احكيلنا عن حوادثك الى عملتها

مين فينا معملش حادثه سواء كانت غلطتنا او مش غلطتنا تعالوا هنا نحكى ايه الحصل لنا واحساسنا اثناء وبعد الحادثه وعواقبها

هبداء انا بقى :3_3_102[1]:

التفــــاصيل :

كنت رايح اقابل مزه بعربيتى الفولكس وماشى فى الوحات الهو طريق جامعتى جامعة مصر
الساعه فى تمام 7 ونص 19-7-2009
شايف مقطوره وقفه فى الحاره الى فى نص من الطريق المتكون من ثلاث حارات بس
تلقائيا خدت اقصى الشمال بقين بين المقطوره والرصيف وادامى نص نقل بمساقه 7 متر كده
الحته ديه فيها تقاطع الى خارج من اكتوبر وبيلف لطريق الفيوم
طبعا انا مش شايف حد بيقطع الطريق بسبب المقطوره فاعتمدت على النص نقل ال اودامى
كنت ماشى 90 -80 اثناءها لقيت النص نقل لمبه الفرامل اشتغلت فهدين انا كمان قلت اكيد هيقف عشان ناس بتقطع الطريق مفيش ثانيه ولقيت اللمبه اختفت انا بعقليتى الفذه قلت هة هيحرق عشان يعدى قبليهم قمت شيلت رجلى من الفرامل كنت ملمس عليها بس وجى ادوس بنزين لقيت نفسى تحت النص نقل رفعه بالكابوت


احســــاسى:
بقى قبل مافتح باب العربيه قولت اكيد بسيطه لقينى ملبستش براسى فالدركسيون المنظر وانا جوا كان الكبوت اطبق لفوق بس... قولت انشاء الله بسيطه الكابوت سمكره واكيد هلاقى النمر واقعه بس :mahf(5): نزلت لقيت العربيه متكسره مكنتش مصدق نقى لدرجه انى عادى واقف مستنى زرار rewind يجيلى ادوس عليه وارجع تانى ده كان احساسى بجد

الاضـــــــــرار :

كابوت جديد - صدر جديد - شبكه - ترس كامه - سير كاتينه -سمكره ورش كل دول

الاضرار عنده بقى ولا خدش فالصاج عنده ولا الفوانيس لانى لما فرملت وراه قبليها بثانيه الكابوت بتاعى نزل اثر فرملتى تحتيه ورفعته لفوق بالاكصدام بتاعه

التكلـــــفه :
دخلت فى 4500 بالمصنعيه

الطـــرف الاخر :
الراجل عدبم الضمير كان عايز ياخد منى فلوس مع انو معندوش خدش واحد بس طبعا خد الفيه النصيب ومكنش معاه الرخصتين بتوعه كمان

المــــــــده :
قعدت شهر تتصل 3 اسابيع ميكانيكا واسبوع سمكره و رش


شويه كده اشوف تجاوب الاعضاء واكملكوا الحادثه التانيه :fdsa:

كنت طالع على طريق مصر اسماعلية عندى ال bbc كدا وجاى من اقصى اليمين والمفروض انى اخد يوترن قريب على اقصى الشمال واراجع وطبعا كلى تركيزى على المرايا الشمال عشان الناس الى جاية طايرة من وراء وكان مقطورة كبيرة جاية وماشية سريع وانا مركز معها وماشى فى حدود 60 كليو وازء بيا اسمع صوت خبطة جامدة اترى فى مكربوس ربنا ينتقم منة ماشى فى نص الطريق 20 كليو وكمان قفل النور طبعا دخلت فية وانا دايس بنزين كمان ومعرفتش انى عملت حدثة غير من الصوت طبعا نزلت مش مصدق نفسى لقيت العربية واخدة حضن محترم قولت الحمدلله انى سليم وفى دهية اى حاجة وصلحتها واتكلفت 5000 وفترة التصليح اربع او خمس ايام

