (الفلام دى اللى بيركب علية الدسك والاسطوانة بين الفتيس والموتور) رحت للميكانيكى قلى لا دى فتيس انا متأكد مش اى حاجة تانى وعلى العموم انا بتعامل مع واحد بتاع فتيس ممتاز وهو اللى انا بثق فية ولو بلية فلام حاعملهالك ببلاش ولو فتيس حاتتفع تمن الفك والتركيب تانى:whtauwant:
جية بتاع الفتيس تانى يوم وقال نفس الكلام اللى هو بلية فلام قدام الميكانيكى
الميكانيكى قال اية طيب افك واعملها واحسبك على الفك والتركيب قلتة نعم ياحبيبى الخلاص قلى خلاص هياخد( 60 جنية نص المصنعية) وتيجى يوم الاتنين الصبح بقرف كمان ياعم انا مش فاضى اعملها انهاردة مع العلم انة كان مش مشغول قلى لا
المهم انا سبت الميكانيكى دى خلاص ورحت عملتها فى ساعة والراجل اخد 65 جنية من غير فصال كمان واحسن من الباشا قصدى الميكانيكى
الخلاصة
1- اى حد ناوى يغير الدسك والاسطوانة يفك الاول ويتأكد انهم فعلان هما السبب
2- يغير بلية الفلام مش حايخسر حاجة دى ب10 جنية ويخلى الميكانيكى يسنفر الفلام
3- اذا كان فى سلك دبرياح يبص علية
اتمنى ان كل الاعضاء يستفادة من اللى حصل معايا
