يا ترى اية ممكن يتلزق على البلاط ويكون اقتصادى و عملى
يعنى انا عايز بدل ما اكسر البلاط و الزق سيراميك او بدل ما احط سيراميك على البلاط اشوف حل تانى يكون ارخص و عملى فى نفس الوقت
يا ترى حد عنده تجربه ممكن يحكيهالنا؟
عرض للطباعة
يا ترى اية ممكن يتلزق على البلاط ويكون اقتصادى و عملى
يعنى انا عايز بدل ما اكسر البلاط و الزق سيراميك او بدل ما احط سيراميك على البلاط اشوف حل تانى يكون ارخص و عملى فى نفس الوقت
يا ترى حد عنده تجربه ممكن يحكيهالنا؟
ممكن تلزق مشمع ارضيات ساده
وممكن تلزق قنالتكس ( رقاقات سميكة من المطاط بمقاس 20*20 سم )
و ممكن موكيت قصير الشعرة بلون مش فاتح ومش غامق
وممكن سيراميك على البلاط القديم بدون تكسيرة مع تركيب اعتاب رخام تحت الابواب
:36_1_1[1]:
فى ال dhfزى الباركية كدة و بيركب على السيراميك أو البلاط
الاخوة افادوك بالاحتمالات المتواجدة بالسوق
واعتقد ان ارخصهم و اسهلهم هو تركيب قنالتكس لان سمكه قليل حوالى 1مم والوانه كتير و ممكن تعمل رسومات بيه وتركيبه سهل و لا يحتاج وقت طويل
فينيل...في مربعات (بلاطات) على رسمة باركية معمول من مادة الفينيل...فخم وشيك ونفس ملمس وصوت الباركية..ورخيص وابن حلال وهاتدعي لي....
على فكرة الفينيل هو القنالتكس
الفينيل هو اسم الخامة اما القنالتكس فهى نفس الخامة بس ده اسم الشركة المنتجة ( اول شركة تنتجه فى مصر من السبعينيات )
بس انا شايف ان القنالنكس لية طريقة نظافة خاضة عايز لما يتمسح يتمسح بقماشة مبلولة فقط يعنى متدلقش مياة وتشتغل بقى زى البلاط
شكرا يا جماعه ليكم كلكم
غالبا هيبقى القنالتكس
بس حد يقولى اسال عليه فين
الرويعى مثلا؟
شوف يا باشا لسه مركب الفينيل اللي شبه الباركيه اللي هو القناللتكس بلاطات 20 *20 وهايل بجد فعلا مالوش حل أسعاره 19 جنيه للمتر بدون التركيب والصنايعي اللي بيركبه بياخد يوميه 50 جنيه لحد 30 متر اكتر من كده بيتحاسب بالمتر بالنسبه لمادة اللزق في صفيحه ب 45 جنيه ودي الماده السودا ودي ما بتنشفش بسرعه بس شغاله كويس ودي اللي بتعمل عزل الرطوبة والحرارة وفي صفيحه تانيه ماده بيضا بتنشف أسرع ودي الصفيحه غاليه بتعمل حوالي 170 جنيه بس السودا شغاله زي الفل
في شركات كلمتهم عندهم نوعين نوع ب 22 بالتركيب واللزق ونوع ب 24 بالتركيب واللزق
ما تنساش لو هاتعمل أوضة نوم في حافه جلد بتتلزق على نهاية القنالتكس بيقولوا عليها ضهر حيه تجيبها للراجل وهوبيلزق يثبتهالك عشان بتدي شكل كويس وبتحافظ عليه من الميه
دي كل معلوماتي عن الموضوع ولو محتاج اي معلومه تحت أمرك
تسأل عليه عند أي حد بتاع ديكور
ولو عايز صنايعي قلي وانا ابعتلك تليفونه هو راجل شغله كويس
حلو موضوع الفينيل اللي على شكل الباركيه ده
لاقيتلكم شوية معلومات عنه:
اقتباس:
الفينيل
لايوجد أرضية ذات تشكيلات منوعة والوان عديدة مثل أرضية الفينيل.
أرضيات الفينيل كل يوم في تقدم جديد سواء بالشكل أو الجودة ..
النظرة العامة لبعض أنواع الفينيل تعطيكِ انطباعا أن هذه الأرضية من الخشب أو السيراميك وذلك نظرا لتقدم صناعته وجعله شبيها جدا للشكل الخارجي لتلك الأرضيات ولكن بتكلفة اقل بكثير ..
الفينيل أنواع .. وأسعاره تتفاوت حسب متانته, فمن الفينيل ماهو سميك ومنه ماهو رقيق جدا وكلما كان أسمك زادت قيمته المادية والمعنوية ( أقصد بذلك أنه سيصبح أجود وأطول عمرا اذا كان سميكا )..
مزايا الفينيل :
1-أنه يمكن وضعه على أي سطحٍ كان ..سواء على البلاط العادي أو على الخشب أو على سيراميك ..
