للاسف دى حقيقة
عرض للطباعة
ههههههههههههههههه والله دى الى حصل من بنت خالتى (معهد الفنون التطبيقية قسم عمارة يعنى بتفهم المفروض ) كنت قاعد باروق اوضتى وهيا دخلت عليا وانا مشغل اغانى على الكمبيوتر وسألتنى انت عندك اغانى ميين قلتلى عندى كلة ماعدا كذا وكذا وكذا وكان من ضمنهم تامر حسنى فقالتلى باستغراب يعنى انت بتكللم بجد قلتلها اة لية
قالتى دة خالتوا (الى هيا والدتى ) قالت انك جايب الكمبيوتر دة ب 5000 ج يعنى الغالى مش بيشغل صوت تامر حسنى والى انا جايباة ب 2000 بيشغل صوت تامر حسنى انت اتضحك عليك فية
قلتلها هههههههه طيب اطلعى وسيبينى اخلص الاوضة بدل ما اخلص عليكى و اسمعك صوت فيلم سفاح النساء هههههههههههههه والله دة الى حصل معايا
الموضوع جامد، بس للامانة في رجالة بتعمل اكتر من كده، و موضوع البرنتر اللي مش راضي يتعرف ده حصل معايا شخصياً (صديقي صاحب البرنتر مش انا)
الموضوع جامد و شكرا لromeo_6887
هو احنا خدنا على قفانا فى السودان من قليل
بس مش واسعة دى شوية يا باشا :shyy:
لا يا باشا هما فاكرين ان كل حاجة بتتبصم
بس انا ملاحظ ان بنات المنتدى مهجموش يعنى زى كل مرة , شكلهم فى مرحلة البيات الشتوى
حظكم ان الاخت ايس وراها امتحانات ومش فاضية تدخل المنتدى
والا كنت هاتسمع كلام زى الرصاص وردود زى الطوب يامعلم وخدلك ساتر ........بس والله دمها زى العسل واحشتنا ردودك يا ايس
ربنا معاكى فى الامتحانات
وبعدين يعنى يا شباب هوة لو احنا فى كلية فيها رجالة بس يقولك دة انا فى كلية ميرى يا عم دى حاجة نيلة قوى كلة رجالة كدة
ولو فى كلية عادى شباب وبنات يقولك المفروض ميدخلوش البنات دول الكلية اصلا
هوة احنا كدة مابيعجبناش العجب ولا الصيام فى رجب
فكرتنى بموقف مش هنساه فى حياتى ابدا
من حوالى 10 سنين كده كنت شغال انستركتور و لاقيت واحد صاحبى انستركتور برضو خرج من الاب جرى و وقع على الأرض من كتر الضحك
فين وفين على ما هديناه علشان يعرف يتكلم .. هو كان فى لاب مع موظفين من هيئه البريد بيديلهم اساسيات لسه ويندوز وكده
فا علشان يعلمهم مسكه الماوس فاتحلهم الرسام وقاعدين يشخبطو
فا عم الحج نظره ضعيف شويه ومش شايف الخط اللى بيرسم بيه .. صاحبنا ده اختارله خط أتخن شويه و قعد يشخبط والموضوع مشى
بعد شويه عم الحج التانى اللى جنبه بيبص على الشاشه بتاع عم الحج الأولانى فا لاحظ ان الخط عنده أتخن بشكل ملحوظ ... يعمل إيه ؟؟ قاله متدوسش على الزرار بتاع الفاره قوى كده أحسن الحبر يخلص بسرعه ههههههههههههههههههههههههه ههههههههههههههه
تخليو انتو بقى منظر عم الحج والكلام ده طالع منه فى الاب بكل تلقائيه ههههههههههههههه
الله يمسيك بالخير يا ايهاب
من المواقف الجامدة بردو الى اتحاكتلى لعميل لشركة انترنت فى الغردقة كان شغال فيها ابن عمى والعميل دا كل شوية يتصل بلكول سنتر ويعد يشتم
مرة علشان النت مش واصل فين وفين اما عرفوا ان التليفون مش واصل فى المودم وكان ردو هوا اية علاقة النت بسلك التلفون هو انتو مش وخدين اشتراك ولما ابن عمى زهق وحب يخلص منو قالو اصل كبل النت ماشى فى البحر وسمكت قرش عضتو والشركة بعتت غطاسين وضفاضع بشرية علشان تصلحو الراجل سمع الكلام اتخض وقالو شكرآ
طب أسمعو دى
صديق شغال فى فودافون فى مبيعات الشركات
راح لصاحب شركة صغيرة فى تعامل بينهم و بيدردش معاه
الراجل قاله مش أنا جبت فاكس
صاحبى : ألف مبروك و جبته بكام و منين
الراجل : هو طلع بايظ كده كده و هرجعه
صاحبى : ليه؟؟؟
الراجل: بحط الورقة من الناحية دى بتطلع من الناحية التانية و مش بتروح للرقم اللى أنا ببعتله
!!!!!!!!!!!!!!!!!!!!!!!!!!!!!!!!!