اول حدثة كانت 128 كان على طريق الاسماعلية وكنت رايح حفلة جمعة miu وصحبتى مستنيانى واذا بى القى عربية بيجو فرملت عادى رحت ادوس فرامل ملقتش دخلت ذى الباشا وهو دخل فى قلى قدامة عربيتين 504 وانا فى الاخر تخيل العربية متبهدلتش بس المشكلة ان القطرة قلى بتبقا فى الكسدام قلى بتقطر الناس فى 504 رشقت فى الاسبرتير دمرتة فالعربية وقفت المهم هما محصلهمش حاجة والراجل صاحب العربية نزل يتكلم عملنا بليكة المهم الراجل مشى وهو مقتنع انة غلطان المهم شفت نص نقل تقطرنا وحنا مشين بتاع نص نقل فرمل جيت افرمل ملقتش دخلت فية نحس نحس بجد اتكلفت سعتهاء بتاع 1000 جنية سمكرة ودوكو واسبرتير وطقم كهرباء وردتير كمان يعنى
الحدثة الثانية تموت من الضحك
كنت ماشى نازل منزل كوبرى اكتوبر شارع النصر يوم الجمعة الصبح
كان 128 بردو وطبعا الدنيا فضية ومنزل المهم الست قلى قدام فرملت مرة وحدة ولا اعلم السبب هى بتقول لقت حفرة حاجة كدة المهم عربية اكسيل طبعا دخلت بسرعتى مع فرملة ضعيفة من 128 لقيت الكبوت بتاعى فوق الشنطة داخل على الزجاج ورشق فية من وراء عربية نسيان صنى كانت زيرو المهم لاجل حظى الممتع كان فى لنسر جى بسرعة نازل المنزل تفادة النيسان وعومت منة دخل فية من الجنب بص العربية كان شكلها جميل اوى الاضرار
من وراء الكسدام اتلوح يمين والعضم دخل شوية بسيطة لجوة الجنب الباب الاخلفى والامامى سمكرة وكويس انى كنت قافل الزجاج متكسرش
قدام 2 وش كشاف وسكرة اتكلفت الحدثة من سمكرى وبويا 1300
الحدثة الثالثة والاخيرة كانت بالفكترا
كانت طالع من شارع جانبى ببص القى عربية 131 جية بسرعة وقفت على طول كنت مولع العالى سعتهاء وهو طافى نورة ومعرفش لية المهم دخلى فى الرفرف الشمال انا نزلت قولت عربيتى راحت فيهاء نزلت
هو كان دخل فية بتاع 50 حاجة كدة العربية عندى متحركتش بصيت لقيت الرفرف الشمال اتعوج لجوة شوية ووش فنوس الاشارة اتكسر
هو الشسية كلة دخل لجوة السدر راح الفونيس اتكسرت الشبكة راحت الكبوت اطبق الكسدام راح الردتير راح المروحة راحت بص خساير بالجملة التكلفة 30 جنية استعدال عند السمكرة 25جنية فنوس اشارة بس كدة الالمانى قوى جدا وانا سعيد بية اوى
الحوادث البقية خدوش تريحة كدة

الحادثة التانيه اول ما استلمت العربيه مرشوشه تانى يوم بليل كنت فى الزمالك تايه الى حد ما ماشى براحه جدا مستنى حد اسئله عن مكان cafe de paris ماشى فى شارع ضالمه نحية سفاره كده
سامع صوت واحد بيفرمل بس مش شايف مين ابص ادامى و ورا مافيش حد ....... لقيتلك مره واحده عربيه داخله فيا فالرفرف الشمال كسرلى الكشاف والاكصدام والرفرف
جيب كشاف بى 250 بعدين روحت للسمكرى والدوكو الى لسه كنت ماشى من عندهم عملتلهم قرد بقى :D قلتلهم مش دافع حاجه تانى هههههه بلطجه بقى سمكرى خد 50 جنيه والرش خد 50 جنيه