2- دائما يعطي منظر أنه جديد ..
3- سهل التنظيف ..
4- مقاوم لأي بقع منزليه أو سوائل منسكبة ..
5- مناسب لجميع الأجواء ..
6- لاتظهر فيه الخدوش بسرعه وطبعا حسب نوعيته تكون مقاومته للخدوش ..
7- يمتلك أشكال متعددة وألوان كثيرة تشبه الأرضيات الأخرى ..
8- آمن على الأواني الزجاجية في حال سقوطها ..
العناية بالفينيل :
1- تنظيف اي اتربة عليه دوما ..
2- مسحه بلطف وعدم استخدام المنظفات القوية عليه مثل الفلاش وغيره ..
3- يوجد منظفات خاصه للفينيل يمكنكِ استخدامها ولكن في حال اردتي تنظيفه بمايتوفر لديك فلا تستخدمي صابون ذا حبيبات حتى لاتخدشيه واقصد بذلك التايد او غيره بل استخدمي منظفات سائلة ولايوضع منها الانسبة بسيطة بعد تخفيفها جيدا بالماء وتجفيف الارضية جيدا بعد ذلك ..
4- لاتقومي بسحب الاثاث بشده فوق ارضيات الفينيل فهو معرض للخدوش واحيانا الشقوق لو كانت عملية السحب قويه ,,
5- حمايته من اي اقلام او مواد حادة حتى لاتؤثر عليه ..
اقتباس:
أرضيات فنيل
· أرضيات الفينيل vinylfloor :
* فينيل كوانداكتيف conductive :-
تستخدم أرضيات ( كونداكتيف conductive) في المستشفيات لامتصاص وتفريغ الشحنات الكهربائية الموجودة داخل غرف العمليات مما يعطي نسبة عالية من الأمان داخل الغرف حتى لا يتأثر المرضى من هذه الشحنات وكذلك الأجهزة الخاصة بالمريض داخل الغرف، ومقاس البلاطة 60 ×60 سمك 2 ملم .
* أرضيات فينيل vinyl :-
أرضيات فينيل أنتي ستاتيك (anti static) & أسطح لامينيت .
ويوجد على شكل رولات 2متر وبسمك 2ملم، ماركة تاركت tarkett صناعة سويدي، خاصة بغرف العناية المركزة، وتعمل علي تسريب الشحنات الكهربائية الموجودة داخل الغرف كما تستخدم لغرف الكمبيوتر وغرف تقوية شبكات ومحطات المحمول
http://modeartegypt.jeeran.com/jjhgjg.jpg
* فينيل استاندرد standard :-
ويستخدم في الاستخدامات البسيطة مثل غرف المرضي – ممرات المستشفيات – معامل التحاليل (رولات 2 متر) والسمك 2 ملم .
* فينيل عادي :-
ويوجد علي شكل رولات 2 متر وبسمك 2 ملم، ماركة لنتكس lintex صناعة بولندي، ويستخدم للمنازل وغرف المعيشة والمدارس والحضانات والمكاتب الإدارية .
* فينيل سبورتس sports :-
ويوجد علي شكل رولات 2 متر وبسمك 4 ملم، ماركة لنتكس lintex صناعة بولندي،
ويستخدم للصالات الرياضية – صالات الجمينازيوم - الحضانات – المدارس، حيث تعطي هذه الأرضيات نسبة عالية من الأمان كما تقلل نسبة الإصابات في مثل هذه الأماكن نظراً لصغر سن الأطفال وممارسة الرياضة وما يحدث في تلك الأماكن الرياضية، ويتوافر بألوان أزرق، أخضر، باركيه.
http://modeartegypt.jeeran.com/50505000002.jpg
* فينيل أنتي سلبس antislips :-
ويستخدم فنيل تاركت أنتي سلبس رولات بسمك 2ملم في المكاتب الإدارية وأماكن العمل الموجودة فيها كثرة الحركة ويتطلب فيها أرضيات عالية المقاومة ضد التزحلق وتستخدم أيضا في حمامات الساونا والجاكوزي امنع انزلاق المستخدمين .
ويوجد فنيل على شكل باركيه ماركة تاركت صناعة سويدي رولات السمك 2 ملم، لجميع الاستخدامات ويعطي الشكل الجمالي للباركيه، كما يعطي قوة تحمل عكس الباركيه الطبيعي نظراً لأن الباركيه الطبيعي يحتاج إلي خدمة ورعاية عالية وصيانة دائمة لأنه دائماً يحرص المستخدم على كشطه وتلميعه من حين لآخر حرصاً للمحافظة على الشكل العام، كما أنه غير مقاوم للرطوبة وخلافه ولا يعتبر عازل للرطوبة كالأرضيات الفينيل الباركيه، مما يجعل الأرضية الفينيل الباركيه تتميز بالعمر الافتراضي الأطول والخدمة البسيطة.
