يا جماعة فيه رادار ليلى راكب جديد على دائرى المعادى (اتجاه المنيب) بعد كارفور بحوالى 5 كيلو متر كده.
احظروا من السرعة بليل على الدائرى عشان شكلهم كده ها يركبوا رادارات كتيرة هناك.
عرض للطباعة
يا جماعة فيه رادار ليلى راكب جديد على دائرى المعادى (اتجاه المنيب) بعد كارفور بحوالى 5 كيلو متر كده.
احظروا من السرعة بليل على الدائرى عشان شكلهم كده ها يركبوا رادارات كتيرة هناك.
فاضل يعملوا رادار لكل مواطن
شكرا عالتحذير
حضرتك اتأكدت بنفسك من الخبر ده
اصل انا بمشى كل يوم من الطريق ده
وفين بالتحديد
وشكرا على التحذير
بصراحه انا مع فكرة الرادارات دى طحن وخصوصا ع الدائري
السواقين بيستعبطو
شكرااااااااااااااا
و فيه واحد وانت رايح علي طريق الواحات
تمام انا شوفته فعلا ... قبل ما توصل الاتوستراد على طول عند نقطة المرور اللي على اليمين ...
لا حضرتك هما شكلهم جابوا دفعة جديده من الرادارات المتنقلة اللي بتصور كمان
لأني اتصورت بالليل على الدائري وانت جاي من الهرم الى القليوبية على الكوبري كمان مكان ولا يخطر على بال احد
فجأة لقيت فلاش ضرب وبعديه لقيت عربية الكيا الجيب وقفه بعديه ولكن اساسا الدنيا ضلمة مش هتعرف تشوف حاجه
الا محدش يعرف الغرامة كام بتاعت السرعة دي انا كنت اساسا تقريبا ماشي على 100 كم
مش اقل من 500 جنيه
مشكوووووور والله يعطيك الف عافيه
غرامة السرعة 150 جنيه
الدائرى بجد بقى كله رادارات على الوصله الجديده فى اتنين واحد اتجاه اكتوبر قبل نزله اسكندريه الزراعى والتانى قصاده اتجاه المعادى وواحد تانى فى الاتجاه القادم من دريم لاند و6 اكتوبر بعد نزله ميدان الرمايه ربنا يسترها مش ناقص غير زى ماقالت بسكوته رادار لكل مواطن يرفعولنا 80 مليون قمر صناعى مصغر فى الفضاء ويراقبك بقى ماشى فين وازاى وبتركن فين وازاى وبتغسل عربيتك كل قد ايه وبتمون من اى محطه وهيلموا تكلفه الاقمار ده فى اقل من شهرين :fdsa:
شكرا ياباشا على التحذير
مخلفة الردار 150 فورى
300 عند التجديد
انا كمان اتلقط على الناحية التانية بعد مانزلت من وصلة المريوطية (من اتجاه الهرم لمدينة نصر) كنت 130 و فجأة لقيت فلاش ضرب في وشي مش فاكر بالظبط فين لأنو كان من فترة و فضلت ادور على اللجنة علشان لو فيه حاجة ادفع فوري و اخلص بس للأسف ملقتش و مش عارف اصلا اذا كنت اتلقط ولا لأ لأن كان فيه اكتافيا يميني و ميجان شمالي بيشدوا مع بعض :)
يا الناس دى عاوزة مننا ايه
كل شوية ردار فى حتة جديدة
و كماين فى حتة جديدة
هو احنا فين هنا
بص يا الكس هي الفكرة مش في ان الناس دي عاوزة ايه لو بصينا على الصح هنلاقي ان المفروض منزودش السرعة عن السرعة المقررة و ده لسلامتنا لكن اللي يتقال ان الموضوع ده كان يبقى من الاول و تبقى مسألة تعود زي ما بيحصل برة انك لما تجري تلاقي عسكري في قفاك و بيعملك مخالفة و بمبلغ محترم فمتعملهاش تاني لكن احنا اتسابنا و اللي عاوز يجري يجري و اللي عاوز يقفل عداد يقفل و فجأة حبوا الانضباط فطبيعي ان تكون النتيجة مخالفات كثير و بالتالي فلوس كثير للداخلية و جيوب الامناء و في الاخر على طريق موت الاضائة فيه سيئة، خدمات مفيش، امان مفيش سفلتة منيلة بنيلة و هكذا
اللي كان زي الدائري من كام سنة هو المحور و دلوقتي ما شاء الله مظبوط جدا و رادار كل 4 او 5 كيلو و في مكان واضح و قايلك قبلها احذر من الرادار مبيديكش فرصة تجمع بعربيتك في الفرق بين الرادارين و طريق نور ظهر و متسفلت كويس
ايوه يا جماعة انا متأكد اووووى، لأنى اتصورت انا وواحد صاحبى ورا بعض وبعدينا عربية تانية.
انا ما قدرتش اعرف هو ثابت ولا متحرك عشان احنا كملنا مشى مش وقفنا.
انتو عارفين، انا كنت لسه بقول ليه مش يعملوا رادار عشان السرعة، السرعة ٩٠ واجى ابص الاقى صاحبى اللى راكب معاه ١٤٠ وصاحبى التانى سابق ومعدى السرعة دى، هب ولاقيت الفلاش ضارب فينا، مش عارف ليه كان فيه جزء فيا فرحان عشان قولت لو استخدم صح -مش عشان لم الفلوس بس- اكيد ها يقلل الحوادث.
كده بقى مافيش غير مثل شعبى لازم نعمل بيه
امشى عدل يحتار عدوك فيه
بس يارب نلاقى طريق عدل
ممكن تروح قيادة الطريق الدائري اللي عند نزلة المؤسسة (القليوبية أو الزراعي) هتنزل تحت هتلاقي جامع وفي حضنه القيادة بتاعة الطريق قولهم انا اتصورت رادار وعايز اعمل تصالح لو المخالفة لسة عندهم معداش عليها 3 او4 ايام هتدفع ال 150 وتاخد وصل وشكرا
نصيحتي انا باه كبر دماغك وان شاء الله مش هتلاقي المخالفة دي لما تروح تطلع شهادة المخالفات والموضوع دا ياما بيحصل
100؟؟ انا مرة اتصورت على سرعة 93 وبرضو دفعت ال 150 زي الباشا
يااا مسهل الاحوال
و فيه كمان رادار و كاميرا داخل نفق الازهر و شكلي كده أتصورت بيها رايح جاي الاسبوع اللي فات
يعني يعملوا عربيات بمواتير كام حصان وعزم كام نيوتن وعداد اخره كام كيلو وفي الاخر لما امش بالعربية امشي 90 ولو اكتر اتاخد مخالفة طب ما يعملو عربيات اخرها 90
انا مع الردار بس مش كده يعني ارفعوا السرعة شوية
يعني النقل ماشي الاتوبيسات ماشي انما الملاكي افتحها شويه يعني 110 يبقي حلو
مصر بدأت تتقدم هيييييييييييييه