حادث ادى الى قطع كامل بالنخاع الشوكى الى احدى اعز اصدقائى
ادى الى شلل النصف السفلى حركى وحسى وتبول لا ارادى
هل يوجد عمليات ناجحه لهذا النوع
وما هى نسبه شفائه
عرض للطباعة
حادث ادى الى قطع كامل بالنخاع الشوكى الى احدى اعز اصدقائى
ادى الى شلل النصف السفلى حركى وحسى وتبول لا ارادى
هل يوجد عمليات ناجحه لهذا النوع
وما هى نسبه شفائه
اعتقد خارج مصر طبعا
سمعت كتير عن زراعة النخاع ياريت اطباء المنتدي يفيدوا زميلنا
وربنا يشفيه ورجع سالم ان شاء الله
حاول تسأل في دار الفؤاد
كنا متابعين مع دكتور فى دار الفؤاد وقالنا ان كل العمليات الى برا تحت
الدراسه مافيش حاجه ناجحه
ربنا هو الشافي
و أبحاث الخلايا الخذعية بتوصل لنتائج مبشره و لكن حتى الآن مجرد تجارب فردية و لم تعتمد كعلاج عام
نجاح تجارب لعلاج مصابين بالشلل النصفي: زراعة الخلايا الجذعية بأيد مصرية! :::::شبكة مصر بلدنا
Spinal cord injury receives new hope from stem cell research | Spinal Cord Injury & Brain Injury News & Articles
الف شكر بس من الواضح من الى انا قريتو ان مفيش حاجه ثابته او مضمونه
اسم صحبك اية ممكن اكون عارفة وعارف حالتة لان ليا صديق عندو نفس الحالة
هو صديقك ده منين
من الهرم ربنا يشفية ويعافية وكل المسلمين
لا هو من محافظة تانيه بس كان بيدرس هنا
ربنا يتم شفاهم وجميع المرضى على خير ولو وصلت لنتيجة فى موضوع الخلايا الجزعية بلغنى
هو صديقك بقالو كام سنه على وضعه ؟
3 سنين تقريبآ
لا حول ولا قوة إلا بالله
قدر الله وماشاء فعــــــل
من واقع دراستي في كلية الطب - جامعة القاهرة سنة تالتة
أن النخاع الشوكي عند اصابته لا يقوم بتجديد نفسه أو تصنيع غيرها لأه من الخلايا الثابتة ولذلك يؤسفني أن أبلغك ان صاحبك هيفضل مش هيعرف يتحرك برجليه يعني هيحتاج كرسي بس بالنسبة للتبول اللا إرادي وغيره هتلاقيها رجعت تتظبط تاني على ما أتذكر وذلك بطريقة معينة يطول شرحها
فرص حركته على قدميه ضعيفة جدا ومافيش مستحيل على ربنا .
قد يكون كلامي يحتمل الصواب والخطأ وذلك لاني دارس ولست أمارس لكني أتكلم من واقع مادرست وفهمت
وربنا يشفي جميع مرضانا يارب العالمين
كل اللى بيحتاجه حاليا هو الرعاية التمريضية يعنى التقليب المستمر و العناية بالجلد لمنع التقرحات وتمارين المثانة وكيفية التاقلم مع الوضع الجديد
للأسف على حد علمى لو الحادثة اتقطع فيها مداخل ومخارج الأعصاب من النخاع الشوكى يبقى مافيش أمل ويحاول يتعايش مع الوضع الحالى
قدر الله وماشاء الله فعل"وللاسف المشكلة حتفضل موجودة""
ياريت تحكى لنا ايه سبب الحادثة للموعظة""
حضرتك ممكن تعرض على أهل يروحو الدكتور ياسر المليجي دي نمرته 37628405 الراجل ذ كويس جدا
الدكتور ياسر المليجي متخصص في العمود الفقري عيادته في الدقي وهو مع دكتور يسري الهواري أحسن اتنين في مصر متخصصين في العمود الفقري . أنا عملت معاه عملية قريبة للحضرتك بتحكي عليها بس مكنش قطع في النخاع وبعت الأشعة لدكاترة في أمريكا وكلو شكر في العملية . ووالدة صديق لي عملت معاه عملية تثبيت فقرات وسافرت ألمانيا بعدها الدكاترة هناك كللها العملية ممتازة
ربنا يشفيه ويعافيه يارب برده حصل كده لواحد صاحبي .. العربية اتقلبت بيه ودلوقتي الحمد لله ماشي علي رجليه وبيعمل علاج طبيعي .. ربنا يشفي كل مريض
ربنا يشفيه
امــــــيــن
الله الكريم خلى الأعصاب داخل الجمجمة و العمود الفقرى بدون غلاف خارجى (و هو المسؤل عن إعادة العصب عند قطعه) و لهذا حماها داخل هذة العظام و عند خروجها يتم تغليفها بهذا الغشاء و يمكن أن ينمو العصب المقطوع بمعدل 1مللى يوميا. لهذا أدعو لها بالصبر و أملها الوحيد هو عن طريق زرع الخلايا الجزعية ودى لسه تحت التجربة.
الف شكر بس هل كان فيه حاله كانت عندها قطع كامل و تم نمو النخاع لوحده ورجع الاحساس ؟؟
ربنا يعجل بشفاءه و سبحان الله انا شفت واحد فى فيلم وثائقى كان متدمر تماما و شلل كامل و ما فيش امل فى علاجه نتيجة حادث طائرة ادى لتهشم العمود الفقرى تماما و الكل قال انه انتهى و فى 6 شهور قام لوحده بدون علاج اسمه Miracle man
لا حول ولا قوة الا بالله العلي العظيم
حضرتك الأمل ضعيف لكن الله ما خلق داء الا و خلق له دواء
و أنا شفت في الجزيرة و ثائقي حالة مشابهة تم زرع خلايا عصبية من العصب الشمي اللي أول الأعصاب الدماغية و يعتبر امتداد فعلى من المخ ...
و شفت بعينى المريض و هو بيعمل علاج طبيعي لأنه فضل 5 سنوات ما بيمشيش...
المهم اني عارف ان في جامعة في استراليا شغالة على الحكاية دي
وهي جامعة جريفث
دول أسماء و عناوين الدكتورين اللي شغالين على الموضوع من سنة 2003
ممكن حضرتك تبعتلهم التقارير ..ويا عالم ...يمنك يكون علاجه عندهم
http://img708.imageshack.us/img708/3927/olfactory.jpg
انا بجد بشكركم جدا على تعاونكم معى
ربنا يتم شفاهم وجميع المرضى على خير
الخلايا جزعية هي خلايا شبيهه بخلايا السرطان و مشكلتها اللي مقلقة و ضد تطبيقها على نطاق واسع إنها ممكن تقلب بورم خبيث، و طبعاً الورم الخبيث في الأماكن اللي مستهدفة للزرع بيبقى مش كويس و علاجه صعب
لا تقنطوا من رحمة الله
دعواتكم يا شباب الله يخليكوا
ربنا يشفيه ويصبره
اللله اشفيه واشفي مرضي المسلمين جميعا