http://modeartegypt.jeeran.com/7.jpg
بص ياباشا النوع اللي أنا جبته ده هو النوع الصيني وهو الأشهر والأرخص وجودته كويسه وخلي بالكان سعر المتر هايختلف من شركه لشركه حسب مادة اللزق الحافه الجلد دي هاتلاقيها في داري الهرم الدور التالت ودي بتحمي نهاية القنالتكس من الميه وغيره
القنالتكس غالبا بيركبوه في اوض النوم والليفينج لأنه ما بيطلعش رطوبه زي السيراميك والبورسلين انا لأني عامل الشقه كلها بورسلين واوضة النوم هي اللي كانت بلاط فعملت النوم بس واستحرمت اني ابوظ البورسلين لكن ما فيش ما يمنع انك تركبه في الشقه كلها انت وزوقك اللي ما يعرفوش هايفتكره باركيه بس هو ميزته انه ما بيطلعش رطوبه ولا حرارة عشان المادة اللي بتلزقع بتعمل كعازل زي القار بتاع الأسفلت كده
أنا اشتريته من شارع فيصل محطة التعاون المحل اسمه سارة للديكور
وهاديلك تليفون الصنايعي اللي جه ركبهولي إسمه عنتر 0124408700
ممكن تكلمه وتسأله على اقرب واحد ليك وهو هايفيدك قله بس من طرف الشيخ محمد اللي ركبتله في فيصل وان شاء الله يعملك شغل كويس
مشكوووووور والله يعطيك الف عافيه
الف شكر ليكم يا جماعه
هدور و هقولكم عملت اية ان شاء الله
حضرتك انا عندى برضة اقتراح الموكيت
لانى ساكن فى شقة ايحار و الارضية بلاط موزايكى شكله كان صعب
فجيبت موكيت غطيت بيه ارضة الشقة موش فاكر بالظبط بصراحة الاسعار لان الكلام ده من سنة و نصف
بس اللى فاكره ان العملية كلها اتكلفت 600 جنيه
و التركيب ركبته انا كل اللى انت محتاجة كتر محترم
و انبوبه لزق علشان تلزق الموكيت اللى تحت الببان علشان ميطلعش من مكانه
و هتحتاج مكنيه كهرباء كويسه علشان التنظيف الدورى
هو حل سريع و موش مكلف خالص
بس انا اختارته على اساس انى كده كده موش هفضل عايش بيه على طول
انا عملت العكس بقى خالص :)
الشقة الي اخدتها كانت متشتطبة من الثمانينات و معمولة بالقنال تكس ده بس كان بدا يتاشر و يقع ..
جبت سيراميك ( كان الفا او رويال تقريبا او حاجة كدة ) و كان اسعاره ممتازة ساعتها ( 55 جنيه حاجة كدة للفرز الاول ) .
و بعدين في مادة بيضاء لاصقة للسيراميك ( مش اسمنت ) علشان انا ركبت فوق الكنال تكس ده علي طول .
فرشت تقريبا 70 - 80 متر مربع ب 900 جنيه مصري . في يومين بالظبط .
ماعدا الحمامات اتكسرت طبعا علشان كانت سيراميك .
في انواع واشكال من الكنالتكس بيبقى اشيك من السيراميك مليون مره وكمان مبيبردش في الشتاء
بس اهم حاجه متسترخصش وشوف انضف نوع
متابع لو افكار أخري
موضوع جميل قوى ومفيد خصوصا وانى داخل الايام دى على توضيب شقة وهيا فيها سيراميك وحالته مش قوى فكان فيه فكره انى اغير السيراميك بس سمعت بعد كده اننا ممكن نلزق فوقة سيراميك من غير ما نكسر القديم
ودلوقت فى الموضوع ده قريت عن الفينيل وعاوز اعرف عنه كمان وايه الاشكال المتوفرة منه فاعرف منين
موضوع فى وقته جدا
انا كنت بفكر فى أى حاجه زى الفينيل كده بس مكانش عندى خلفيه
لكن السؤال المهم : هل الفينيل هيستحمل لو اتركب فى مكتب وناس داخله وخارجه باستمرار ولا لونه هيروح وهيتجرح ويتبهدل ؟
ويا ريت لو حد عنده فكره ممكن الاقيه عند مين فى طنطا
طبعا موضوع جميل جدا
بس أنا ليا ملاحظة
بالنسبة للموكيت: لا يفضل لأنه بيجمع اتربة مهما كانت النظافة اليومية وبيؤدي للاصابة بالحساسية خصوصا عند الاطفال وبيجمع بكتريا وغيره مما يصعب تنظيفه
وبالنسبة للفينايل: انا مش متأكد بس أعتقد أنه غير مقاوم للحريق وده ينطبق على الموكيت طبعا
و الموضوع ده لازم يتاخد في الحسبان
وشكرا
السلام عليكم لو سمحت ممكن تليفون الصنايعي بتاع الفينيل اللي حضرتك معاك موبايلو