البيه كان فاكر أن الورقة هيحطها فى الفاكس هتضغط و تدخل فى سلك التليفون و تروح للفاكس اللى بيبعتله
عشان متظلموش البنات بس :)
ههههههههههههههههههههه
شوية مواقف جمدة واحلى حاجة بتاعت الفاكس دى
والله حرام عليكوا يا جماعة البنات ليها في الكمبيوتر والعربيات والرياضة وكل حاجة وحتي لو ملهومش ده مش عيب وبعدين واضح من المواقف اللي انتوا كاتبنها ان مش البنات هما اللي ملهومش ولا ايه ؟
الموضوع مش مرتبط بنوع معين ممكن تلاقي فعلا بنات مش فاهمة والعكس ممكن تلاقي ولاد مش فاهمة وده في كل المجالات مش الكمبيوتر بس.
معلش بقه شوفوا الرجالة
مديري النهاردة عايز يشوف فايل معين عندي على جهازي قلت له عملت لك عليه شير ممكن حضرتك تشوفوا
قالي اوك وبعد يجي ساعة بعتلي بيقولي فتحت الكمبيوتر ملقتش حاجة
فبقوله بحسن نية هو جهازي مش ظاهرلك ولا ايه على النت ورك !!!
ترد مديرتي ومرؤسته تقولي لسه مدخلناش نت طبعا حاولت افهمها ان نت ورك يعني الشبكة الداخلية بس هيهات
وهو منتظر يفتح يلاقي الفايل مفتوح قدامه على الديسكتوب
وهي تقولي الكيبورد بتاعتك تمام مش محتاجة رامات ولا اي حاجة !!!!
ههههههههههههههههههه
حريم مصر بقى هنعمل ايه
انت بتهزر ههههههههههههههه
بجد لو بحفظ حوارهم مع بعض هتسمع العجب زي كدة واكتر وكل واحد بيترسم على التاني بكلام مالوش معنى وانا ببقه واقفه فاتحه بقي وهم بيتبادلوا حوارهم
اه افتكرت موقف تاني
الكمبيوتر له باس ورد وكنا بندخله غلط اكتر من مرة تقريبا ف مبقاش راضي يقبل الباس ورد الصحيح
وبعدين يقولي شوفي كدة يمكن حاجة من الوصلات فلتت
ممكن الكيبورد دى تكون ايمبولايزر
هههههههههههههههههههه نور قدمى استقالتك احسن هههههه
هو منين بيروح فين:C_laugh[1]:
يا جماعة لا العيب فى البنات ولا فى الرجالة العيب فى دماغ أى حد لو كان لسة التطور موصلهاش
واحد صاحبى بيقولى بغير الشاشة لموظفة زميلته قالتله وكده الحاجة اللى على الدسكتوب حتضيع؟!!!
ممكن يا نور تقوليلى فين الشركة بتاعتكم دى عشان اقدم فيها عشان لو بجد المدير بتاعى بالشكل ده هافضل 24 ساعة فى الشغل اتفرج عليهم .
مين قال بس كده :colsmil: طب انا اتحداكى يا سارة لو جبتى بنت بتفهم فى الكمبيوتر والعربيات والرياضة فى نفس الوقت وكمان المواقف المكتوبة عن الرجالة دى داسيسة علينا واكيد كان قاعد جنبهم حد فى البيت وهم بيكتوبها :36_3_18[1]: .
انا عارفة طبعا انه تريأة وانا والله ضحكت معاكوا وهدور علي موضوع تريأة علي الولاد واجيبهلكوا لان طبعا مفيش زعل بينااقتباس:
الموضوع باختصار يا ساره
ان ده موضوع تريأه و ادينا بنضحك شويه
لو عملتي مثلا موضوع بتتريأي فيه علي الولاد
محدش هيزعل لانه كله هزاز في هزار
انا بفهم في التلات حاجات في نفس الوقت وفيه بنات غيري كتير اما المواقف الدسيسة علي الرجالة فدي مواقف واقعية وبعدين كل واحد فينا بيبقي ليه ساعات لحظات غباء ولا ايه ؟؟؟؟:shine[1]:اقتباس:
مين قال بس كده :colsmil: طب انا اتحداكى يا سارة لو جبتى بنت بتفهم فى الكمبيوتر والعربيات والرياضة فى نفس الوقت وكمان المواقف المكتوبة عن الرجالة دى داسيسة علينا واكيد كان قاعد جنبهم حد فى البيت وهم بيكتوبها :36_3_18[1]: .
[QUOTE=sarah5;3872233814] [COLOR=blue][blur][COLOR=blue]انا عارفة طبعا انه تريأة وانا والله ضحكت معاكوا وهدور علي موضوع تريأة علي الولاد واجيبهلكوا لان طبعا مفيش زعل بينا
QUOTE]
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ
لقد بدات المعركة والعين بالعين :fdsa:
+1
1- ايه العربية ال فيها اعلى معدل تسارع من صفر ل 100 وبكام وشركة ايه ال بتصنعها وكام حصان وفيها كام تربو
2- في كام فريق خد الدوري في مصر
3-الرامة بتعمل ايه
لو جاوبتي انا هتنازل عن فكرة ان البنات اقل من الرجالة في العقل
فهمهم بطيء يعني
لان دي فكرة استحالة اغيرها